¹ E da vae bhi obi okpẹdẹ nọ ze va ebho nạ khiole Igarẹsin. ² Eghe ni Jesu ki re a si bhi okọ re eni okpia kpa nọ dagbare bhi ẹgbi itolimi bi nọ yẹ mọn ẹlimin nọ bhakhia rẹ ẹjẹje buọ le re. ³ Aimion no sabo ri ighan gbale mumonle. ⁴ Otọ ki rẹ na da gbale ọ uri bi ighanma.Oki fanọn eni ighan bi uri khua. Abha mi ọnahuele sabọlẹ. ⁵ Asọn bi odanmẹn rebhe ọle ọrẹ vie bhi ugbudin bi ohkun oke, okia fu ukpuru oki ye ri ido jaje egbolea. ⁶ Oki da ghi Ijesu bhe je rịẹle, eni ọda tuṇẹ buọle re, dehianre bho odalo ole. ⁷ Oda mama vie da gbare " bi mẹ bi ẹ ko lu Ijesu no bhio Osẹnobula no kokhun nẹ? Me ri Osenobula tobole gui riẹ, ẹ ro ya obe mẹ. ⁸ Oramude Jesu ta manlen "uwe nẹ elimin obe, dagbare bhẹ ẹkẹ ono kpia na." ⁹ Ọda nọlẹn, "be elin ẹ?" Oda wani onota "elinme e Iligion, ramude mai bumi". ¹⁰ Eni ọda mama gui nalẹn nọ ẹ khue le si bhi ọnọbholo re. ¹¹ Bhẹ eghena esi nebubun da kon bhi obhioke khere bheni, ¹² eni ena elinin oju da a gui ni Ijesu "je man ni man nabhe eke ene esi ẹni. ¹³ Ọda gene ka nele; eni ene ẹlimi oju da dagbare nabhi ẹkẹ ene esi, erebhe da runẹ jogba bhi eke opkẹdẹ, esi ne fuan ukpẹdẹ ni da yi uli eva. ¹⁴ Ene a ri ene esi akọn da tunẹ nẹ gbe dọ tama ọnagbebholo bi ene ri bhi igue ebe sunu, eni ebho da bivae do fẹghe ebe sunu. ¹⁵ Eni ede da bui Ijesu re dọki ọno okpia ni ẹlimin obe mu gba, nẹ ẹlimin ọbe ne bubun rẹ mu gba ru kpọn yo, uhọmọn gba nalẹn, ọdi bhoto a; eni ofẹn da a mue le. ¹⁶ Ene daghe ebe sunu ji ̣ọnọ okpia nẹ elinmebe rẹ mugba da tale manle ele osesi ebe sunu, bi ebe sunu si enesi. ¹⁷ Eni eda muhẹn abhi Ijesu nọ kpanọ si ẹbholo ne le. ¹⁸ Ẹghe nọ kị rẹ anabhi oko ẹdẹ, ọle ọno okpia nẹ elinmi ebe mugba re a bhi Ijesu nọ ole rẹ khan lẹn. ¹⁹ Ọkpa ki nọ, Ijesu bha ka nọ rẹ khan lẹn, Ijesu da taman lẹn," jiọ bhu uwa nọ sẹ bi ibhokhan ẹ, uwa tama ele ebe osẹ lu niẹ, ebe oṣẹ rẹ mu itohan ghe ẹyẹ. ²⁰ Eni oda kpano muhen bhi Idikapolisi ateamanlẹ ele emi nọkpọnọle ni Ijesu luna lẹn nọ ki oyunua. ²¹ Eghe ni Ijesu ki gbo rẹ ro ọkọ ẹdẹ gbera gba bhi ọbọ nọzeva , agbon ne bubun rẹ vae bu ole re, beji ọsẹ a ri bhe egbi okpẹdẹ. ²² Eni IJarus ọtunkpa bhẹ ewe ene edion bhi uwa oga, re vae, oki da ghi Ijesu ole rẹ oda de nowẹ bhi ẹlẹgon lẹn. ²³ Oda mama gui na len , yio le "ọmọkhuo ni khere nọ sẹ mẹ khian dọ yu. Mẹ̣ gui riẹ, wowo vae dọ ro bọ suole negbe danlẹn. ²⁴ Eni ole bi usiagbo agbon ne nẹgale re akhian. ²⁵ Ena okhuo ni ona bhulu bhi ikpe igbeva ye̱ a ri bhe ni. ²⁶ Ono khuo na da kaka bo loya bho bi Idokita, ebo mon rebhe oda fo, negbe rẹ danlẹ onie emiame da mama tua. ²⁷ Eghe nọ ki rẹ họn emọn iwena nọ si Ijesu, eni oda ni ikeke vae bhẹ eke eni ẹwẹ ẹbholo robọ suoli ukpọn. ²⁸ Ono okhuo da tale " ime rọbọ suolu ukpon, egbe ki dan mẹ". ²⁹ Eghe nọ ki rẹ roḅo suọle ọni ona da fo, ọda lẹn bhegbe nọ sọle egbe danlẹn bhọ ọni ọbabhegbe. ³⁰ Ijesu da lẹn ejeje ahu siọ bhe gbe re. Eni Ijesu da fi egbe denegbe ghi enebholo nọ "ọbhọ robọ so mu ukpon?" ³¹ Edibo ne sole da tammalen " ghi agbe bholo ne bi rekhian nu da nọ 'obhọ robọ somẹ? ³² Ọkpa ki nọ Ijesu da ghi agbon rebhe nọ lẹn ọnọ robọ suọle" ³³ Ono khuo ki daghe mi re bhe no sunu jọle, ofen da amuọ ọda guọ. Eni ọda degbe bhotọ odali Ijesu te muata man len. ³⁴ Eni ọki da tamalẹn, "Obhime, urebho ṇ sẹ mue gbe danlẹn. Ọfure rẹkhan, agbi ọdabhegbe si ẹ bhe egbe re" ³⁵ Ejiọda talọ, agbọn eso da vae usun ene kalo bhe edion uwa oga yole "oni ọmokhuo yụlu ẹyẹ kpokpo oman emi" ³⁶ Eghe ni Ijesu ki rẹ hon ebe ata bho nu uhọmuje ne tale, ọda taman ọdion bhi uwa oga, "ejio ọfen muẹn rhe ọbhọ". ³⁷ Ọhba jiọ ọria ọbhebhe rẹ khanlẹ̣n sokpin Ipita ọkpa, Ijamisi, bi Ijoni no obhoi Ijamisi. ³⁸ Ede da vae uwa ọsọṇo kalo bhu uwa oga kere agbon ne bubun yanagban ; eda vịe luẹ akhịegbe mama. ³⁹ Eghe nọki ṛe nabhọ ọnuwa, eni ọda tama ele "bi bha da viẹ"? Ọnọ ọmọn bha yu owẹ ọye. ⁴⁰ Eni eda a jie ọle. Ọkpa ki non, oda fie ele bho olele, ọda ri aba bi nẹnẹ ọnọ ọmọn bi ene re khanlẹn jiọ bhi ẹkẹ uwa eji ọno mọn ye. ⁴¹ Ọda ri ọnọ mon ọḅọ, ọda tamalẹn "italita kuun" nọ kin usẹn okhuo, mẹn tamaẹn kpanọ si bhotọ re. ⁴² Ejeje ọnọ mọn da kpano si bho tọre akhian ( ikpe igbeva ọnọ mọn). Ọda kien emi ọyiunuan bi ọhanlolo gie rebhe. ⁴³ Ijesu da mama tama ele neji ọria ọbhebhe họn ọne mi na. Oda ta ma ele ne reba ni ono mon le.