¹ Mwanakazi ulokwambula alike, 'Mansiku abulo bwangu ndakali kuyeeya muyandwi wamooyo wangu; ndakamuyeeya oyo uyandwa amuuya wangu; ndakamuyandula, pele tendakamujana pe. ² Ilwangu ndakati, ''Ndilabuka njinke mumunzi, 'Mumigwagwa amuzisambalilo, ndikayandule uyandwa amuuya wangu.'' Ndakamuyanduula, pele tendakamujana pe. ³ Bakalindizi bakandijana nkabayobwendeenda mumunzi . Ndakababuzya, ''Mwamubona na oyo muuya wangu nguyanda?'' ⁴ Kwaba chiindi chinini biyo nkatuli twindaana ambabo ndasikumujana uyandwa amuuya wangu. Ndakamujata alimwi tendakamuleka pe ado kumweeta mung'anda yabaama, mung'anda yakoonena yabakanditumbuka. ⁵ Mwanakazi wambula kulibamwi banakazi Ndiyanda kuti mukonke, basimbi bamu Jelusalemju, kwinda munjelele ansya zyamunkuba, kuti tamukoyobusya nanka kutulunganya luyando mane bakalumbile. ⁶ Mwanakazi ulikwambula alike Nchinyamanzi chiyobuza kuzwa munkanda chilimbuli musumpululu wabusi, chinunkilizigidwe atununkilizyo twamulo amuunde, amisamu yoonse iwuzigwa abasimakwebo? ⁷ Langa, mbulo bwa Solomoni; makumi musanu alimwi abasilumamba bachizyungulukide - baalumi basinguzu ba Izilayeli. ⁸ Boonse balabusongo apanga kubbazu alimwi balaluzibo lwenkondo. Awumwi mwalumi ulapanga lyakwe kubbazu lyakwe nkabali bamilide kuyoosya kwamansiku. ⁹ Mwami Solomoni wakalipangila chuuno chachisamu chizwa ku Libbanoni. ¹⁰ Myee do yacho yakachitidwe ansiliva; kusule chakachitidwe angolide, achikkalilo chamulembo wamusyobo wantumbula, mukati chakasuminwe chaluyando abasimbi baku Jelusalemu. Mwanakazi kawambula kubanakazi baku Jelusalemu ¹¹ Mwinkaanze, nobana basimbi ba Ziyoni, alimwi mukalangisisye Mwami Solomoni, mbwazwete musini banyina ngubakamuzwatika muzuba lyabwiinga bwakwe, muzuba lyakubotelwa kwamoyo wakwe.