¹ Mbudhi dhaFumu Nyambi edhi dheyire kwaHoseya ghomwana Beeri, mumayuwa gha-Uzziah, Jothan, Ahaz mafumu gha-Esreali. ² Matamekero ghoyighamba yaFumu Nyambi kwaHoseya. Fumu Nyambi ne ghaghambire kwaHoseya eshi: "Yende nokayeke mbuyama ghorungu mohana horungu; Ditunga ne dyatenda rungu roshokuru mukuyakunuka kwaHekudyagho. ³ Yodiyo, ghayendire nokayeka Gomer ghomwana Diblaim: Oyu gharemine nogha wanine mwana ghokatughuru. ⁴ Fumu Nyambi ne ghaghambire kwaHoseya eshi mute Jezreel, kapupi kamanana mbona huthera ghuyi kwaJezreel mundhugho dhaJehu nombona shayekitha po ghufumu ghondhugho dha-Esreali mumuronga waJezreel. ⁵ No mboyina hokoka mudiyuwa dyo, mbona tjoro ndamba dha-Esreali mumuronga waJezreel." ⁶ Gomer ne ghawanine mwana ghombuyama. Nyambi ghawa tongwerire mumute eshi, Lo-ruhamah: Mbadi mboni thiyerera po ndhugho dha-Esreali ene mbona wadhongonona po. ⁷ Ene mbona thiyerera po ndhugho dhaJuda, mbona ghamwena mafumu, Ame noNyambi wagho nombadi mboni waghamwena kuNdamba, dimende, muyita pa mbi endi kwawa dhini mbi. ⁸ Apa ghadhirire mahwe Lo-ruhamah, Gomer ne ghawanine karo mwana ghokatughuru. ⁹ Nyambi ghamu tongwere eshi, mute eshi Lo-ammi: Amwe ne mbadi mwahanu wange nombadi mboni kara noNyambi wenu. ¹⁰ Ene thivarero thohana Esreali mbothina kara yira muve ghomudikuruviya, ghoku kwanga kuviha endi kutara; mboyina hokoka eshi mudyango omu hawa toyedhere eshi amwe ne mbadi mwahanu wange, kudyango dyodyo ne mbona kaghamba eshi amwe ne mwahana hotutughuru waNyambi ghomuyumi. ¹¹ Ndani pombo heya padyango dyofotji hana Juda nohana Esreali, nokutorora mupiterithi yofotji nomboghana shwagha muditunga: Yoyishi diyuwa dya-Jezreel ne mbodina kara dikuru thikuma.