¹ فِي قْدِيمْ اَلزْمَانْ تْكَلَمْ الله مْعَ جْدُودْنَا بَلْسَانْ أَنْبِيَاءْ بَزَافْ اَلْمَرَّاتْ وبْطُرُقْ مُخْتَلْفَة، ² بَصَحْ هَادْ لَيَّامْ اَلتْوَالَى، هْدَرْ مْعَنَا بَبْنُو لِي بِيهْ خْلَقْ اَلدَنْيَا، وُعْطَالَهْ يَوْرَثْ كُلْ شِيء. ³ وُلِي هُوَ نُورْ وُعَزْ الله، وُهُوَ تَصْوِيرَةْ لَطْبِيعَة الله، ودَرْ كُلْ شِي بْقُدْرَةْ الْكَلِمَةْ نْتَاعَهْ، وبَعْدْ مَاكَمَلْ وُ طَهَرْنَا مَنْ ذْنُوبْنَا، جَمَعْ فَي السْمَا عْلَى يَمِينْ الله، ⁴ وَدَا مْقَامْ عَالِي أَكْثَرْ مَنْ مْقَامْ جْمِيعْ اَلْمَلاَيْكَا عْلَى قَدْ اَلْإِسْمْ اَلْعَظِيمْ لِي وَرْثَهْ. ⁵ عْلَخَاطَرْ لَشْكُونْ الله قَالْ مَنْ اَلْمَلاَيْكَا: «أَنْتَ اَبْنِي وَأنَا مَنْ اَلْيُومْ رَانِي وْلَدْتَكْ؟» وتَانِي: «أَنَا أَنْكُونْ لِيهْ بُو وُهُوَ إِيكُونْ لِيَا اِبْنْ؟» ^{6 7} وُثَانِي كِي أَرْسَلْ اَبْنُو الَكْبِيرْ لَدَنْيَا قَالْ: لاَزَمْ تَسْجُدْ لِيهْ ڤَاعْ مَلاَيْكَاتْ الله». وُعْلَى اَلْمَلاَيْكَا ڤَالْ: «الله دَارْ اَلْمَلاَيْكَا نْتَاعُو رِيحْ وُالْخَدَّامَة لَهِيبْ نَارْ». ⁸ بَصَحْ عْلَى اَلْاِبْنْ ڤَالْ: «عَرْشَكْ يَا الله ثَابَتْ دِيمَا لَلْبَدَاْ. وُتَحْكَمْ بْسُلْطَانْ اَلْعَدْلْ عْلَى شَعْبَكْ. ⁹ تَبْغِي اَلْحَقْ وُتَكْرَهْ اَلْبَاطَلْ. عْلَى هَذَا دَهْنَكْ الله إِلَهَكْ بَزِيتْ اَلْفَرْحَةْ كْثَرْ مَنْ أَصْحَابَكْ». ¹⁰ «و أَنْتَ يَارَّبِي فَي اَلَلَّوَلْ خْلَقْتْ اَلْأَرْضْ، وُ السْمَا صَنْعَةْ يْدِيكْ. ¹¹ هِيَ اَلْفَانْيَةْ وَنْتَا اَلْبَاقِي، وكِي اَلْكَسْوَة تْوَلِي قْدِيمَة، ¹² تَطْوِيهَا ڤَاعْ كِيمَا اَللَبْسَة لِي تَتْبَدَلْ. بَصَحْ نْتَا دِيمَا هُوَ وُمَاتَتْبَدَلْشْ، وُلَلْأَبَدْ مَاتَفْنَاشْ». ¹³ وُثَانِي لَشْكُونْ مَنْ اَلْمَلاَيْكَا ڤَالْ: «جْمَّعْ عْلَى لْيَمْنَى نْتَاعِي حَتَى نْدِيرْ عَدْيَانَكْ تَحْتْ رَجْلِيكْ؟» ¹⁴ مَاشِي ڤَاعْ اَلْمَلاَيْكَا أَرْوَاحْ بَاشْ يْخَدْمُو وُيَتْرَسْلُوا يْعَاوْنُو فَلِي غَادِي يْوَرْثُوا لْحَيَاةْ اَلدَايْمَة!.