¹ Pesi chakaba kuti mumwezi wamusanu ayibili Isimayeli mwana mulombe waNetaniya mwana mulombe waElisyama, kumpuli yabaami, abamwi beendelezi bamwaami, bakasika - baalumi kkumi anguwe - kuli Gedaliya mwana mulombe waAhikkamu, kuMizipa. ² Pesi Isimayeli mwana mulombe waNetaniya, abaalumi bali kkumi mbaakali aabo bakanyampuka alumni bakalwisya Gedaliya mwana mulombe waAhikkamu mwana mulombe waSyafani, apanga. Isimayeli wakajaya Gedaliya, ooyo mwami waBbabbiloni ngwakabikide kweendelezya nyika. ³ Mpawo Isimayeli wakajaya baJuda boonse bakali aaGedaliya muMizipa abaalumi basikulwana baKkaludiyeni. ⁴ Mpawo lyakali zuba lyabili kabali bajayaGedaliya pesi takwe wakaziba pe. ⁵ Bamwi baalumi bakasika kuzwa kuSyekem, kuSyilo, akuzwa kuSamaliya- baalumi bakali musanu above bakali nyowedwe zilezu zyabo, bakadelula zisamo zyabo, akulinengula lwabo - azipo zyakulya atununkilizyo mumaanza aabo kuti bayinke kung'anda yaJehova. ⁶ Aboobo Isimayeli mwana mulombe waNetaniya wakazwa kuya kuMizipa kuyobaswaana nibakayobuya, kabayobweenda akulila. Mpawo nakabaswaana, wakabaambila kuti, ''Musike kuli Gedaliya mwana mulombe waAhikkamu!" ⁷ Kwakaba kuti nibakasika, Isimayeli mwana mulombe waNetaniya wakabajaya akubasowela mumulindi, wenya abaalumi mbaakali aabo. ⁸ Mudindi oomo Isimayeli mwaakasowela mitunta yoonse yabaabo mbaakajaya, lyakali dindi pati eelyo Mwami Asa ndyakasyide kuchita chikwabililo kukulwanisigwa kuMwami Baasya waIzilayel. Isimayeli mwana mulombe waNetaniya wakalizuzya mitunta. ¹⁰ Zyakazootobela Isimayeli wakajaya bantu boonse bakali kuMizipa, bana basimbi bamwaami aantomwe abantu boonse bakacheede kuMizipa aabo Nebbuzaladani silutwe wabalindizi mbaakaabide kuli Gedaliya mwana mulombe waAhikkamu. Aboobo Isimayeli mwana mulombe waNetaniya wakabajata alimwi wakazubukila mutala eeliya lyabantu baAmoni. ¹¹ Pesi Johani mwana mulombe waKkeliya aantomwe abazululi babasilumamba mbaakali aabo bakamvwa zyoonse ntenda Isimayeli mwana mulombe waNetaniya nzyakachita. ¹² Aboobo bakabweza baalumi babo boonse alimwi bakiinka kuyolwisya Isimayeli mwana mulombe waNetaniya. Bakamujana aachikala chipati chaGibbiyoni. ¹⁴ Aboobo bantu boonse mbaakajisi Isimayeli kuMizipa bakachebuka akuya kuliJohanani mwana mulombe waKkeliya. ¹⁵ Pesi Isimayeli mwana mulombe waNetaniya wakachija abaalumi bali musanu abane kuzwa kuliJohanani. Wakaya kubantu baAmoni. ¹⁶ Johanani mwana mulombe waKkeliya abasilutwe babeendelezi babasilumamba mbaakali aabo wakabweza bantu boonse kuzwa kuMizipa aabo bakavunwa kuzwa kuli Isimayeli mwana mulombe waNetaniya. Eechi chakachitika Isimayeli mwana mulombe waNetaniya kali wajaya Gedaliya mwana mulombe waAhikkamu. Johanani abenzinyina wakabweza baalumi basinguzu, baalumi balwana, banakazi abana, abazibe bakavunwa kuGibbiyoni. ¹⁸ akaambo kabaKkaludiya. Bakali kubayowa mukuti Isimayeli mwana mulombe waNetaniya wakali wajaya Gedaliya mwana mulombe waAhikkamu, ooyo Mwami waBbabbiloni ngwakali wabika kuti ayendelezye nyika.