¹ Nparkanni na Kashiri na Yesu, piyi da yisha aya gara na makitaru matya, ndishiabu gargadi aukan macira na kigomo kiyi, ² Dishin uwa'azi wa bere shiri, a ko kashe kapa, adaza kumina ko yashillaci, ngyana, shigrunzya masugu nayeni, na uhakuri a makasa. ³ Kapa kadama tumu kanna ayashillaci adama dumyani na abere nibin, atoyeni a goboto a konosha yeni ukoyarwa unna yenu mani. ⁴ Yena dama gusaza ato ayeni ama poti abereadugan, a guddu ato a matya marentu. ⁵ Pigi kuma, pitara kumina kumu akati kade, adauru wuya a yi sutuma uKashiri unna dugibu. ⁶ Migi aman tellenzyami, kapa maworomi kana dagimi; ama kozonzyami nacab, ⁷ nmari usumumi, npuri ubangaskiyunan. ⁸ Ukusu takanmi, ausakamako utumu matini, unnadugimi, unna Kashiri, picesken wabere umatini, idama domi kadong katuk, azonmi utami, naaya suksa maguru mayi. ⁹ Tara kukam, awanumi nakumina. ¹⁰ Dimas, ama mani uya, idumunyi nami, aworoyi Utasalonika karaska kaworo kani u Galatiya, Titus kua iworoyi u Dalmatiya. ¹¹ Luka utayi iyinami, kzya markuzi iwana nayi, ide utumun na idama dishami. ¹² Tikikus nang kuni Afisa. ¹³ Nde pidama wana, pizya kubazaran kunna nbiskan u karbus au taruwasa, na litattafai azu wurunu nakpa annyade urubutu. ¹⁴ Iskandari pikpergmen, iyisanmi kucok, Kashiri kadama gudduyi utumunni yisan. ¹⁵ Pigin napi, guddu kumina kumu uyi, ipok manigi mawur nakham, azan nacun. ¹⁶ Kapa kanna nmasu nangza nicininang muzoni, ba piyima mukyami, a biskyemi utanang, kagisa kanang agu muzuwang unong ibanghna adama yasanimi. ¹⁷ Kashiri kama mukyami, adomi ushiruma bashi abereakani nateng, aya zayo kani a potya, amagaskami a ka-no ka kuzaki. ¹⁸ Kashiri kada gaskami aukusu caza, ajatanzyami nateng, ajagami kakigomo kiyi uzoshiri. U dukaka uwana uyi ba uteu. Amin Amin! ¹⁹ Sumazyami biskishi na Akila, na aya karari ka Onisiraras. ²⁰ Arata asuksa aukoranti. Tarofimas nbiskanyi au militas, aza gara. ²¹ Deu kokari awana na kumina kamin matoro manigus. Aubulus isumazyabu, na Budis, Linas, nakalaudiya, a kudeze kwa kwani. ²² Kashiri kazomo a kasugu, alheri a tabbata upu.