¹ Mpawo mungelo oyo wakali kwambuula andime waboola akundibusya mbuli muntu ubusigwa kuzwa kung'onzi zyakwe. ² Wakandaambila kuti, ''Niinzi nchobwene?'' Ndakati, ''Ndibwene chikkalilo chalampi chilundidwe koonse angolide, chilachibikilo ajulu aacho. Chila malampi musanu aabili alimwi malampi musanu aabili milomo kujulu lyalimwi alimwi lampi. ³ Kuli misamu yama olifa yobile kumbali anchicho, Umwi kullyo lwalubazu lwachibikilo aalimwi kulubazu lwakuchimweensi.'' ⁴ Aboobo ndakabuzya mungelo ngundakali kwaambula awe. Ndakati, ''Zyambaanzi zintu eezi, Simalelo wangu?'' ⁵ Mungelo ooyo wakalikwambuula andime wakasandula akwamba kuti kulindime, ''Saa tozizi ezi nchizyaamba?'' Ndakati, ''Pepe, simalelo wangu.'' ⁶ Aboobo wakati kuli ndime, ''Eli ndijwi lya Jehova kuli Zelubbabbelu: Chintu chipati teensi inguzu, pesi ngu muuya, mbwaawamba Jehova wamakamu. ⁷ Nduweni, O chilundu chipati? Kunembo lya Zelubbabbelu uyooba ntundubwi, alimwi uyogwisya ibbwe lyaatala kuti likoompolole kuti 'Luzyalo! Luzyalo kuli nchiicho!''' ⁸ Ijwi lya Jehova lyakasika kuli ndime, nkaliti, ⁹ ''Maboko a Zelubbabbelu ngawo akayaala ntalisyo yang'anda eyi alimwi maboko akwe ayoyimaninsizya.'' Mpawo uyoziba kuti Jehova wamakamu nguwandituma kuli nduwe. ¹⁰ Ooyo wasampawula izuba lya zintu zinini? Aaba bantu bayosekelela aakubona chipimyo mujanza lya Zelubbabbelu. ( Aaya malampi alimusanu aabili ngomenso aa Jehova aayo alobulanga nyika yoonse.) ¹¹ Mpawo ndakabuzya kumungelo, ''Eyi munsamu yobile yama olifa njaanzi iyiimvwi kulumweensi akululyo lwazyimikilillo zya malampi?'' ¹² Alubo ndakabuzya kuli nguwe, ''Njaanzi eyi mitabi yobile yama olifa iili kumbali lyamatililo obile aangolida aatila mafuta?'' ¹³ Mpawo wakandambila kuti, ''Saa tozizi eezi?'' Ndakati, ''Pepe, simalelo wangu.'' ¹⁴ Aboobo wakati, ''Aba mbana bamafuta ama olifa bayimvwi kunembo lya mwami wanyika yoonse.''