¹ Zyabotesya biyeni ndyato zyako kaziboneka mundyasyo zyako, mwana musimbi wamwana wamwami! Bwiime bwazibelo zyako buli mbuli nchooko, mulimu wamaanza akonzya kufula. ² Luse lwako luli zyungulukide mbuli mutiba; utakwe nuubula wayini uswenene. Bula bwako buli m buli musunta wawiti uzyungulukidwe amaluba. ³ Inkolo zyako zili mbuli bana banziba babili, bamayanga aasekwa. ⁴ Insingo yako ilimbuli kakunka kaminyanga; menso aako malambwa ali mu Hesyibboni kumbali lyamulayngo wa Bbati Labbimu. Mpemo yako ili mbuli kakunka mu Lebbanonieyo ilanga kuya ku Damasikkasi. ⁵ Mutwe wako uli alinduwe ulimbuli nkamela; masusu ali amutwe wako ngamusinza wanyangu. Mwami wajatwa buzike akambo kanteenta zyalyo. ⁶ Ulimubotu biyeni alimwi wayandika biyeni luyando lwangu, amantukwe! malembe achiindi achi Hebbulu asandwidwe obu: weebeka biyeni, nuyandika loko. ⁷ Bulamfu bwako buli mbuli musamu wamupulamu wendelene amazuba aakwe, alimwi inkolo zyako zilimbuli mitabi yamichelo. ⁸ Ndakaamba kuti, ''Ndiyanda kutanta musamu olya wamu pulamu; ndiyojatilila kumitabi yawo. ''Inkolo zyako azikabe mbuli mitabi yachisiko, alimwi muyoyo wampemo yako, ukabe mbuli michelo. ⁹ Mulomo wako ukabe mbuli wayini wiinda kubota, utuntumuka kabotu wamuyandwi wangu; wiinda atala lyamilomo yabaabo boona. (amwi malembe achiindi achi Giliki awamwi achi Hebbulu achiindi awamba kuti: atala lyamilomo amenyo angu). ¹⁰ Mwanakazi wambula kumwalumi, Ndili wamuyandwi wangu, alimwi ulandiyandisya. ¹¹ Boola, muyandwi wangu, atweende aanze munyika; atukakuname busiku mumyuunzi . (chiHebbulu chibalwa mbuli mumyunzi naa akati kakusyuuka kwamumyuunda). ¹² Atukakubukile kwiinka kumyuunda; tukabone naa izisiko zyasyuuka, naa maluba apampanuka, naa ma pomegilanayiti afulula. Oko ndiyokupa luyando lwangu. ¹³ Malubaluba nayogwisigwa kununkilila kwawo; kumulyango oko nkotukkala kuli misyobo yoonse yamichelo iyandikana, mipya ayachiindi, eyo njendibambilide nduwe, muyandwi wangu.