¹ Ayaa ngimakani amazyalane a Adamu. Mubuzuba Leza nakalenga bantu, wakabachita baba muchikozyanio chakwe. ² Wakalenga mwalumi amwanakazi. Wakabalongezya akubapa izina lyakuti mbantu nibakalengwa. ³ Eelyo Adamu nakapona myaka mwanda amakkumi ataatu, wakaba wisi wamwana mulombe umukozezye, muchikozyanio chakwe, elyo wakamwita zina lya Seti. ⁴ Adamu nkali waba wisi wa Seti. Wakapona myaaka myaanda musanu ayitatu. Wakaba wisi wabana biingi balombe abasimbi. ⁵ Adamu wakapona minyaka, (930) myanda musanu ayine amakumi otatwe, mpawo wakafwa. ⁶ Eelyo Seti nakapona minyaka mwanda amusanu, wakaba wisi wa Enosi. ⁷ Nkali waba wisi wa Enosi, wakapona minyaka myanda musanu ayibili (807) mpawo wakaba wisi wabana balombe abasimbi bingi loko. ⁸ Seti wakapona minyaka (912) myanda musanu ayine akkumi ayibili, elyo wakafwa. ⁹ Awo Enosi nkali wapona minyaka myanda musanu ayine, wakaba wisi wa Kkenani. ¹⁰ Nkali waba wisi wa Kkenani, Enosi wakapona (815) minyaka myanda musanu ayitatu a kkumi amusanu. Wakaba wisi wabana biingi balombe abasimbi. ¹¹ Enosi wakapona (905) minyaka myanda musanu ayine amyaka musanu, awo mpawo wakafwa. ¹² Eelyo Kkenani nakapona minyaka iili makkumi musanu aabili, wakaba wisi wa Mahalaleli. ¹³ Nkali waba wisi wa Mahalaleli, Kkenani wakapona minyaka myanda musanu ayitatu amakkumi oone (840). Wakaba wisi wabana balombe abasimbi biingi. ¹⁴ Kkenani wakapona (910) minyaka myaanda musanu aine ilekkumi elyo wakafwa. ¹⁵ Elyo Mahalaleli wakali wapona minyaka makkumi musanu alimwi amusanu, wakaba wisi wa Jaledi, ¹⁶ Nkali waba wisi wa Jaledi, Mahalaleli wakapona minyaka myanda musanu ayitatu amakkumi atatu. Wakaba wisi wabambi bana balombe abasimbi. ¹⁷ Mahalaleli wakapona minyaka (895) myanda musanu ayitatu amakkumi musanu ayine aminyaka musanu, elyo wakafwa. ¹⁸ Eelyo Jaledi wakapona minyaka (162) mwanda amakkumi musanu amyaka yobile, Wakaba wisi wa Inokki. ¹⁹ Nkali waba wisi wa Inokki, Jaledi wakapona minyaka myanda musanu ayitatu. Wakaba wisi wabana biingi balombe abasimbi. ²⁰ Jaledi wakapona minyaka (962) myanda musanu ayine amakkumi musanu alimwi aminyaka yobile mpawo wakafwa. ²¹ Eelyo Inokki nkali wapona minyaka makkumi musanu alimwi amyaka musanu, wakaba wisi wa Metusela. ²² Inokki wakeenda a Leza minyaka myanda yotatwe nkali waba wisi wabana balombe abasimbi biingi. ²³ Inokki wakapona (365) minyaka myanda yotatwe amakkumi musanu alimwi aminyaka musanu. ²⁴ Inokki wakeenda a Leza, mpawo wakiinka, nkambo Leza wakamubweza. ²⁵ Eelyo Metusela wakali wapona minyaka mwanda amakkumi musanu atatu aminyaka musanu ayibili, wakaba wisi wa Lameki, ²⁶ Nkali waba wisi wa Lameki, Metusela wakapona (782) minyaka myanda musanu ayibili amakkumi musanu aatatu aminyaka yobile.Wakaba wisi wabana balombe abasimbi biingi. ²⁷ Metusela wakapona minyaka (969) myanda musanu ayine amakkumi musanu alimwi aminyaka musanu ayine. Mpawo wakafwa. ²⁸ Elyo Lameki nkali wapona minyaka mwanda amakkumi musanu aatatu amyaka yobile, wakaba wisi wamwana mulombe. ²⁹ Wakamuzika izina lya Nowa, nkati, ''Oyu ulatupa kulyokezya kuzwa kumilimu yesu akumilimu ichisa yamanza esu, njitwelede kuchita nkambo kanyika Jehova njaka tuka.'' ³⁰ Lameki akapona myaka myanda musanu ayine amusanu nkali waba wisi wa Nowa. Wakaba wisi wabambi bana balombe abasimbi. ³¹ Lameki wakapona minyaka (777) myanda musanu ayibili aminyaka musanu ayibili. Mpawo wakafwa. ³² Nkali Nowa wapona myaka myanda musanu, wakaba wisi wa Shemu, Hamu, a Jafeti