1
Oni o te ugbẹkẹlẹ laa, ni eyẹ she sokwu, ni eyẹ she rhi ẹloe mhẹ, ni eyẹ she bino, ni eyẹ she rhi obọ nwu, ni o kyili obodẹ ingmemhi inyele ẹlanagbagbọ.
2
A rhi oni inyele khasẹ, eyẹ she gwe mẹ, eyẹ pfi ọtsẹ shi vhọ, eyẹ ngme oni ingmemhi ẹlẹnagbọagbọ khasẹ vhẹ, ni ọ kpọ li nu ọni Ita la, a rhi ọli khasẹ eyẹ.
3
Emeni eyẹ mẹ, ni eyẹ suọ, li eyẹ gwu a khasẹ vhẹ eyọ, khi vha nu eyẹ le kee kwugbe, oni alekwugbe eyẹ o la obọ ọni Ita ali ọni Ọmọ, Ijesu Ikiristi.
4
Irhẹmhi eyẹ kẹkẹ ena ghyi vhẹ khi oghẹlẹ eyẹ o kẹ gba pfuse,
5
Ona khi usomhi ni eyẹ te unu ọli suọ, li eyẹ gwu khasẹ vhẹ ena: Ishinẹgba ufulọ li ọ kyia elemhi ọli ubili ọ vha la pẹẹ.
6
Eyẹ khẹ khi eyẹ nu ọli lee akwugbe khi eyẹ a kyia aloebi, ọneta li eyẹ kyia eyẹ vha rhi ingmaghyie a gbe.
7
Ama eyẹ kha kyia elemhi ufulọ, abhi ọ li la elemhi ufulọ, li eyẹ rhọ nu egbe le a kwugbe oni ọlia Ijesu ni Omyi ọli ọ rhọ shishi eyẹ ingmobe egbea.
8
Eyẹ khẹ khi eyẹ vha li ingmobe irhẹmhi eyẹ a ghagha egbe eyẹ ingmaghyie o vha la eyẹ vhọ.
9
Ama eyẹ kha tanọ ingmobe eyẹ, ọ kyili ọni a rhi egbe a nya ni egbe gba na ni ọ dobẹ a yele ingmobea ọ rhi eyẹ pfuasẹ vhi umhapfuasẹ kwu.
10
Eyẹ khẹ khi eyẹ vha li ingmobe gwhe rhẹmhi eyẹ rhi ọli shi ọpfiolẹmhi, oyọ o rhọ khasẹ khi ingme ọli o vha nu eyẹ la.