¹ الأسَاقفة صَادْقَة الْكَلِمَة: إِذَا بْغَى وَاحَدْ خِدْمَة الْرِعَايَة، و تْمَنَى يْدِيرْ خَدْمَة صَالْحَة. ² لاَزَمْ، يْكُونْ الْرَاعِي بْلَى عِيبْ، مْزَوَجْ لَمْرَاة وَاحْدَة، صَاحِي عَقَلْ مْرَبِي مِضْيَافْ، قَادَرْ عَالْتَّعْلِيمْ، ³ مَاشِي سُوكَارْجِي و مَاشِي عَنِيفْ، يْكُونْ لَطِيفْ، و مَا يْحَبْشْ الْدْوَاسْ، و مَاشِي طَمَاعْ الْدْرَاهَمْ، ⁴ يْسِيَرْ دَارَهْ كِمَا لاَزَمْ، و و يْرَبِي وْلاَدَه فَالْخُضُوعْ و الإِحتِرَامْ. ⁵ إِذَا كَانْ وَاحَدْ مَا يَعْرَفْشْ يْسِيَرْ دَارَهْ كِمَا يْلِيقْ، كِيفَاشْ يْسِيَرْ كَنِيسَة الله؟ ⁶ و لاَزَمْ تَانِي مَا يْكُونْشْ جْدِيدْ فَالإِيمَانْ، بَاشْ مَا يْتَنَفَخْشْ و يَتْكَبَّرْ، و يْطِيحْ عْلِيهْ عِقَابْ بْلِيسْ! ⁷ و لاَزَمْ تْكُونْ عَنْدَهْ سُمْعَة مْلِيحَة عَنْدْ الْنَّاسْ أَلِّي خَارَجْ الْكَنِيسَة، بَاشْ مَا يْطِيحْشْ فَالْعَارْ و فِي فَخْ بْلِيسْ. ⁸ لاَزَمْ تَانِي يْكُونُو عَنْدْهُمْ الْحَرْمَة، مَاشِي زُوجْ وْجُوهْ، و مَشِي سُكَارْجِيَة، و مَاشِي طَمْعِينْ يَكَسْبُوا بَالْحْرَامْ. ⁹ يْشَدُّوا بْحَقَائِقْ الإِيمَانْ الْمَخْفِيض‘ بْضَمِيرْ نْقِي. ¹⁰ و لاَزَمْ تَانِي عْلَى الْمُدَبْرِينْ يَتْجَرْبُوا فَالْلَوَلْ. وإِذَا مَا بَانْ حَتَّى لُومْ عْلِيهُمْ، يَبْدُوا فْخِدْمَة الْتَدْبَارْ. ¹¹ تَانِي النْسَا يْلِيقْ يْكُونُوا رْزِينَاتْ ،مَيَهَدْرُوشْ عْلَى لُوخْرِينْ ،سَاجْيَاتْ ، اَمِينَاتْ فِي كُلْ حَاجَة .كِيمَا يْلِيقْ ¹² يْكُونْ كُلْ مَسؤُولْ رَاجَلْ لَمْرَا وَحْدَة ،يَعْرَفْ كِيفَاشْ يْمَشِي دَارَهْ وْوْلَادَهْ . ¹³ الِّلي يَخْدَمْ خَدَّمْتَهْ كِيمَا لَازَمْ ،يَكَّسْبُوا لَرْوَاحْهُمْ بْلَاصَة مْلِيحَة ،وْجُرْأَة كْبِيرَة فِي الاِيمَانْ الثَّابَتْ فِي المَسِيحْ يَسُوعْ ¹⁴ هَادْ الْوْصَيَا نَكْتَبْهَا لَكْ، و أَنَا نَتْمَنَى نْجِي لْعَنْدَكْ فِي أَقْرَبْ وَقْتْ، ¹⁵ حَتَّى إِذَأ طَوَلْتْ تَعْرَفْ كِيفَاشْ تَتْصَرَّفْ فِي دَارْ الله، أَلِّي هِيَ كَنِيسَة الله الْحَيْ، عَمُودْ و سَاسْ الْحَقْ. ¹⁶ و بْإِعْتِرَافْ الْجَمِيعْ عَظِيمْ سِرْ الْتَّقْوَى: الله بَانْ فَالْجَسَدْ، تْبَرَّرْ فَالْرُّوحْ، شَافُوهْ الْمَالَيْكَة، تْبَشَرْ بِهْ بِينْ الأُمَمْ، أَمْنُوا بِهْ فَالْعَالَمْ، مَمْبَعْدْ تَرْفَدْ فَالْمَجْدْ.