¹ Nyẹnẹ re yo emole ta rẹ ekhien izobo rẹ ji ariọ ma ẹn yọ mama gbegbe mọi eghuan erẹghian daiegbe khua e ama eri ukhumẹkẹ khuae re. ² Ọya sọso kha ye yọ erọ mọi eghua, ọlọyani ọ gbe emina ebo jọọvbọ lọ re ẹ mina. ³ Ama ọya sọso kha mọi ukhumẹkẹ rẹ jọghẹna erọghẹna ẹ ọlȯya. ⁴ Ama yọ emale la ẹe la rẹ ekhien izobo rẹji ariọ ma ke ẹn ariọ ẹkẹ agbọn na eki emina sọsọ, bi amiọ Ọghẹna ọvbe ọkpa ọn. ⁵ Ama akha ke rẹmiẹ Ọghẹna ovbe, abe etinyẹ, yo ẹkẹ ukhumeimi bi ẹkẹ ukhumagbọn (ebai mọi "Ọghẹna" leibu bi ọlọmọima le bu. ⁶ Ama rẹ ji ma Ọghẹna dokpai ma mọi e, ọlera, rẹ ninyọ emina gbegbe bi rẹ ninyo li ma vba gbọn bi ọlọmiọma okpa, rẹshain inyo emina na gbegbe vbagbọn, bi rẹshain inyọ ma gbo vbagbọn. ⁸ Ama emarlo ọkha re mayi arlo sọghena, ma kha rai ma kha e bi masẹ khume ma yọ ma ee. ⁹ Ama nyunwe lẹse li emu ekhien sẹ ke ki eme lọ rọ ya de shọi miekhọn. ¹⁰ Akha ko re mie ọya mivbe lu mọi ẹghuan, emarlo ẹkẹ ebazagha ariọ udu sọi lọsẹ toto ọkha gvbemiọ lọ. ¹¹ Ama bamọi unweokvbere sẹ si ebi arọi rai vbọ ọlọsẹ mọi ototo, omiẹ ma li Kristi wu na, ọ rai. ¹² Ama u kha duese rẹji omiẹ bi utie udu sinyẹ ose udubese rẹji Kristi. ¹³ Ama akha gaze emarlo, zi omiẹmẹ dere, i kha gbo eyami, li kha zi omiẹme de.