¹ Mbuboobu mbwawamba Jehova, ''Ijulu nchikkalilo changu, alimwi inyika nchikkalilo chamawulu angu. Mpaali lino mpumuyondiyakila ng' anda? Bulikuli busena oko nkundinga ndilalyokezezya? ² Ijanza lyangu lyakapanga zintu zyoonse eezi; mbombubo obu zintu zyoonse ezi mbuzyakeza - oku nkokwaamba kwa Jehova. Oyu nguumwalumi ngundikondelwa, utyokede akulikatazya mumuuya, alimwi oyo ukankama kujwi lyangu. ³ Oyo ugonka musune alimwi ulajaya muntu; oyo utuula kabelele alimwi ulatyola nsingo yamubwa; oyo waaba chaabilo chabilo chazilyo ulaaba bulowa bwangulube; oyo waaba tununkilizyo twachiyeezyo alimwi ulalongezya bubi. Bakasala nzila zyabo beni, alimwi balakondelwa mukumunama kwabo. ⁴ Munzila njiyonya eyo ndiyosala chisyubulo chabo beni; ndiyoyeta alimbabo nchibayoowa, nkambo nindakiita, taakwe wakasandula; nindaakambula takwe omwe wakaswilila. Bakachita zyakali zibi kumenso aangu alimwi bakasala kuchita ezyo zindinyongania.'' ⁵ Amumvwe ijwi lya Jehova, nywebo nimukankama kujwi lyakwe, ''Bananyokwe bamusule akumupambula akambo kazina lyangu bakaamba kuti, 'Jehova ngalemekwe, mpawo tuyobona lukondo lwanu,' pesi balakuusisigwa insoni. ⁶ Muzuzumo wankondo uzwakumunzi, muzuzumo kuzwa kuchikombelo, muzuzumo wa Jehova ujosezya basinkondonyina. ⁷ Katana kunjila mukumyongwa; ulatumbuka machise kaatana kusika alinguwe, wakatuma mwana mulombe. ⁸ Ngwani wakamvwide chintu chili boobu? Ngwani wakabwene ziliboobu? Nyika nga ilazyalwa na mubuzuba bomwe? Chisi chilakonzya na kwiimikwa muchindi chomwe? Kakuli kuti webo Ziyoni nonjila mukumyongwa, ulatumbuka bana bako. ⁹ Sa ndilalela mwana kumulyango wakuzyalilwa akutazumizya mwana kuti azyalwe?-- ulabuzya Jehova. Naakuti ndilaleta mwana kuchiindi chakuzyalwa mpawo ndamujosya?--ulabuzya Jehova.'' ¹⁰ Amukondwe a Jehova akubotelwa anguwe, nywebo moonseni nimumuyanda, mukondelwe anguwe, nywebo moonseni nimwakamulila! ¹¹ Nkaambo muyuwongwa akukkutisika; ankolo zyakwe mujisi kumbulizigwa; nkambo muyoonywa buzwide akusekelela mukuvula kwabulemu bwakwe. ¹² Mboobu Jehova mbwawamba, ''Ndaamba kutila buvubi alinguwe mbuli mulonga, alimwi buvubi bwazisi mbuli kufusuuka kwakalonga. Muyolelwa kubbazu lyakwe, akubwezwa mumanza aakwe, alimwi mukalelwe kumazwi aakwe. ¹³ Mbuli mwanakazi mbubawumbulizya mwana wabo mbuboobo mbundiyomumbulizya, alimwi muyovumbilizigwa mu Jelusalemu.'' ¹⁴ Muyozibona eezi, alimwi moyowanu uyokondwa, alimwi mafuwa aanu ayoosyuka mbuli sokwetete. Janza lya Jehova liyozibisigwa kubalanda bakwe, pesi uyotondeezya kunyema kwakwe kuli basinkondonyina. ¹⁵ Nkambo amulange, Jehova uleza amulilo, alimwi inkalaki zyakwe zilaza mbuli luuwo lwamvula kuleta kuumpa kwakunyema kwakwe amabangabanga amulilo. ¹⁶ Nkambo Jehova ulapa lubeta kubantu bamisyobo amulilo apanga lyakwe. Bayovula abo bayojayigwa a Jehova. ¹⁷ Balalisalazya lwabo beni akulichita baluleme beni, kuti banjile muzilili, kutobela abo bali akkati kabaabo balyanyama yangulube azimwi zisesemya mbuli mbeba (kasandwida kumazuba aano apa bupanduluzi bwiingi kumuncali oyu muyumu) ''Bayoosika kumagolelo - oku nkwaamba kwa Jehova. ¹⁸ Nkambo ndilizi nchito zyabo amiyeeyo yabo. Chiindi chileza nindiyobungania zisi zyoonse amilaka. Bayosika akubona bulemu bwangu. (kusandwida kwamazubaano kupa bupanduluzi bunji kumunchali oyu muyumu) ¹⁹ Ndiyobikka chitondezyo akkati kabo. Mpawo ndiyotuma bakafutuka kuzwa kulimbabo kuya kuzisi: ku Tasyisyi, Puti, aku Ludi, abo bakafusa mivwi, kuTubbalu, Javani, alimwi akumanyika akunkomwe alikule oko nkubatana kumvwa aatala andime nikuba kubona bulemu bwangu. Balakwamba bulemu bwangu akati kazisi. ²⁰ Bayoobozya boonse bananyina kuzwa kuzisi zyoone, mbuli zituuzyo kuli Jehova. Balokuza atala zyambong'olo, alimwi amunkalaki, mungolo abana bambongolo, alimwi ankamela,kusika kuchilundu changu chisalala Jelusalemu- mbwaamba Jehova. Nkaambo bantu baIzilayeli bayoleta chituzyo chazilyo mumutiba usambide kunjila mung'anda yaJehova. ²¹ Bamwi babaanzi ndiyobasala mbuli bapayizi abaLevi- mbaamba Jehova. ²² Nkaambo mbuli majulu mapya anyika mpya ezyo nzintakapange ziyookkala kunembo lyangu - oku nkwaamba kwaJehova- aboobo lunyungu lwako luyoosyala, alimwi izina lyako liyoosyala. ²³ Kuzwa kumwezi umwi kusika kulutobela,alimwi kuzwa kusabata kusika kuli litobela, bantu boonse bayooza kukuvundama kuli ndime- mbaamba Jehova. ²⁴ Bayooyinka anze akubona mitunta ifwide yabantu bakandipapila, nkaambo nkonye abalya takoyoofwa,alimwi mulilo ubalya tukwe kuyozima, alimwi kuyooba kufwaba kunyika yoonse.