Ikhomhi 2 Ipitẹ ni ikyiatsolo
1
Vha na ni ingmemhi irhi ingme egbe shi elemhi ali ighagha ali ẹtsẹkẹ ituegbe ali ilegbe odoshimhi ali ingmemhi ibishelemhi.
2
Abhi imọfẹẹ, vha dobẹ okyiamẹ aminye ayemhe kee gbe vhẹ, vhaa kee da wẹ khi vha kẹ fu.
3
Abhi vha ke rhọ nwu fẹ ni vha ke rhọ mẹ khi Ishinẹgba o ma ti.’’
4
Abhi vha ke li bhuli ọli le ena, ọni ẹchẹ ni o nyele ni iọgbọ e khyie, ni Ishinẹgba ọ zẹ ni ọ ghalẹ nali,
5
vhẹvhẹ, rhẹmhi vha liabhi echẹ ni e nyele, a she ma vhẹ shi owa ayẹmhẹ khi vha kyili ọkpeda ugamhi, khi vha kee lasẹ obo ayẹmhẹ ni Ishinẹgba ọ kpesẹ abọ a myie te ikpa IJesu Ikiristi.
6
Rharhi khi Ibabo oo ngme; ọọ li, ‘’Ghee, mhi rhi agbhẹ shi izayọni, ẹchẹ ni a zẹ ni o nwu ukpowa mhuẹ, iyọ ọni ọ sheda laa lama shi ọ vhọ, omama o vha laa nwu ọ.’’
7
Obodẹ ọni ọ lama shi vhọ oni ẹchẹ o kyili elele na wẹ, ama eni e vha lama shi ọ vhọ: ‘’Ẹchẹ ni etowa e khyie khi o vha ti, li o ke nwu oni owa mhuẹ ena.’’
8
''Ẹchẹ ni a kpi owẹ a shi ali agbhẹ ni a de a shi'' E de a tsutsu shi vhọ rharhi khi e vha lama shi oni usomhi, ni o kyili abhi Ishinẹgba ọ mhasẹ na wẹ.
9
Ama eni a zẹ vha kyila, eni apfẹ eghyie, ẹvhue ni o pfuasẹ, iọgbọ Ishinẹgba, khi vha dobẹ chichi ọni ọ nyalu vhẹ te alo ebili bhẹ vhi alo ufuọ ọnyaloa.
10
Ẹrhẹghẹ ni o dọsẹ vhavha kpọ kyili iọgbọ aghyie, ama nenaa iọgbọ Ishinẹgba vha ke kyila; Vhavha kpọ myie ivhẹlemhi gwhe, ama nenaa vha she ke myie ivhẹlẹmhi.
11
Inyọgwho mhẹ mhi lema vhẹ abhi elele oni agbona!, vha na ni ọgwhẹmhẹ ingmobe, ni o zẹ okwhẹ a kpẹsẹ avhagwumhẹ vhẹ.
12
Vha liyọ nyele inyele oyọyọ vhi iteteva eni e vha myiesuọ, ee dobẹ aa kee zẹ onobe vhẹ, e kha kee a mẹ ikanya aghyie vhẹ, ee la laa chichi Ishnẹgba na vhẹ ogbẹlẹ ibhale ọli.
13
Vha chi egbe vhẹ kpiale ni eni e kpeda ni ea mhasẹ ni iọgbọ: o kyili eni ighyie ni ea mhasẹ,
14
O kyili igọvinọ, ni a ghyie khi e kee rhi ẹchọ ni elingmobe, e chichi eni e gwhabha gbe.
15
Abhi o gwhẹ Ishinẹgba khi vha kha kee a kyiẹlẹ onaghyie vha zuse ingmemhi ni idẹkẹ e kha ngme a shi wẹ vhi inu.
16
Vha nyele agbọ igbadegbea, ama imhẹli vha rhi igbadegbea vhẹ gba alo kee khyiẹlẹ onobe; vha nyele abhi egamhẹ Ishinẹgba.
17
Vha rhi ekpẹ ni egbe: vha mhọli ighọli egbe vhẹ abhi inyọgwho ni vha gaa myie suọ, vhaa nulishi Ishinẹgba, vha rhi ekpẹ a na ọni oghyie.
18
Vhẹvhẹ eni igwhumha, vha rhi ichegbekpiale kee rhi ekpe ni ega vhẹ, a khi eni e lee kyili ega aghyie lọgwho, ama li shi eni e vhiemhosuo.
19
A laa chichi vhẹ ni vha rhi egbe myie osue shi emeni vhavha li rharhi khi vha rha khali Ishinẹgba.
20
Elele elọ o laa la vhọ na vhẹ ni a rhi ẹchọ na vhẹ shi ingmobe ni vhavha li? Ama vha kha mẹ ẹchọ shi apfuẹ vha rhi egbe myie elele o la vhọ na vhẹ
21
Ona li Ishinẹgba ọ nyalu vhẹ shi, rharhi khi Ikiristi ọọ li mẹ ẹchọ na vhẹ ọ rhi irhọkhasẹ shi ekẹ na vhẹ khi vha rhọ khali ẹtoawẹ oli.
22
Ọ vha li ingmobe wẹ khi rhẹmhi a mhọli ighagha unu.
23
Ni e rhẹrhẹ zẹnọ ẹnwẹ ẹẹ nali, ọ vha liẹliẹ unu sọ wẹ vhọ; ni ọ rhẹẹ mẹ ẹchọ o vha dọmhi onochi, ọ rhi ingme ọli shi ọni ọa gwu ẹzọ ni o pfuasẹ obọ.
24
Lẹ obọ ọli ọọ tsua ingmobe eyẹ je ukhomhi orhẹ, khi eyẹ kẹ gwhu rhọ khali ingmobe eyẹ khi eyẹ kẹ dobẹ nyele inyele igwabhagbe; te ikpa ikwuọtse ọli li eyẹ te mhọli izemhi.
25
Rharhi khi rhẹmhi vha liabhi isumha ni e wanọa, ama nenaa vha liẹliẹ egbe bhuli ọni ọrhisumhale ni ọ gwe kyili ọni ọ rhi ẹloe a kwhu avhagwhumhẹ vhẹ.