¹ Nga runi iza' caya lu'tu, biche ca', pur ca guenda ria' xti Diuxhi, guchiña tu xcuerputu casi sacrificiu ni nabani, nandxo', ne ni sanda guica Diuxhi. Sacarí nga neza gusisacanu laabe. ² Cadi chi nandatu casi guidxilayu' di, laga lagucha ra gucha xquendabiani tu. Laguni ndi para gunibia' tu xhinga ni jneza, sicarú, ne izá biasi ni racaladxi Diuxhi. ³ Ti purti naa cayabe laatu, pur guenda nacha'hui ni gucua, guira ca ni nuu laade tu cadi naquiñe guiní ique iza naroba de laaca laa jmá de bia' naquíñe guiní ique. Laga nga la?, laacabe naquiñe guiní ique cabe de xtale guendabiani, casi ca Diuxhi ma bidii cada tobi, ti bia' guenda runi cre'. ⁴ Ti purti laanu napau xtale nda ladinu lu ti cuerpu si', huaxha cadi guira di' nda ladinu ca ngueca xhiiña. ⁵ Sacaca laanu, ni nacanu xtale, nacanu tobisi cuerpu lu cristu, ne nacanu cada tobi de laanu nda laadi tobi ne xtobi. ⁶ Laanu napanu adxe adxe ni bisiga'de Diuxhi laanu, bia' guenda nacha'hui ni gucuanu. Pa ni bisigaade Diuxhi tobi nga guiní profecia, gacani bia' naroba guenda runi cre' xtibe. ⁷ Pa Diuxhi bisigaade tobi guenda runi dxiña, lagudi gunibe dxiña. Pa tobi bisiga'de Diuxhi laa Guenda rusiidi, lagudii gusiidibe. ⁸ Pa tobi bisigaade Diuxhi laa cú' razon xtobi, lagudi laabe cú' be razon. Pa tobi bisigaade Diuxhi laa guenda rudí, lagudii gunibeni ne guenda nacha'hui. Pa ni bisigaade Diuxhi tobi nga zaa niru lu xcadxi, gacani ni xtanle guenda ria'pa. pa ni bisigaade Diuxhi tobi nga guenda ria' la? gunibe ni ne guenda nayeche'. ⁹ Lagudii deque guenda ranaxhi ca gacani sin guenda riníi si ne que runi. Ne guenda racananaladxi ni nadxaba, laguidagu ni naca sicarú. ¹⁰ Ne ni naca de guenda ranaxhi biichi la?, laganaxhizaa tobi ne xtobi. Ne ni naca de guenda rapa xpia' la? lagapa xpia' tobi ne xtobi ¹¹ Ne ni naca de guenda riza'ladxi guni biazi la?, cadi gacatu nacha'ba. ne ni naca de espiritu la? lagaca ni cagui ladxido'. Ne de Diuxhi la?, laguni xhiiñabe. ¹² Laguieche lu guenda ribeza ni laatu napatu de ni chi gaca huidxe. Lagaca ni ribeza lu ca guenda nagana. cadi gusaanatu de Guiní'netu Diuxhi. ¹³ La chu nú lu ni caquiiñe ca ni runi cre'. Laguidxela xtale jmodo de guluítu ricaatu xtobi ralidxitu. ¹⁴ La cú ndaya ca ni rizananda laatu, la cú ndaya, ne cadi cú dí'tu. ¹⁵ Laguiechene ca ni cayeche; Laguuna ne ca ni cayuuna. ¹⁶ Lagaca ni tobisi ni riní ique de xtobi. cadi guiní ique tu ne guenda rucha xquenda naro', laga nga la? laguica ca binni ni nacha'hui. Cadi gacatu ni nu xpiani laca lu ni riní ique. ¹⁷ Cadi gudxigueta tu ni cadi jneza ne laaca ni cadi jneza guiruti. Laguni ni jneza neza lu' de guira binni. ¹⁸ Pa ganda la? dede bia' nu ndani na' tu, lachu dxi ne guira binni. ¹⁹ cadi gusitui tu laaca lu' tu, ni nadxie' ca, laga nga la lagudii lugar xhiana xti Diuxhi. Ti purti ca lu gui'chi: "XTINE NGA GUENDA RUQUIXHE, NAA QUIXHÉ" naa xhaiquenu. ²⁰ "PERU PA NI NANALADXI LII CANDAANA, BIDII NI GO'BE. NE PA CAYA'TIBE NIZA, BIDII GUEEBE . PUE PA LII GUNI LU CA NDI LA? LII ZUTALE LU BÚ' DE BELE LUGUIA IQUE BE". ²¹ Cadi quiñe di ni nadxaba laatu, laga nga la laquiñe ni nadxaba ne ni jneza.