¹ yogotin agu: ana tuga kamangarin kuya unwu, adama shezhe kidere. ² Ayashillaci adama manya ci ayeni, ikorgo, kigomo, mathakharhanha, aya kizogoru, ayaza pog abere pici, aya kayaki, na aya za vura nasugu. ³ Na aya za de mamani, ayana dete abere anasugu, ayama bishi ma bere, na afajirai, na aya za de mapuru maci, na aya za mani ukusu dugan. ⁴ Na ya de kari ka amana, aya za pog ato, aya de uhoma na aya mani makusu ma uya fiye na abere ka shiri. ⁵ Ana saganya uya ne yenya yo Kashiri, ba ma men ugbaku ukani. Dangura idug yayami. ⁶ Unyong u yeni ade ayami ana ringzya namari nadong, acipanzya auyinami ayami azani iduntu, ami na ibang amaru pira ushiru uyeni apirama deni ma yizhi a makusu mu uyan'unwu fiye na abere Kashiri. ⁷ Ko kashe katug yenya na magasa, ba ma yogotya ribin nim. ⁸ Kenna yuisu yenna yambirisu ama cokonya yi kasugu, kenena ayashillaci a cokonzya ribin, yenya yi ayer mi na matini ma man dangura yeni, madumun ma Kashiri kayeni a uwam. ⁹ Yenya daina dangurgi ni abara uza umatini ma yeni kowan idama yogotya, ne ma yanghana aba. ¹⁰ Amma pu pimaru puru ma magasa ma nangna usar unang, kumina kunama, na madumi, ¹¹ na mazugu manag, ma mani manang, na ma shigruga manang, na utsanani udun, na kidere kinna imma shezhe, unwu ma zuga mi u Antakiya, na Ikoniya, na u listira, idugiiudere kinna imma shigruga. Kashiri kanka ma ciddazamimi nadug. ¹² Dug piyi mani ma jara aujina u Yesu Kristi, idama shezhe lidere. ¹³ ayaza dugan na ayakiciparu, yenya dama pirya ma makunzura, asu cipanzya, asu cipanzya yeni. ¹⁴ Pugi zoboro ukusun na pimagasan anyhazhanhami abara na pi yo ayami na pi magasan uyeni. ¹⁵ Na kenna pima doto kono kacin ata kadu maitsarki, angha maga sabu ujinu ma zuga ma magarka abara ima dumi na Almasihu Yesu. ¹⁶ Ko ashe abere a Kshiri a dugan ade ma muki unyong mabashi, na manyani, na manapsa ma kumina, na ma magasa ma abere u dalili. ¹⁷ Saga pitumzanan u Kashiri i wana piyi yamanang, ade makusu ma utuma makuri.