¹ Oki gbakie aman emin bhi egbede, ebholo nebulun da sikokore nẹgale. Oda nabhi oko noa ribhi ede, oda dotoa bhi ekẹọle. Enẹ nebubulun daha ribhi otọ bhi oni egbede. ² Oda man ele emin nebubulun bhi itan, bhi iman nọsole oda tọna man ele. ³ "Kaehọ! Oyugbo ọkpa daha khian dọne ikpẹ kọ. ⁴ Oki neka, iokpẹ eso da denọ bhi onu ukhuo, enin ena afiamẹn da vaẹ dọ sono ele le. ⁵ Ikpẹ eso da denọ bhọni otọ udo, bheje ekẹn bhada bun. Bhẹkẹ ọbhabue nọjere, ramunde ọta ẹkẹn ba dimin. ⁶ Okpakinọ eghe no ovọẹn kire zerẹ, enemin nejẹre da tua, bi ramude ebha khamọn inien eda kakaa. ⁷ Ikpẹ eso da denẹ bhẹwẹ enilumun igben. Enilumun igbẹn wanre eda sono ele, ebhayẹ sabọ mikpẹ. ⁸ Ikpẹ nekele da denẹ bhi otọ nomen eda tere, wanre, mamanbun amikpe ọgban,egbọlea resi egbọlisẹn." ⁹ Egheni oda tale,"Onọmoeho nọare họn, ọahon." ¹⁰ Eghe nọkirẹkẹ Ijesu ọkpa, enulogho nemaman sikeole bi enitui igbeva da nolẹn abaro enitan ta. ¹¹ Oda tama ele, "Reji ibha are olo ẹkhoho eguale Osenobula nan. Okpakinọ reji eneribholele eminrebhe itan ekhin. ¹² Bọna oda miẹn elea ghe, ehe elea ghe, eida daghe, bona mien eghe nea rehon, ehe elea hon, okpakinọ eida lẹnbaroleta, oki yiriọ eki fiọdenegbe Osenobula kirẹ human ele." ¹³ Oda taman ele, "ibha bha lẹn ebarọ ọni itan nan ta? Bibha akirelen ebarọ enitan rebhe tayẹ.'' ¹⁴ Onọreke da kọ ọni ẹmọnlẹn. ¹⁵ Enan enedenọ bhi ejaa ne enemọn kọ. Eghe nele rehọn, Elimin ebe da vae jẹje re onemonlẹn si ele bhi egbe re. ¹⁶ Enan ikpẹ nanẹ kọ bhi ọni otọ udo; nọkien, eghe nerẹ họn ẹmọnlẹn Osenubula eda miolẹn bhi egbe ẹjeje bhi ohubhudu. ¹⁷ Okpakinọ ebha ha mọn ilin bhi otọ, ọkpakinọ eda zi akhuakhua bhi ẹghe so. Obhasebue ekpoko lo igbegbe da vae ramude ọni ẹmọnlẹn, ẹjeje ọda dere. ¹⁸ Eso da yẹa ena kọ bhi ewe igben. Enan ene họn oni ẹmonlen. ¹⁹ Okpakino ihuemọn agbọn bi ihiẹle si ate bi ọyẹmẹn si emin nekele vae eda tuẹ ọni ẹmọnlẹna, ọbha ye mọn. ²⁰ Ena ne kọ bhi oni otọ nọmẹn ele enẹbholo nehọn oni ẹmọnlen, mie ẹlọ bhegbe eda min ikpe, ọgban, egbẹọ, resi egbọlisen. ²¹ Ijesu da taman ele,"Aimu orukpa nabhi ẹke uwa namu bhi elo akhuale la elo ukhukbuo? aha muna nabhi uwa aki muẹ bhi uki oran ukp. ²² Emin ribho nare rẹbho nare reko naida len, abha mie emin ẹkhokho noida dagbare. ²³ Aha mie ọnọmọn ehọ nare họn jọlehọn! ²⁴ Ọda taman ele, "Muọkhole bhi ebu honlen, bejureman nọ oria, iriọ ayẹrẹ man nie, aki man bale. ²⁵ Ramude ona ọria nọmonlen aki renebulun ba elele, okpakinọ ọnọimọnlẹn onoria mọnlẹn aki mionlele. ²⁶ Ọda yẹ tale, "oni eguale Osenobula ire khokhọ ọkpia ọkpa nọ nikpẹ sole kọ bhi otọ. ²⁷ Ọwẹle ọsasun ọda riore edewele, enikpe da jere wanre, ọrẹ kien ọlẹ bho lẹn ẹbọre sunu yẹ. ²⁸ Oni oto da tobọlo bikpe; ohẹnhẹn ọda ljebe, ọda yanọmọn, ọda wo. ²⁹ Eghe oni ikpẹ ki rẹwo, ejeje oda ji akọlọ ramude eghe nare kọnọ sẹle" ³⁰ Oda gbokie tale, "bea kirẹ khọkọ eguale Osenubula, la itan bea alano nare jẹọle? ³¹ Inea odiabi ikpi imọsitadi, nokien ẹghe nare rekọ ọle kherene bhi ikpẹ neri bhi ukotọ. ³² Orẹdiario,eghe narẹ kole oda ugbo, oda ji ikpabọ nekpọnole, bona ada miẹn efianmen nebho ọkhun aki aduin ekili nọsele bhi ono ofulu.'' ³³ Ebhẹkẹ itan nebubun nediania, oda nele talọ, bejea sabọ lẹn sẹ. ³⁴ Oinele talo soi yeke itan. Eghe nẹkire keole ọkpa, oda remin rebhe mui enodibo nesole ẹlọkore. ³⁵ Onukpede nin ọki si Osenubula,oda taman ele,''Bha jima ha khin obọnọkẹle. ³⁶ "Enin edakpanọ sibhi ewẹ eni agbọn re, eda re Ijesu baegbe, bi ejọkin bhi ẹkẹọko, oko nekele dayẹ rekhan ele. ³⁷ Eghenin ojeahoho daha fi, amen da nabhi ẹkẹokọ dọsẹ amẹn rẹda vuọn ọnokọ. ³⁸ Okpakinọ Ijesu tobọle daha ribhi ẹkeole, ọda ha wẹ bhi uki ukohọnmọn. Eda riole bhi owe, tale, "Oman ebhinlin obha rẹtẹẹ iman khain ayuu? ³⁹ Ọda kpanọ devanhiẹn oni ẹhoho ọda taman oni ọkpede," Ofure! kuegbeọ." Eghẹnin oni ahole da doboi, okpi ahielẹ da vae. ⁴⁰ Enin ọda taman ele, "Bezẹlẹ ofẹnmubha? Ibha sẹyẹ mọn irẹkẹlẹọ?'' ⁴¹ Ofẹnmu da kaka abọ anele eda negbe talọ,"Oria bea ọna khin ramude ọni ẹhoho bi ọnẹdẹ da kale eho?