¹ Mwaalumi ulambuula kumwanakazi, Ndasika muchilili changu, O muchizi wangu, Omuyandwi wangu; Ndachela mule wangu amuunde wangu, Ndalya chimbulwe chabuchi changu abuchi bwangu; Ndanywa wayini wangu amalii aangu. Beenzinyina balambuula kumwalumi, Amulye, nobenzuma; amunywe alimwi mukolwe aluyando. Mwanakazi kayobulyambuuzya lwakwe mwini ² Ndakali koona, pesi moyo wangu wakachililangide. Ngoyo muzumo wamuyandwi wangu ulakonkomona alimwi wati, ''Kondijulila, O muchizi wangu, O luyando lwangu, Onziba yangu, wateta alume, masusu angu ateta amanzi amansiku.'' ³ ''Ndazwatununa kale ichizwato changu; sa ndichizwate lubo na?'' ⁴ Muyandwi wangu wakanjizya ijanza lyakwe amweenya wamulyango, alimwi moyo wangu wakakankama nkambo kanguwe. ⁵ Ndakabuka kuyojulila muyandwi wangu mulyango; manza angu akalosya mule, minwe yangu yakatetesya aamule, azijatilizyo zyamulyango. ⁶ Ndakamujulila mulyango muyandwi wangu, pesi muyandwi wangu wakanyonoka akwinka. Moyo wangu wakawizuka nakaambuula. Ndakamuyanduula, pesi takwe nendakamujana pe; Ndakamwiita, pesi takwe nakandivwiila pe. ⁷ Balindizi bakandijana nebakali kweendendamumuunzi. Bakanduuma akundita zilonda; balindizi ibakali amalambo bakandinyanzya chizwato changu. Mwanakazi ulaambula kubanakazi bamumuunzi ⁸ Ndiyanda kuti mukonke nobana basimbi ba Jelusalemu, kuti na mwamujana muyandwi wangu - Niinzi nchemunga mulazibya kuli nguwe? - ikuti ndawizuuka aluyando. Banakazi bamumunzi balawambuula amwanakazi ⁹ Muyandwi wako umwiinda biyeni umwi muyandwi, O mwanakazi uyeebeka akkati kabanakazi? Nkamboonzi muyandwi wako nayeebeka kwiinda umwi muyandwi, nowatubuzya kuti tukonkezye oobu ¹⁰ Mwanakazi ulambuula kubanakazi bamumunzi Muyandwi wangu ulabalangala mubotu aakati kalizyuulu zilikkumi. ¹¹ Mutwe wakwe ningolida loko; Masusu aakwe alizingeene alimwi alasiya mbuli chikwangala. ¹² Menso aakwe alimbuli inziba zili kumnbali atulonga twamaanzi, alasamba mumalili, alikkede mbuli zilisakatizyo. ¹³ Maseya aakwe ali,buli tuunda twamalubaluba; agwisya mweema ununkilila. Milomo yakwe ilimbuli malubaluba, aalosya mafuta aamule. ¹⁴ Maboko aakwe ninchoko zyangolida zibikkilidwe zilisakatizyo; mubili wakwe ulimbuli inkaya iivumbidwe asafilo. ¹⁵ Mawulu aakwe misumpululu yamabweluuma, iibikkidwe aazikkalilo zyangolida loko; chiwa chakwe chili mbuli Lebbano, nchibotu mbuli makkedali. ¹⁶ Mulomo wakwe ulanona kwindilila; nchobeni muyandisi loko. Oyu ngonguwe muyandwi wangu, alimwi ngonguwe mweenzuma, nobasimbi bamu Jelusalemu.