¹ Amubone,mumazuba ayo amuchiindi echo, eelyo nenjoobozya bange muJuda aJelusalema, ² Njobungania zisi zyoonse, akuzileta mumumpata waJehosafati. Njobabeteka nkuko,nkaambo kabantu bangu achisi chaIzilayeli, abo mbibakamwayisya akati kamasi, akaambo kakuti bakaabana nyika yangu, ³ Babawulila zisolo bantu bangu, balawuzya mulombe kubumambe, akuuzya musimbi awayini kuti banywe. ⁴ Lino, nkaambonzi nuwanyemena ndime,Tulo,Sidoni azyoonse zisi zyaba Filisitiya? Mulandibozezya na? Nikuba temwandibozezya, Ndiyofwambana kubozya zibbadazyo zyanu atala amitwe yanu. ⁵ Nkaambo mwabweza nsiliva yangu angolide yangu, alimwi mwatola zintu zyangu ziyandisi muzikombelo zyanu. ⁶ Mwawuzya bantu baJuda aJelusalema kubaGilikki, kuchitila kuti babe kule kuzwa kunyika yabo. ⁷ Laanga, ndamba kubabusya, kuzwa kubusena nkumwakabawuzizizye, akubwedezya zibbadazyo atala amitwe yanu. ⁸ Njowuzya bana banu balombe abasimbi, mumamanza abantu baJuda.Bayobawuzya kubantu bakuSebbani, kuchisi chilikule, mbawamba Jehova. ⁹ ''Amwambe aya akati kazisi:'' Mulibambilile lwanu nubeni inkondo, mubusye balumi basinguzu, mubabuzye baswene afwifwi, aboonse balumi basilumamba babuke. ¹⁰ Mufule maamba anu abe mapanga azizibyo zyatufulo zibe masumu.Mutetete awambe kuti, 'Ndime singuzu.' ¹¹ Mufwambane amusike, moonse nozisi zyeengelede; mubungane moonse antoomwe nkukoko. Jeheva, yeta basilumamba bapati. ¹² Muleke zisi zibuke lwazyo akwiinka kumumpata waJehosafati. Nkaambo nkuko nkwentanokkede akubeteka zisi zizyungulukide. ¹³ Mubikke chigonsyo, nkaambo zyakutyola zyabizwa. Muboole, mupole masansa, nkaambo zibikkilo zyazula.Idindi lyazula, nkaambo abubi bwabo mbupati.'' ¹⁴ Kuli makamu, makamu mumumpata walubeta. Nkaambo buzuba bwaJehova bwaba afwifwi mumumpata walubeta. ¹⁵ Izuba amwezi ziyoba mudima , inyenyezi zyasowa mumuni wazyo. ¹⁶ Jehova uyovuluma kuzwa kuziyoni, alimwi uyonyampula ijwi lyakwe kuzw kuJelusalema. Majulu anyika ziyozungaana, pesi Jehova uyoba cheenzule kubantu bakwe, alimwi ndimpangala lyabantu baIzilayeli. ¹⁷ ''Muyoziba kuti Ndime Jehova Leza wanu ukkala muZiyoni, muchilundu changu chisalala. Mpawo Jelusalema uyosalalisya, abazwamasi tabakoyoyinda mulinguwe alimbi. ¹⁸ Kuyoba mbuli obiya buzuba bwakuti zilundu ziyogwisya wayini munono, tulundu tuyokunka malili, toonse tulonga twa Juda tuyoyenda manzi, alimwi kasensa kayozwa mung'anda yaJehova akutilila mumumpata waSitimu. ¹⁹ Ijipiti uyosowegwa mbuli chintu biyo, aEdomu uyosowegwa mbuli nkanda, nkaambo kampyompyongano zyakachitika kubantu baJuda,nkaambo bakatila bulowa bwabatakwe mulandu munyika yabo. ^{21 20} Pesi Juda uyokkalilila lyoonse aJelusalema uyokkalilila kuzwa kuzyalani kusikila kuzyalani. Njoobwedezya bulowa bwabo obo mbuntana bweedezya,nkaambo Jehova ulikkede muZiyoni.''