¹ Mpawo Jelubbu Bbaalu (ngonguwe utegwa Gidiyoni), wakabuka chifumo abantu boonse mbaakalabo alimwi bakabungana kumbali akasensa ka Helodi. Chilawu chaba Midiya chakali kulubazu lwakunyika mumusena uuli afwifwi akalundu ka Mole. ² Jehova wakaamba kuti kuli Gidiyoni, ''Kuli basilumamba biingi loko kulindime kuti ndikupe iluzundo aatala aba Midiya, kuti Izilayeli atalisumpuli aatala andime, kawamba kuti, ''Nguzu zyesu zyatufutula.'' ³ Nkiinkako linobu, ambilizya mumatwi abantu akubabuzya kuti, ''Kufumbwa uyowa kufumbwa uteketa, amumuleke, abwede mpawo azwe kuchilundu cha Giliyadi.'''Aboobo bantu bali zyuulu zili makumi aabili azibili bakabweeda, alimwi bali zyuulu zilikkumi bakachaala. ⁴ Jehova wakamba kuti kuli Gidiyoni, ''Bantu bachili biingi loko. Batole kunsi mumanzi, alimwi ndiyochesya mweelwe wabo kuli nduwe nkukoko. Naa ndaamba kuti kuli nduwe, 'Oyu ulinka anduwe, uyoyinka anduwe; pesi na ndaamba kuti kuli nduwe, 'Oyu takoyinka anduwe; pesi na ndaamba kuti kuli nduwe, 'Oyu takoyinka anduwe; takoyinka.'' ⁵ Aboobo Gidiyoni wakasisya bantu kumanzi, mpawo Jehova wakamba kuti kuli nguwe, ''Pambukanya woonse untwakiila manzi mbuli munkala mbwantwakila manzi, kuzwa kuli baabo banywa bufugeme.'' ⁶ Bantu bali zyuulu zitatu bakantwakila. Bantu boonse bakachaala bakafugama kuti banywe manzi. ⁷ Jehova wakamba kuti kuli Gidiyoni, 'Bantu bali myaanda iitatu bakantwaakila, ndiyokuvuna akukupa luzundo aatala aba Midiya. Leka umwi muntu abweede kubusena bwakwe.'' ⁸ Aboobo abo bakasalidwe bakabweza zyakacheede amyeembo yabo. Gidiyoni wakatuma bantu boonse baku Izilayeli, awumwi awumwi mwalumi kutente lyakwe, pesi wakabamba balumi bali myaanda iitatu. Lino chilawu chaba Midiya chakali aansi anguwe mumusena. ⁹ Mansiku ngawonya Jehova wakamba kuti kuli nguwe, ''Buka! Lwisya chilawu, nkambo ndiyokupa kuzunda atala anchicho. ¹⁰ Pesi na koyowa kukunuka, kunuka kuchilawu, a Pula mulanda wako, ¹¹ alimwi swilila kuli nzibali kwamba, alimwi bukozu bwako buyosimisigwa kukulwanisya chilawu.'' ''Aboobo Gidiyoni wakinka kubusena bwakulindila chilawu. ¹² Ba Midiya, ba Ameleki, antomwe abantu boonse bakujwe bakakkala kumusena, munini mbuli kayoba kansozi. Nkamela zyabo zyakali zyiingi zita baliki pe, bakali biingi mumweelwe kwinda nsanga zyamusele kunkomwe yalwiizi. ¹³ Eelyo Gidiyoni nakasika nkuko, muntu wakali kwamba maloto aakwe kubenzinyina. Muntu wakamba kuti, 'Amulange ndila chiloto, alimwi ndabona chinkwa chabbali chakunkulika kuyosika kwakali chilawu chaba Midiya. Chakasika kutente, mpawo chakalyuuma changuzu zyakuti lyakawida aansi akusandamuka lyalanga kujulu, kuti lyoone bukwezeme. ¹⁴ Umwi muntu wakamba kuti, ''Echi nchabuyo kwinda panga lya Gidiyoni mwana mulombe wa Jowasyi, muntu waku Izilayeli. Leza wamupa kuzunda ba Midiya aba silumamba bakwe boonse.'' ¹⁵ Eelyo Gidiyoni nakamvwa kwindululwa kwakwaambwa kwachiloto abupanduluzi bwawo wakakotama mukukomba wakabweda kuchilawu chaba Izilayeli akwamba kuti, ''Mubuke Jehova wamupakuzunda atala abasilumamba ba Midiya.'' ¹⁶ Wakapambukania bantu bali myanda iitatu mutubunga tutatu, alimwi wakabapa myeembo yoonse azinkuli zyakatalikwe zintu, zimunisyo mukati achinkuli chimwi achimwi. ¹⁷ Wakaamba kuti kuli mbabo, ''Amulange kuli ndime alimwi muchite nzindili kuchita. Amulangisisye nindabika kumamanino achilawu mulelede kuchita mbuli mbundachita. ¹⁸ Elyo nindalizya mwembo, mebo abamwi boonse balandime, eelyo mulizye mweembo yanu anywebo kumabazu woonse achilawu akoompolola, kuli Jehova alimwi akuli Gidiyoni!''' ¹⁹ Aboobo Gidiyoni abantu bali mwanda bakali anguwe bakasika kumamanino awawo mpubakali achilawo, kuzwa kumatalikilo akati akulindila. Mbuli ba Midiya mbubakali kusandula sikulinda, bakalizya mweembo akujaya zinkuli zyakulizya mweembo akujaya zinkuli zyakali mumaboko abo. ²⁰ Inkamu zyotatwe zyakulizya mweembo akujaya zinkuli. Bakabweza zimunisyo mumaboko abo achimwensi amweembo kumaboko abo achilisyo kuti bazilizye. Bakoompolola, ''Panga lya Jehova alya Gidiyoni.'' ²¹ Awumwi muntu wakimikila abusena bwakwe kabazyungulukide chilawu ampi yoonse yaba Midiya yakachijana. Bakompolola akuchija. ²² Nibakalizya mweembo ili myaanda iitatu, Jehova wakabikka panga lyamuntu woonse mu Midiya aatala abenzinyina mpawo aatala ampi yabo yoonse.Impi yakachijila kulaale mbuli kuyosika ku Bbeti Syita koya ku Zelela, kulale mbuli kumugaano wa Abbelu Mehola, afwifwi a Tabbati. ²³ Balumi baku Izilayeli kuzwa ku Nafutali, Asya, alimwi abonse ba Manase bakalitidwe anze, alimwi bakatobela ba Midiya. ²⁴ Gidiyoni wakatuma batumwa kukulizya nyika yoonse yatulundu twa Ifulemu akwaamba kuti, ''Mwiinke mukalwisye Midiya alimwi mukendelezye mulonga Jolodani, kulale kuyosika ku Bbeti Bbaala, kukuyobimikizya.'' Eelyo boonse baalumi ba Ifulemu bakabungaana antomwe akwendelezya manzi, kulale mbuli ku Bbeti Bbaala akuyosika ku mulonga Jolodani, Bakajata bana babami bobile baku Midiya, Olebbu aku Zibbu. ²⁵ Bakajaya Olebbu kundomba yabbwe lyaku Olebbu, alimwi bakajaya Zibbu kuchisinino chawayini cha Zibbu. Bakatobelela ba Midiya, alimwi bakakweta mitwe yaba Olebbu a Zibbu kuli Gidiyoni, oyo wakali kuli limwi bbazu lyamulonga Jolodani.