¹ Muku ghongawedhe keho mwathinda pofotji nomukare eshi mushovo ghokupira honyi; ² kughutho ghomatetero ndhango ghakukarepo nodiyuwa di ne mbodina piti yira dimbuto kughutho ghoghupata waFumu Nyambi wakwiye kukwenu. ³ Mushane Fumu Nyambi, mwahe amwe mwakumbirupitha pakaye amwe mwakutekera miragho dhendi! Mushane ghupongoki, mushane makumbirupithero pamweya mbomuna pu kughamwena mudiyuwa dya Fumu Nyambi. ⁴ Gaza ne mbana muyevura noAshkeloni ne mboghana hanyaghuka. Mbohana tutha Ashdodi pamitaha nokudhura Ekroni! ⁵ Mawene kwawa tungi hokudifuta, mushovo waKerethitesi! Nyambi ne ghana mwimanganyena, Canani ditunga dyawa Philistine amwe ne mbona muhanyaghurapo kate nothiruhupwa temba. ⁶ Mafuta ne mboghana piruka memaneno ghawa kungi yimuna nomakorokoro ghondjwi. ⁷ Thiko thawa tungi kudifuta ne mbothina kara thawa hathiyarapo paJuda, awa mba kungera yimuna yagho koko. Hanu mbohana rara parunguro mumayugho ghawa Ashkeloni, naFumu Nyambi mboghana wapakera thinga nokuhutha mukwato wagho. ⁸ Nayuva nyinya dhawa Moabi nodishamu dyawa Ammoni apa hakenyapere hanu wange nokuwa tenda ghuyi pamururwani. ⁹ Yodiyo kenge yikara eshi nomuyumi, dyoghana kughamba Fumu Nyambi thidna shayoyiheya, Nyambi wa Israeli. Moabi mboghana kara yira Sodomu, nohanu homu Ammoni yira ho muGomorrah; dyongo dyodiye nomakwina ghomungwa kupira yitondo kuroruhe. Ene hanu wange awa hathiyarapo, mbohana washimbi nohayihupwa yange mbohana shimbi ghushwi. ¹⁰ Eyi ne mboyina hokoka kwa Moabi naAmmoni pamurandu ghokukununeka kwagho, thika dyodi hakenyapire nokukara ghudhina karo kohanu waFumu Nyambi shathinda shayinu. ¹¹ Podiyo Nyambi mboghana wayapitha nokuhanyaghura hanyambi hopakaye. Kehe yu mboghana kuvama kukwendi, keheyu kudyango dyendi noghomahe matunga agha kara pepi nodikuruviya. ¹² Nowe Cushitesi mboghuna pu kutetaghura muyipindhi nodimende. ¹³ Dyoko dyaFumu mbodina homokera ghucuma nokwipitha Assyria, podiyo eshi Nineveh mboghana kara kuyevura rukukutu yira dyango dyokupira yitondo. ¹⁴ Yiyama mbona rara mo, yimuna yoyihe yomuditunga, yoyiheya makuru, noyinyunyi yimweya mboyina turumuthera pamutuya dhomanyangata. Methero mboghana mbogha nembi kutunderera mumathero; yiruhupwa mboyina kara mumathero; nonyangata edhi hayuwa mbodhina pu kushwahura. ¹⁵ Edhi ne mbara edhi dhaparire kupira woma; edhi dhaghambire mumutjima eshi ame ne yame ndani mbadiko oyu nakurikanya nendi. Ngepi edi ghana kara muwoma, dyango dyomararo ghoyiyama. Kehe yu ghana kupita mboghana hethera nokumuneya.