¹ Pakumalizila, abale wangu, kondwelani pakuphatana kwanu naMpfumu. Ine pakukunembelani bzvinthu bzvimwebzvi bzvilibe kanthu kunayine koma koma munikhala wakubhasopeka . ² Khalani wakuchenjela kubwaya, wanthu wale aniyita machitidwe yakuyipa wanthu animanikidza bzvakucheka thupi, ³ pakuti pale ndife wakugwatiwa ntsong yawumuna, pakuti tinipembedza Mulungu kuchokela mumuzimu waMulungu ndiye tinikondwela mukuphatana naKristu Yesu. Ifepo tiniyikha lini chikhulupililo kubzvinthu bzvanyama. ⁴ Nadafuna bzvangu ndunuyikha chikhulupililo changu kubzvinthu bzvimwebzvi. Peno pana munthu munango anagalewe kuti iye anikwanisa kuyikha chikhulupililo chake mubzvinthu bzviniyitiwa nanyama, kana ine ndina bzvikonzelo bzvidatowana kukunda iwo. ⁵ Inepo ndidagwatiwa ntsonga yawumuna ndina sondo libodzi lakubadwa, ndine muIzilayeli pakubadwa, ndine wadzinza laBenjameni, pomwe muHebheli chauye adakwana; tikalewa bzvakuteyeza mtemo, inepo ndikhali muFalisi. ⁶ Pomwe ndikhali nashungu zikulu pakuphemphela kwangu bzvakuti ndidazunza mpingu. Tikalewa bzvakulungamisiwa kwamunthu munjila yakutetekela bzvinilewedwa namulawo, ndikhalebe chakudzongeka. ⁷ Koma bzvinthu bzventse bzvile bzvandikhawona ngati bzvinapindu, lelo uno ndilikubzviwon kuti bzvilibe pindu, nathangwe lakutumikila Kristu. ⁸ Ndiniti, ibzvi bzventsenebzvi nkutayikiliwa nanthawe pakuti ndawakudziwa Kristu Mpfumu yangu pakuti ndidasiya bzventse ndikabzviyita bzvapezi-pezi- kuti pindu yangu ikhale Kristu ⁹ kuti ndiwoneke mwayiye, nee kuti nachilungamo kuchoka mwaine pomwe mwamulawo, asi kutimukubulikiza nachikhulupililo mwaKristu- wakulungama kuchoka kwaMulungu nakufuna kwachikhulupililo. ¹⁰ Nakutenepo ndinifuna kumudziwa namphambvu yakulamuka kuchoka kuipfa ndimbvembo pomwe kuwawa pabodzi naye nakukhala ninga iye pakufa kwake, ¹¹ muyinango njila kuti ndizalamusiwembo kuchoka kuwakufa. ¹² Ndinilewa lini kuti pamwepa ndatobzvikwanisa kale, kana kuti ndatikhala wakukwana nee.koma inepo ndilikutolimbikila kufuna kutambilambo mphaso, pakuti bzvimwebzvi ndibzvo bzvidayitisa Kristu Yesu kuti ndikhale wake. ¹³ Abale wangu ndinikumbuka lini kuti ine pachangu ndidachiphata kale, chinthu chibodzi chandinichita: nkukoshiwa bzvakumambuyo nkubvziyikha pabzvinthu bzvakutsogolo kwangu basi napalipentse. ¹⁴ Nilikuthamangila kumapepo kwamujahwo umwewdu, kuti nditambile mphaso yawumoyo usingamale, icho Mulungu alikuchemelela kuchokela mwaKristu Yesu. ¹⁵ Tentse ifepo tidakula , ngati kumbuke munjila imweyi; mukakumbuka bzvinango bzvilibe mulungu nkati Mulungu azabzviwonesa padecha kwaimwepo, pankhani imweyi napata fika kawonelo kangu, ¹⁶ Nakutenepo tikhaleni wakuphatilila mwachadidi chatakhala tichidziwa kufika lelo uno. ¹⁷ Abale wangu mwentse yitani bzvaniniyita . ndiye nyanganisisani wale anifamba munjila zimwezo, ninga kukutsogolelani kwandidayita inepo. ¹⁸ Mbaazinji alikufamba, ndidakuwuzani kale bzvimwebzvi kadawanda, tsapano ndilikubzvibwelezela pomwe namisozi- kuna azinji awo alikubzviyita adani waimpfa yaKristu pamtanda tangwe yamakhalidwe yawo. ¹⁹ kumalizila kwawo anizayenda kuchiwonongeko thangwe lakuti mulungu wawo ndiko kufuna kwathupi lawo kuyela kwawo ndiko kunyazisiwa kwawo, anikumbuka bzvapadziko lapantsi pano basi. ²⁰ Koma ifepo ndife wadzinza lakudzulu, ndiye maso yathu yalikunjila kumilila Mpulumutsi wathuMpfumu Yesu Kristu kuti abwele kuchokela kudzulu. ²¹ Iye anizasandula thupi zathu zile zakuneta, kuzayayita mathupiya ninga lake landemela. Iye anibzviyita bzvimwebzvina mphambvu yile yaanikwanisa kuyikha nayo bzvinthu bzventse pantsi pautongi wake.