¹ Elyo mwami Daliyasi naakali mwendelezi kwaminyaka yoone, mubuzuba bwachine bwa Kkisilevi, (ulinguwo mweezi wamusanu ayine), ijwi lya Jehova lyakasika kuli Zekkaliya. ² Ibantu ba Bbeteli bakali batuma Syaleza a Legemu-Meleki abantu babo kuti bakumbile kunembo lyabusyu bwa Jehova. ³ Bakaambuula kubendelezi aabo bakali kung'anda ya Jehova wamakamu akubasinsimi; bakati, ''Ndilelede na kulila mumwezi wasanu kukwinda mukulyiimya, mbuli mbundakachita muleezi muminyaka myiingi?'' ⁴ Aboobo ijwi lya Jehova wamakamu lyakasika kuli ndime, kalyaamba kuti, ⁵ ''Wambuula kubantu boonse baanyika akuba payizi akwamba kuti, ''Eelyo nimwakalyimisizye kukulya akukwiila mumwezi wasanu amumwezi wamusanu ayibili muminyaka eeyi ilimakkumi alimusanu ayibili, nkasimpe na kuti mwakali kulyimisizya kuli ndime? ⁶ Eelyo nimwakali kulya akunywa, temwakali kulilyida akulinywida lwanu na? ⁷ Taali ngingawo na majwi aayo Jehova ngaakamba kwinda kujanza lyabasinsimi batanzi, eelyo Jelusalemu azisi zyengelede nizyakayakwa akuzwidilila, aba Negevi anyika zilaansansi kuyakumbo nizyakayakwa?''' ⁸ Ijwi lya Jehova lyakasika kuli Zakkaliya, kalyaamba kuti, ⁹ ''Jehova wamakamu waamba oobu, Beteka chabululami bwakasimpe, mubusyomesi bwachizuminano, muluzyalo. Akube kuti muntu umwi awumwi achite eechi kumukulana wakwe. ¹⁰ Aatala amukamufu amuchaala, muzwakule, alimwi amuntu muchete -- utabadyamizyi pe, alimwi taakwe pe uyelede kubikka kuchisa aluumwi mumoyo wako.' ¹¹ Pesi bakaka kuti baswilizye akukkazika makkuko aabo chabufubafuba. Bakasinka matwi aabo kuchitila kuti tabakonzyi kumvwa. ¹² Bakayumya myoyo yabo mbuuli buyumu bwabbwe kuchitila kuti batamvwi mulawu naakuti majwi a Jehova wamakamu. Wakali watumizya makani aaya kubantu kwinda kumuuya wakwe muchiindi chakayinda, kwinda kumulomo wabasinsimi. Pesi bantu bakakkaka kuti baswilizye, aboobo Jehova wamakamu wakabanyemena loko. ¹³ Zyakachitika awo eelyo nakayinka tebakaswilizya pe. Mulinjiyo nzila ikozyenie,'' waamba Jehova wamakamu,'' Bayoyita aanze kuli ndime, pesi nsikoyoswilizya pe. ¹⁴ Nkambo njobamwaya akambizi kunyika zyoonse ezyo nzibatanakuziba, alimwi enyika iyooba tongo kunembo lyabo. Nkambo taakwe pe naba omwe utakayinde kwinda munyika naa kubweda kulinjiyo mbuli kuti bantu bachita nyika yabo imbotu kuba nyika yabuyo.''