¹ Mpawo lyakali zuba elyo bana balombe ba Leza nibakeza kuzolibonia kuli Jehova. Satani alakwe wakeza kuzolibonia kunembo lya Jehova. ² Jehova wakati kuli Satani, ''Wazwida kuli webo?'' Mpawo Satani wakasandula Jehova akuti, ''Ndazwa kukwendeenda anyika, kuzwa kukwenda musule akunembo alinjiyo ³ Jehova wakati kuli Satani, ''Wamubona na mulanda wangu Jobbu? Nkambo takukwe umwi ulimbuli nguwe anyika, mwalumi utakwe kampenda ululeme, umwi uyoowa Leza akuchija chibi. Uchendelela kukujatilila kusyomeka kwakwe, nikuba kuti wakandileesya kulwisyania anguwe, kukumunyonyoona katakwe kaambo.'' ⁴ Satani wakasandula Jehova akuti, 'Lukanda kulukanda, nchobeni; muntu ulakupa zyonse nzyalazyo akambo kabuumi bwakwe. ⁵ Pesi tandabika janza lyako lino akuguma mafuwa akwe anyama yakwe, alimwi bona naa takutukili kubusyu bwako.'' ⁶ Jehova wakati kuli Satani, ''Bona, ulimujanza lyako; mbuumi bwakwe luzutu mbutelede kuguma.'' ⁷ Mpawo Satani wakazwa kunembo lya Jehova. Wakawuma Jobbu azilonda zyuumpa zyuma loko kuzwa kundyato zyamawulu akwe kusika kumutwe wakwe. ⁸ Jobbu wakabweza chimpanzi chalukaye kulikwazya anchicho, alimwi wakakkala aansi akati kadyota. ⁹ Mpawo mwanakazi wakwe wakati kulinguwe, ''Uchijatilide na kulusyomo lwako? Tukila Leza alimwi ufwe.'' ¹⁰ Pesi mbuli mwanakazi mufubafuba mbwaambula. Tukatambule zibotu kuzwa kuli Leza akutatambula zibi na?'' Mumakani woonse aya, Jobbu takabisya amulomo wakwe. ¹¹ Lino elyo benzinyina a Jobbu batatu nibakamvwa aabubi bonse obu bwakali bwawida alinguwe, awumwi wabo wakeza kuzwa kubusena bwakwe: Elifazi mu Temani, Bbilidadi mu Suhiti, a Zofa mu Namatiti. Bakabamba chiindi chakuza kuzolila anguwe akumuumbulizya. ¹² Eelyo menso abo kulaale, tebaka muziba pe. Bakanyampula majwi abo akukwila; awumwi wakadelula zyakusama zyakwe akulundumuna lusuko momooya aatala lyamutwe wakwe mwini. ¹³ Mpawo bakakkala anguwe aansi kwamazuba alimusanu aabili amansiku ali musanu aabili. Takukwe omwe wakamba jwi kuli nguwe, nkambo bakabona kuti machise akwe akali mapati.