¹ Naomi, nyinafyala wakwe aishile kulanda kuli ye ati, ''We mwana mwanakashi wandi, bushe teti nkufwaile umo ukaletushisha, pakuti ifintu filekwendela bwino? ² Nomba Boasi umuntu walikubombela na bakashana bakwe bushe te muntu wesu? Bona, ilelo ubushiku akusokola barli pa lubansa. ³ Eico, usambe bwino bwino, uisube namafuta ayanunkila, ufwale nefyakufwala fyobe ifisuma nganshi, elo utentemukile na ku cipulilo capa lubansa. ⁴ Lelo uluntu aleya kusendama, uleya kubona uko alaya kusendamina. Eluntu akoya kulondolola kuli webo ifyakucita.'' ⁵ Ruti aishile kulanda kuli Naomi ati, ''Nkoya kucita fyonse mwalanda.'' ⁶ Eico aishile kutentemukila ku cipulilo cakwa Boasi no kucita ifyo nyinafyala amwebele. ⁷ Uluntu Boasi alile no kunwa elo umutima wakwe wali umfwa bwino, aile mukusendama ku mpela ya mwina wambuto. Eluntu Ruti aishile kuya akobendelela, no kufimbula amakasa yakwe no ku sendema kuntambalilo. ⁸ Nomba Boasi pakati ka bushiku acilimuka. Aishile kupilibuka nokusanga umwanakashi na sendama kuntambalil yakwe! ⁹ Aishile kulanda ati, ''Ni webo nani?'' Nao Ruti ayaswike ati, ''Ni nebo Ruti, umubomfi wenu umukashana. Fibeniko icisempe ca nsal yenu pa mubomfi wenu, pantu muli bandubulwila. ¹⁰ Boasi aishile kulanda ati, ''We mwana mwanakashi wandi, ube uwapalwa na Yaweh. Ukupetama kobe kwakula nganshi ukucila kulya walangile pa kubala, pantu tawakonkella abalumendo, cibe mupina nangu mukankala. ¹¹ Nomba, we mwana wandi umwanakashi, witiina! Nebo nkakucitila conse ico ukulanda, Pantu imisumba yonse iya bantu bandi yalishiba ati uli mwanakashi uwa cindama.'' ¹² Cacine ni nebo ndubulwila, lelo kuli ndubulwila umwine mwine ucita nebo. ¹³ Ikala muno mwine buno bushiku, elo ulucelo, nga cakweba ati akakubombela umulimo wa bundubulwila, ninshi cawama, leka akubombele umulimo wa bundubulwila. Lelo nga cakweba ati takakubombele umulimo wa kukulubula, eluntu nebo wine nkacicita, muli Yaweh uwa mweo. Senda mpaka ulucelo.'' ¹⁴ Eico alisendeme ku tambalilo mpakafye ulucelo. Lelo abukile cilya takulabuta ukwakuti uuli onse kuti aishiba umunankwe. Pantu Boasi alandile ati, ''Tacifwile ukwishibikwa ati umwanakashi acisa ku cipulilo ca lubansa lwandi.'' ¹⁵ Eluntu Boasi aishile kulanda ati, ''Leta kuno insalu iyo ufwele no kufungulula.'' Uluntu aishile kucita ico, amwitililemo imbuto sha barli ukulingana ne miseke mutanda, no kumutwika. Eluntu Ruti aishile kuya mu musumba. ¹⁶ Uluntu Ruti aishile kuli nyinafyala wakwe, Naomi amwipushe ati, ''Waile kucita shani we mwana mwanakashi wandi?'' Eluntu Ruti aishile ku mweba ati fyonse ifyo umwaume amucitile. ¹⁷ Aishle kulanda ati, ''Ishi imiseke mutandaisha barli esho acimpela, no kunjeba at, ''Wiyafye minwe nkutwa kuli ba nokofyala.''' ¹⁸ Eluntu Naomi alandile ati, ''Ikala apapene, we mwana mwanakashi wandi, pakuti wishibe ifyalacitika, pantu uyu mwaume tatuushe mpaka apwishe ici cintu lelo line.''