¹ ''Wumbulizya, wumbulizya bantu bangu,'''mbwawamba Leza. ² ''Mwambuula kumoyo wa Jelusalemu; akwitilizya kuli nguwe kuti inkondo yakwe yamana, kuti bubi bwakwe bwajatilwa, kuti watambula tupetedwe kuzwa kujanza lya Jehova nkambo kazibi zyakwe zyonse.'' ³ Ijwi lilawompolola, ''Mubambe nzila ya Jehova munkanda; muchite kululama mu Alabba nzila mpati ya Leza wesu.'' (zimwi nsandululo zyachiindi zyachikkiwa zilajwi liti wompolola munkanda litobela matayo 3:3) ⁴ Masena woonse ayosumpulwa, mpawo zilundu zyonse atulundu ziyofwinsigwa; alimwi nyika ipilingene iyochitwa kiluleme, mpawo masena alamagudugudu akabe ntandabale; ⁵ alimwi bulemu bwa Jehova buyoyubununwa, kuzwawo bantu boonse bayobubona kabali antomwe; nkambo Jehova wachaamba amulomo wakwe. ⁶ Ijwi lya Jehova lyamba kuti, ''Kwiila.'' Umwi asandule, ''Ndikwililenzi?'' ''Nyama yoonse mbwizu, achizuminano chabo chabusyomesi choonse chilimbuli dubaluba lyamumunda. ⁷ Bwizu bulanyana adubaluba lilapusama aluyoyo lwa Jehova niluunga alingawo; nkasimpe bantu mbwizu. ⁸ Bwizu bulanyana dubaluba lilapusama, pesi ijwi lya Leza wesu liyoyima kwalyoonse.'' ⁹ Tanta atala achilundu chilamfu, Ziyoni, sikweeta makani mabotu. Kutalikwamba kuti kuya atala achilundu chilamfu, Ziyoni, sikweeta makani mabotu, (nsandululo zyasunu zijisi aya Webo noyeta makani mabotu ku Ziyoni, tanta atala lyachilundu chilamfu. Wompolola changuzu, Jelusalemu, wompolola makani mabotu. zimwi nsandululo zyasunu zijisi sikompolola makani mabotu ku Jelusalemu). Wamba kuti kumyunzi ya Juda, ''Ngoyu Leza wanu!'' ¹⁰ Bona, Mwami Jehova ulaboola mbuli silumamba muzundi, alimwi janza lyakwe lilanguzu lilamwendelezya. Langa, bulumbu bwakwe bulanguwe, alimwi aabo, mbakanununa baleenda musule lyakwe. ¹¹ Uyosanina butanga bwakwe mbuli mweembeli, uyobungika bana bambelele mujanza lyakwe, akubanyampula munsi lyachaamba chakwe, mpawo mbelele zinyonsya bana bazyo ziyo yembelwa obotu. ¹² Ngwani wakeeleka manzi munkankamanza yajanza lyakwe, wakajata lusuko lwanyika lulimunsangwe, wakeeleka zilundu muchipimyo, naa tulundulundu muchipimyo? ¹³ Ngwani umvwisisisya miyeeyo ya Jehova, na kumulayilila mbuli sikulaya. ¹⁴ Nkulini nkwakatambula malayilile? Ngwani wakamusisya inzila ilikabotu yakuchita eezi, mpawo kumuyiisya luzibo, naa kumutondezya inzila yakumvwisisisya? ¹⁵ Boona, zisi zili mbuli intosi lilimugabba, mpawo libwezedwe mbuli lusuko luli achipimyo; langa, ulapima kasuwa mbuli kasyapu. ¹⁶ Lebbanoni takwe mafuta azulide, naaba banyama bayo bamusokwe tabazulide kuba chipayizyo chakuumpa. ¹⁷ Zisi zyoonse tazizulide kunembo lyakwe; zibezedwe mbuli takwe chiliwo. ¹⁸ Nkuliini nkonga ulezyanisya a Leza? Kuchikozyanisyonzi nchonga ulamwezyanisya? ¹⁹ Chikozyanisyo! Nchabeza mubezi: Mubambi wangolida wachizilulula ngolida akwifulila nketani yansiliva. ²⁰ Kuchita chipayizyo umwi ulasala inkuni zitaboli; ulayanduula mubezi ujisi luzibo mukuchita chikozyanisyo eecho chitakabule kuwa. ²¹ Takukwe niwakaziba na? Takukwe niwakamvwa na? Takwe nwakabuzizigwe na kuzwa kumatangunino? Temwakamvwa na kuzwa kumatalikilo anyika. ²² Ngonguwe ukkede atala alubaya lwanyika; alimwi basikukkala kunembo lyakwe balimbuli insozi. Ulatambika majulu mbuli chisitikizyo. Ulayanika mbuli tente lyakukkala mumo. ²³ Ulachesya beendelezi kuba biyo akuchita bendelezi baanyika batakwe makani. ²⁴ Bakazikwa antanganana akubyalwa antanganana, chisiko chayo tachikwe nichinikide miyanda munyika, eelyo naa wawunga alimbabo mpawo balapusama, alimwi muuwo wabapupulula mbuli buungu. ²⁵ Elyo nkulini nkonga ulandelanisya andime, ngwani ngwendikozyania awe? Mbwawamba Umwi Uusalala. ²⁶ Mulange mumulengalenga! Ngwani wakalenga nyenyeezi zyoonse ezi? Ulasolweda basilumamba akubayita boonse amazina. Abupati bwanguzu zyakwe amunina wanguzu zyakwe, takukwe nikuba umwi uswekede. ²⁷ Nkamboonzi nwamba, Jakobbo, mpawo nkamboonzi noluula, Izilayeli, kuti, ''Inzila yangu ilisisikene kuzwa kuli Jehova, alimwi Leza wangu takwe nchakwiila atala alubeta lwangu?'' ²⁸ Tewakaziba na? Tewakamvwa na? Leza uutamani, Jehova, mulengi amagolelo aanyika, takatali tawizuuki; takwe majinkilo mukumvwisya. ²⁹ Ulapa nguzu kubakatede; akubakompeeme ulapa nguzu zikubukulusidwe. ³⁰ Nibaba bakubusi balakatala akwizuuka, abakubusi baalumi balalebwa akuwa: ³¹ pesi kuli baabo balindila Jehova bayobukuluka kunguzu zyabo; bayowuluka amababa mbuli nkwazi; bayochijaana mpawo tabakoyokkatala pe; bayoyenda akutakkatala.