¹ Inifa i ki oheni igbe mi Ijesu lọmọimai urai, ẹkė abia me ẹkẹ ọlọmọima?. ² Akha gaze i ke ohen re ji eya li kẹ, ama i ki inyȯ rẹ ji ovbe, Ama ovbẹ iu ki edede si ohẹn ẹkẹ ọlọmọima. ³ Ọna khi fanyẹ sẹmẹ reji eya re ke gho me. ⁴ Ama ma sẹ mọi eke ma rẹ emale bi da ẹnyọ? ⁵ Ma sẹ mọi ekhe rẹ ri gvbe ma ọkhia, ebi ohen li ke ekhien, bi elọmiẹma si ọlọmọima. ⁶ Ama Banabas bi mẹmẹ la miẹ ma sẹ mọi ekhe rẹ bia dokpai? ⁷ Igvbi igbaliku lọ bia yọ i sọi igvbọ lo kọ ime lọ kha e ukpekọmi sọi? ama i gvbe lọ reyami sha lọ kha nyọi imiliki sọi? ⁸ Eri gvbe li eminana rẹshain ekhe seya? ukhi ọgbo tinyọ? ⁹ Ama a viọ yo ukhi si imosis, "esẹ ri ukpi yọ ikhue si ọki" ebọ ehien emalẹ si ikpiyerani ọli ọxi li Ọghẹna ri ukhuẹmi sọi yọ. ¹⁰ Ọ gvbe ẹmọ samai? A viọ na mai, bamọi ọlọyalọ bia lọ bia ẹkẹ arudu, bi ọlọ tirẹshi, lo nuinyọ ẹkẹ aruduọ lo rẹ ki neya ẹkẹ miẹle. ¹¹ Mai kha ki emi seti ẹkẹ vba, ọkẹ bu gbe li ma rẹ he emina sagbọn abọ vba? ¹² Akha gzae elikẹ emie obọ sẹ, ojọ ovbe li ma re le me bu? ama ma sẹ vbi na ama ma mọi arogbọ gbalẹkẹ ẹkẹ emina gbegbe yọ ma rẹ ki eme lọ nwi avborbe si kristi. ¹³ u ẹn yọ ele biobia ẹkẹ ebazagha, o jo ovbọ le rẹ mie eme lọ rẹ vba gbọn ani? u sẹ ẹn jọ ele biobia yọ egbale e mọi in sinye yo emẹ rẹ ekhien ukhumokhan yọ olegbale? ¹⁴ Gbo yọ ẹkẹ ọlukpode. Ọlọmọima ke gvbere yọ ele vbevbe emọata lẹmie agbon sinye eke olomoata. ¹⁵ Ama ise gbo vbi nagho bi i se viọ na le re ekhien emina nẹ mẹ, ero khume mẹ rẹ wu - Ọya sọso kha miemẹ ọli dẹgbọ na! ¹⁶ Ama i kha vbevbe ọlẹmọata, i mọi ẹmọi emi lọ degbọ yọ, bamọi eri lọma ekhien ọna, bi ukhue mi rẹji mẹ akha gaze isẹ vbevbe ọlẹmọata. ¹⁷ Ama i kha zai ẹkẹ udu mẹ ekhiọn, i mọi inyaba. Ama akha gaze ọsẹ vbi nyọ i kpẹ mọi obia sata la rẹ nẹ mẹ. ¹⁸ Eme ke khi nyamba sẹmẹ, yọ ikha vbevbe, i lọ rẹ re olavbevbe, ikha mie mina sọso limẹ kha ya ekhe mẹ gbegbe. ¹⁹ Ama i nifashọi eya gbegbe, i ki ajukhumi rẹ je ya gbegbe, li mẹ ne nweya le bu. ²⁰ Rẹji iju, inyunwe re bi ijus, li mẹ re̱ mati kparlo ninyẹ re ji eya le rai rai ukhuesi ukhi, i ke ebi ọya ekpa lo rai ukhue sokhi mẹ rẹ mati karlo ninyẹ le rai ukhue sukhi. I ke nwi ẹ akho rẹ mie mẹmẹ legbe mẹ i rai ukhue sukhi. ²¹ Rẹje ya le se rai ẹke ọlukhi, i nyunwe la bọi lọ sẹ rai ẹkẹ olukhi, ama i sẹ rai unwẹdẹ ọlukhi sọghẹna, ama ẹkẹ okhue si ukhi si Kristi. I ke nwi na mẹ rẹ mati kparlo ninyẹ. ²² Rẹji eya le sẹ mo̱i ototo i ki ọya lọ sẹ mọi ototo, i me kparlo ninyẹ le sẹ mọi ototo. i ke ki emina gbegbe rẹji eya gbegbe, li me sume eya sọ rẹ shain ukpodẹ gbegbe. ²³ Eri ekhiẹn mina gbegbe rẹ ni ọlẹmọata, li mẹ mi nyanba le rai ẹkẹ inyọ. ²⁴ U sẹ ẹn ele ni ulami gbegbe, ele lọ la gbegbe le la ọlulami, ama ọya lọ mie ọlemina lọ khumei, ama la lu rẹ nwọi li emekhume. ²⁵ Ọya gbegbe lọ la erọ ẹn nwegbe sọi nẹsenẹse ẹkẹ emina gbegbe. ere nwinyọ le rẹ mie eme khume lọ lọ rai, ama emina ekhiọn ma mie ọla kha rai. ²⁶ Ama ina li la, ọ vbi yọ i ẹ emi kho; ina li khọn, ọ vbi ẹnbọya lọ gbe efio. ²⁷ Ama i regbe mẹ yo tọ i rọ ki oviẹn, larẹ miẹ yọ i kha vbevbe ji eya le, mẹmẹ legbe mẹ la ke mẹ a ro mẹ vbo re.