Chaandano 45
1
Ngaaya majwi Jelemiya musinsimi ngakabuzya Bbalukki mwana mulombe waNeliya. Aaya akachitikana eelyo nakalemba mubbuku aya majwi akazwa kumulomo waJelemiya mumwaaka waJehoyakkimu mwana mulombe waJosiya, mwami waJuda, Wakaamba kuti,
2
''Jehova waIzilayeli, wamwaambila oobu Bbalukki:
3
Waamba kuti, 'Maawe mebo; nkaambo Jehova wayungizya machise aangu. Kutongawuka kwangu kwandikataazya mebo; nsijani kulyookeezya pe.'
4
Mbuboobu mboyelede kumwaambila: Jehova waamba kuti: Boona, eecho nchindakabumba, ndachipwachwiida aansi. Eecho nchindakabyala, ndachinonkoola lino, ndachita eechi kunyika yoonse.
5
Pesi webo ulachilangililo chazintu zipati lwako? Uutalangili oobo pe. Nkaambo langa, lunyonyooko lulasikila bantu boonse, aaya ngimalayilile aJehova, pesi ndakapa buumi mbuli bulumbu kufumbwa nkuyoyinka.'''