¹ Zyakachitika awo nibakatalika kuvuzyania anyika alimwi bana basimbi bakazyalwa kuli mbabo, ² ikuti bana ba Leza balombe bakabona kuti bana babantu basimbi bakali kwebeka. Bakalijanina bakayintu, kufumbwa ooyo ngubakasala. ³ Yahuwe wakati, ''Imuuya wangu tawukoyokkalilila mubantu kwalyoonse nkambo mbantu benyama. Bayopona kwamyaka (120) ili mwana amakkumi obile.'' ⁴ Kwakali bantu mampumbwa munyika mazuba aayo, amazuba atobela alimwi. Eechi chakachitika aawo bana ba Leza balombe nibaka kwatana abana babantu basimbi, akuba bana ambabo. Aaba bakali balumi basinguzu bachiindi, baluumi bempuwo. ⁵ Jehova wakabona kuti kubisya kwabantu kwindilila munyika, alimwi kuti bunangatizi bwamizezo yamumyoyo yabo bwakali kwinkilila anembo akubisya. ⁶ Jehova wakalibeteka mukuti wakali walenga bantu aanyika, alimwi zyakamuchisa mumoyo wakwe. ⁷ Nkenkaako Jehova wakati, ''Ndiyolobya bantu mbindakalenga kuzwa kuntandabale yenyika - ibantu abanyama, ezinyamankata ziyavula abayuni bamujulu, nkambo ndili amawuse akuti ndakabalenga.'' ⁸ Pesi Nowa wakajana luzyalo kumenso a Jehova. ⁹ Ezi nzezintu zyakali kuchitika kazilangena a Nowa. Nowa wakali mwalumi uululeme, alimwi katakwe kampenda mubantu bamazuba akwe. Nowa wakeenda a Leza. ¹⁰ Nowa wakaba wisi wabana balombe botatwe: Shemu, Hamu, a Jafeti. ¹¹ Inyika yakali abubbinginizi kunembo lya Leza, alimwi yakazwide lupyopyongano. ¹² Leza wakabona nyika; amubone, yakali abusofwazi, nkambo boonse benyama bakali babbinginizya munzila zyabo anyika. ¹³ Leza wakati kuli Nowa, ''Ndili bwene kuti chaba chiindi chakulobya akugozya zyonse zipona, nkambo inyika yazula lupyopyongano kwinda muli mbabo. Nchoonzyo, ndiyolobya nyika. ¹⁴ Liyakile bwato bwamusamu wa Sayipulesi. Upange twaanda mubwato, alimwi ubujale ansakizi mukati ampobuli anze. ¹⁵ Mboobu mbotazichite: ibulamfu bwabwaato bweelede kuba myanda yotatwe yamakkiyubbiti; ibusasa bwabo bube makumi musanu bwamakkiyubbiti, alimwi bulamfu bwabo bwato bube makumi otatwe amakkiyubbiti. ¹⁶ Upange kaluli kabwaato, alimwi ukamaninsye kakali akkiyubbiti kuzwa aatala - ansonge yabbazu lyabo. Ubikke ikkoma kubbazu lyabwato alimwi uchite selelelo lyaansi, alyabili, alimwi aselelelo lyatatu. ¹⁷ Swilila, ndamba kweeta izambangulwe lyamanzi enyika, kuti kufwe choonse chenyama chili amuuya wabuumi kuzwa munsi lyakujulu. Choonse ichili anyika chizofwa. ¹⁸ Pesi ndiyotalika chizuminano changu anduwe. Uyonjila mubwato, iwebo, abana bako, abakayintu bako, abamuka bana bako uyoba aabo. ¹⁹ Kuzinyama zyoonse zipona zyamisyobo yonse uyobweza zibili kumisyobo yonse ukazibike mubwato, kuti zikapone anduwe, zyoonse ibeenze abazyazi. ²⁰ Kubayuni kuzwa kumisyobo yabo boonse, alimwi akubanyama kuzwa kumisyobo yabo, akuli choonse chintu chiyavula aanyika chamusyobo wacho, izibili kumisyobo yoonse ziyoza kuli nduwe kuti ukazilele kazipona. ²¹ Libunganisizye yoonse misyobo yachakulya ilyigwa uyilondole, kuchitila kuti chikabe chakulya chako ambabo.'' ²² Alimwi Nowa wakazichita eezyo Leza nzyakamulayilila, alino wakazichita.