¹ Nomba Naomi alikwete lupwa wa mulume wakwe, umwaume umukankala uwa mumukowa wakwa Elimeleki uwe shina lya Boasi. ² Ruti, umwina Moabu, aishile kulanda kuli Naomi ati, ''Nomba lekeni ndeya elo no kutolako ifyo ifikoshala pa ng'ano mu mabala. Ndeyakukonka uuli onse untu ndeya kusanga ububile mu menso yakwe.'' Eico Naomi aishile kulanda kuli ye ati, ''Kabiye, we mwana mwanakashi wandi.'' ³ Ruti aishile kuya ku kutola ifyali kupona mu mabala panuma ba sombolamo. Aishile kwisa kufika na mwibala lyakwa Boasi, uwali mu mukowa wakwa Elimeleki. ⁴ Bonen, Boasi aishile kufuma mu Betelemu elo nokwisa kulanda ku balikusombola ati, ''Yahweh abe na mwebo.'' Nabo baishile kumwasuka ati, ''Lesa akupale.'' ⁵ Eluntu Boasi aishile kulanda ku mubomfi wakwe uwalikulolekesha pali bakasombola ati, ''Wakwa nani uyu mukashana?'' ⁶ Umubomfi uwalikulolekesha pa balikusombola ayaswike no kulanda ati, ''Mukashana umwina Moabu uwaishile na Naomi ukufuma mu calo ca Moabu. ⁷ Alandile kuli nebo ati, 'Lekeni nkotoleleshakono kukolonganika ing'ano ishikoshala abasomboshi nga basombola.' Eico eshile kuno ulucelo mpaka naino nshita akobombafye, lelo acitushakofye panono mu ng'anda.'' ⁸ Eluntu Boasi aishile kulanda kuli Ruti ati, 'Bushe taukomfwa kuli nebo, we mwana mwanakashi wandi? Wiya nokutola mu mabala yambi, wisha ibala lyandi. Mucifulo, ikala muno mwine no kubomba na babomfi abakashana. ⁹ Losha amenso yobe mwibala umo abaume bakosombola elo ukonke panuma ya banakashi bambi. Bushe ntebele abaume ukukanakwikatamo? Uluntu lonse waumfwa icilaka, kutiwaya kufipe fya menshi no kunwa amenshi ayo abalumendo batapile.'' ¹⁰ Euluntu aishile kuwa pa cinso cakwa Boasi no ku kontamina panshi. Aishile kulanda kuli ye ati, ''Nindo nasangila ububile mu menso yenu icakuti munsakamane ifi, ne mwina fyalo?'' ¹¹ Boasi aishile kwasuka no kulanda ati, ''Balinjebele fyonse ifyo wacita ukufumafye apo umulume obe afwila. Walisha ba wiso, ba noko, elo ne calo cintu wafyalilwemo ku kukonka nokofyala elo no kwisa ku bantu utaishiba. ¹² Yaweh enga kulambula pa ficitwa fyobe. winga pokelela amalipilo ayakumanina ukufuma kuli Yahweh, Lesa wakwa Israeli, uyo wishile kusanga ukutusha mu mapindo yakwe.'' ¹³ Eluntu aishile kulanda ati, ''Lekeni nsange ububile mu menso yenu, mwe mfumu, pantu na na mumbakilila, elo no kulanda mu mutende kuli nebo, nangu cakuti ntali umo uwa mu babomfi banakashibenu.'' ¹⁴ Panshita ya cakulya Boasi aishile kulanda kuli Ruti ati, ''Isa kuno, elo ulyeko no mukate, elo utumpikeko na mu mwangashi wasasamina.'' Awe aishile kwikala lubali na basomboshi, elo amupeleko ne ng'ano sha salulwa. Alilile mpaka aikuta no kushako isha shelepo. ¹⁵ Ulo aimine kukutola, Boasi aishile kukonkomesha abalumendo bakwe, mu kulanda ati, ''Mulekeni akotola nangu nimu ng'ano mwine, elo mwimulenga insoni. ¹⁶ Nakabili mulemubulilako ing'ano shimo ukufuma mufipe nokumulekela pakuti atole,elo mwi mukalipila.'' ¹⁷ Eico alitolele mwi bala mpaka icungulo. Eluntu apumine ing'ano atolele, elo ne ng'ano shafikile nakuli efa umo uwa Barli. ¹⁸ Alimishe elo no kuya mu musumba. Eluntu nafyala wakwe abwene ifyo atolel. Ruti aliletelk ne ng'ano shasalulwa isha shelepo pa cakulya cakwe no kumupela. ¹⁹ Nafyala wakwe aishile kulanda kuli ye ati, ''Nikwisa wacilatolela lelo? Nikwisa waciya mukubombela?Abe uwapalwa uyo umuntu uukulangulukileko.'' Eluntu Ruti aishile kweba nafyala wakwe pa muntu umwine webala umo aile kubombela. Aishile kulanda ati, ''Ishina lya muntu umwine webala umo naciya ku bombela lelo ni Boasi.'' ²⁰ Naomi, aishile kulanda kuli nafyala wakwe ati, ''Abe uwapalwa kuli Yahweh, uutaleka ukulanga umulinganya ku bomi na bafwa.'' Naomi aishile kulanda kuli ye ati, ''Uyo muntu ni lupwa lwesu, umo pali bandubulwila besu.'' ²¹ Ruti umwanakashi umwina Moabu aishile kulanda ati, ''Chishinka, acilanda kuli nebo, 'Ufwile ukupalamina ku balumendo bandi mpaka bakapwishe ukusombola bonse.''' ²² Naomi aishile kulanda kuli Ruti umwana fyala wakwe ati, ''Naciwama, we mwana mwanakashi wandi, icakuti na babomfi abakashana bakwe, pakuti bekusansa mu mabala yambi.'' ²³ Eico Ruti alikuba mupep na bakashana abbomfi bwakwa Boasi mukusombola mpakafye nokupwisha ukusombola kwa Barlielo ne ng'ano. Alikwikala na nafyala wakwe.