1
Emi Ipọọrụ, Isirivanọsi ọnri Itimoti tụshi ichọọchi ana yi Itẹsaroni, ini Oshomoshi ana va Adaa, ọnri Ananyiyi Ijesu Ikristi. Ọiza-ọọfẹ ọnri ẹngwọrọ ọọ si vaya wụ.
2
Ẹfitụrẹfi ọni yaa si kụ Oshomoshi aavọ yụ wụ nini, ini ọshishi irẹsha awu nin ini ozụrenụ ayi.
3
Yaa si ẹfi boo tamayi ụkọrọ ọdọwụ awụ nini, inọvidi Oshomoshi ana vi Adayi, ọmimẹ shi aza ini osisi awụ nin, ọnri ọkikụeyitụra ini ọsisi ẹngwụdọ yi irama ụfụọ, ini Ananyiyi Ijesu Ikristi.
4
Ẹẹnyara ayi ọni Oshomoshi sirẹyi ani, yaa yẹ ki ọ nii wụ nini da,
5
fụvọki irenụbe-ọiza o vee tụ wụ, aivi ini irẹyi renya, ama ini ụkata, ifẹ ọnini, ọnri ọkikụayitụra. Inoze ọnyọnya, waa zẹ va yiyẹ ẹngwu aza ọnii vi inakaakana awụ nin, fụvo awụ nini.
6
Waa fama yi nini ọnri Ananyiyi, ụmẹ dọ irẹyi ọnọ ini ẹngwụkata ọnri ụjẹ fini ifẹ ọnini.
7
Zirẹngwụ ọno, waa si vara ẹzẹna va zụ si mẹ ajụwe aani yi aza boo ana yi Imasidoniya ọnri Achaya ana dọwụ.
8
Fini akaakana awụ nin, irẹyi Ananyiyi oo showu ẹngwa aani jinẹ, aivi Imasidoniya ọnri Achayia renya. Ama, irasha bo ọni ọdọwụ ini Oshomoshi jinẹ na ngwụ. Fụvavọ, ọikụ nyi ki ya ki ọnyọnyi yu wu nin.
9
Ẹni nyẹmbẹ ẹẹ divenụ kaa, ọvivẹ ọni vẹ inakaakana awụ nini, ẹẹ kaa ụmẹmẹ varama fini ori ọfi-fẹkẹ, dụ vaa fẹkẹ Oshomoshi ọni irẹiza, ana ra poro-pooro.
10
Ẹzẹ kika kụ wee teni ẹngwụ tẹtẹ, yi Ozi aani fụrẹ ẹbẹẹba, ọnọ sha kwẹtẹ fini isụ ụpọnya, Ọnọvi Ijesu, ana dọ yi tụ fini ọikụ ọshimi anaa vẹ.