¹ Isimoni Ipita, Ijesu Ikristi ọọ̀van akà Aàpostoli ne ero abẹ nẹnẹ na ọnawọ ọnyẹnẹkẹ akọ ka atọ siye na ẹ na, ọnawọ ọ̀ṣẹrẹ nẹnẹ wa to Osibina aka Onaafanro Ijesu Ikristi. ² Ese aka iwọbẹbẹrẹ a yẹrẹ bile amọ ọ̀ma odidin nẹnẹ wa Osibina aka Ijesu ti Idu ẹka. ³ I yo iwogbigben uba oòre, bẹ fọ ẹpẹn fẹnyan nẹ ẹrọ akà ọwakosibinq na nẹ tọ ke ì to odin Osibina uba ọọ̀rẹ, nẹnẹ ye tu na àyè ẹbẹba uùgbugbodi akà ubọọrẹ. ⁴ Ẹ̀nanẹ ubọọrẹ a fọ owọrọn ọnyẹnẹkẹ akà ọkẹka nẹ tọ, kadalkada ka ti di da ọmaruwa abẹ ọma , akọ e siye gbe ka tẹ fan obibe nẹnẹ wo ẹrọ nẹnẹ onini odudu abẹ ṣoma na. ⁵ ̣nẹ ubọọrẹ, gbe akanyan ka ọ fọ oborosisiye bile wọ ọnawọ, akà nọ oborosisiye fọ odidin bile ẹ, ⁶ nọ odidin fọ ọsiwumẹtẹ bile amọ, nọ ọsiwumẹtẹ fọ ọfiwuna bile amọ, nọ ọfiwuna fọ ọwakosibina bile amo, ⁷ nọ ọwakosibina na fọ ẹdagben uùnini bile amọ, akà nọ edagben uùnini fọ unini bile amọ. ⁸ gbe ka è é wo wo wi ibe bi diye ruwa ì wi ibe, wè èke ṣina ogbeni sa ọnememunilukutu ì ti Idu Ijesu Ikristi oòdidin. ⁹ Àmá efẹnẹfẹna e è me su ẹkẹnẹ nanẹ na a ma gbẹrẹn nẹnẹ e gbe ka e penanyẹn, akọ e siye gbe ka e iuwanyẹn ka bi puwa ya àyẹ nwon fura ugan iìluwe abẹ na. ¹⁰ Ọnẹbuuba, ẹda abe, siye ọnẹ nẹnẹ bọ na ka u di fọ wo oyiye akà otitiye gbanyẹn, ubaka wè e siye ẹkẹna ẹnanẹ we èke pilido. ¹¹ Ọ̀rẹ ọnẹ bè èke guru nẹ wọ ọfọn ti Idu akà Ọnaafanro Ijesu Ikristi otutun ẹẹ̀sen. ¹² Ọnẹbuuba, mà akà kọ mi iwu ẹsa wuje ka ẹ nyẹn nọ ẹkẹna ẹnanẹ ògba fẹnyan, e sisi gbe ka ni din ba, akà ka e sisi gbe ka ni ṣile l̀kuwa nẹnẹ ni su akana na. ¹³ Ì roro ka a bọ nẹ mọ ka, è é ki gbe ka i wo uturu ọnẹ na, ka i ṣura nọ kpososi ọ̀nyẹnyẹn ubọọrẹ. ¹⁴ Ubaka i din ka mọ ọfẹ fa mu uturu àka ṣana ṣa, ubaka ti Idu Ijesu Ikristi fọ ọnẹ nyẹn mọ ke. ¹⁵ Mà àka a siwu ọ̀rẹ fẹnyan ka ẹ gba ka ì mo ofufura urunba na ka u di kẹ nyẹn ọ̀gba fẹnyan ẹkẹna enanẹ sẹsẹsẹ. ¹⁶ Ubaka ti ma yẹrẹ ọgarẹga nẹ ero ẹbẹn fọ bẹ ẹdanyẹn ṣoma na ọgbọna nẹnẹ tẹ fọ ti Idu Ijesu Ikristi iìwogbigben akà yọ ọsẹṣa nyẹn nọ na, àmá yọ ubedin ayẹ tẹ wa. ¹⁷ Ubaka a nọ okurunọ akà ugbugbodi fura Osibina nẹnẹ wa Ẹdẹda na ẹ̀fa ọgbọna nẹnẹ ohun ọbẹn wọ uùgbugbodi ṣa yẹ ẹfa, a ga ẹ ka, "Mo ogbẹn uniniro a wa ọnẹ, ayẹ mi ibẹ kpato rọṇ to nẹ". ¹⁸ Atọ ẹbẹba wo ohun ọnẹ nẹnẹ wo Osibina ẹèsẹn ṣa na ogbọna nẹnẹ ti wo yẹ ẹfa ọ̀rẹ ọbwọnwọn ayẹ na. ¹⁹ Ubaka bẹ fọ ẹsẹ eèga ayẹ g̀be ta anyẹn bile amo, nẹnẹ e gbe ka nè èke siye oboro nè e piyaton na akọ nọ ọyẹyẹ nẹnẹ à á ba èsiri ẹfa jẹn e ọgbana nẹnẹ isuba ayẹ à àka a gan na akà ọgbọna nẹnẹ urorun ẹẹ̀ṣẹkpẹnẹ àka a kpan fura ì nu uloko abẹ na. ²⁰ Fọra ẹpẹn fẹnyan, e gbadọ ye nu ka e mẹ su ẹsẹ nẹnẹ ba òro ọbẹn ẹbẹba ofoga na. ²¹ Ubaka e me su ẹsẹ nẹnẹ ṣa gba èrokoro oònisiye na, àmá erokoro wo Osibina ẹèfa ga ẹga ọgbona nẹnẹ Efunwẹnfunwẹn Ọnwọnwọn fọ ba dọn na.