¹ Yana naa rabe, ¿bicaa na' Diuxhi binni xti? que chu' dxi gaca ni saca'. Ti purti naa laaca naca ti binni Israel, tobi ni zaa de Abraham, de ca lizaa xti Benjamin. ² Diuxhi que nucaa na' ca binni xti, cani laabe runibia'be. Cadi gana tu laatu ni ca' lu gui'chi de Elias, xhi jmodo laabe gunabape be lu Diuxhi lugia Israel?. ³ "XHAIQUEDU', LAACABE BIITI CABE CA PROFETA XTILU, LAACABE GUNDA' CABE CA ALTAR XTILU, NE MA NAA SIA' RIAANA, NE LAACABE CUYUBI CABE GUENDA NABANI XTINE." ⁴ Peru, ¿xhi bicabi Diuxhi laabe? "MA GUPÁ PARA NAA GADXE IXIAPA HOMBRE CA NI QUE HUAGUICHE XHIIBI XHA LÚ BAAL" ⁵ Neca saca, yana, lu ca dxi de yana di' laaca nu' cadxi zuhuadxichi ru ca pur guenda ribíi ni nacha'hui. ⁶ Peru pa naca ni pur guenda nacha'hui, ma cadi naca di' ni pur ni guni nu. Pa cadi saca ñaca ni la? ma que ñaca di' ni pur guenda nacha'hui. ⁷ ¿Yana xhi laa ya? nica binni Israel biyuubi ca, que nicaaca ni', peru ca ni bibíi gucua ca ni, ne ca xcadxi biguidxi adxido' ca. ⁸ Casi pe ca' lu gui'chi: "DIUXHI BIDII LAACABE TI ESPIRITU DE GUENDA NACHE'PA L'U, GUIE LÚ NI QUE RANDA RUUYA, DIAGA NI QUE RANDA RUNADIAGA , DEDE DXI DI'." ⁹ Laaca David naa: "BIDII DEQUE MEXHA XTI CABE GACA TI CHIN, TI DO' RA GUIABA CABE, TI GUIE' NI GUIRENDA ÑEE CABE, TI GUENDA RUQUIXHE LUGUIA CABE. ¹⁰ BIDII GUICAHUI LÚ CABE PARA QUE GANDA GUUYA CABE, BICUUDE DECHE CABE DEDE GUIRA DXI." ¹¹ Naa cayabe laatu yana: "Birenda ñee cabe dede biaba cabe? que chu' dxi gaca ni saca. Laga nga la?, pur ni que ñanda laacabe, guenda rila ma beeda ra nu cani cadi Judiu, para gucá idxichi cabe pur laaca. ¹² Yana, pa ni que ñanda laacabe nga naca ni risaca xti guidxilayu', ne pa ni biniti cabe naca ni risaca xti ca ni cadi Judiu, pabia' ru jma narooba saca ra chu' cabe? ¹³ Peru yana naa canie nia laatu binni ni cadi judiu ca', laga naa gaca Apostol para ca ni cadi Judiu, naa ricaa casi ni risaca dxiiña xti Diuxhi cayune. ¹⁴ Zanda ca naa gune de que guidxichi ca ni naca laaca de binni xquidxe. Zanda ca laanu gulaanu cadxi de laaca. ¹⁵ Pue pa ni bicaa naa cadxi naca guenda ribigueta xti guidxilayu', ¿xhi nga ni que zacaa cabe, pa cadi guenda ribaani lade gue'tu? ¹⁶ Pa ca ni gucua niru biaapa ca, sacaca cúba, pa xcú biaapa, sacaca ca naa yaga. ¹⁷ Peru pa cadxi de ca na' yaga ma biaxha ca, ne laatu, ti naa yaga olivu guiixhi, biguiidi tu laade cabe, ne pa ngue xcu ni nanixhe napa tu xti yaga olivu, ¹⁸ Cadi guinii tu de ca naa yaga. Peru pa guinii tu la?, cadi laatu nga naaze tu ca xcu, laga ca xcu nga naaze laatu. ¹⁹ Oraca laatu zaníi tu: "Guxha cabe ca naa yaga, para ganda naa iguiide." ²⁰ Dxandi nga. Ti purti pur guenda que runi cre' xti cabe bigaa cabe, peru laatu zuhua tu pur guenda runi cre' xtitu. Cadi guiníi ique tu narooba de laatu, laga laguidxibi. ²¹ Peru pa Diuxhi que nuzianda xtonda ca naa yaga ni maca naca xti yaga que, laaca que suziaanda xtonda tu. ²² Luguuya yana, ca guenda runi ni nachaui, ne guenda rani na' xti Diuxhi. Ti ladu la? guenda rani na' beeda luguia ca judiu, ca ni biaba. Peru xti ladu la?, guenda nacha'hui xti Diuxhi zeeda lugiatu, pa laatu guiaana tu lu guenda nacha'hui xtibe. pa cadi saca gacani la? laatu laaca sarúgutu. ²³ Dede laacabe, pa que zaarucabe lu guenda que runi cre' xti cabe, saguiiidi cabe lu yaga xti tiru. Pue Diuxhi zanda guquiidi laacabe xti tiru. ²⁴ Ti purti pa laatu birugutu de lu yaaga ni maca naca yaga olivu guixhi, ne biguidi tu lu yaga Olivu cha'hui ra cadi maca bindanitu, ¿pabia'ru jmá ca judiu di' ni naca ca naa yaga ni maca gundani, saguiidi cabe xti tiru lu yaaga olivu ni maca xti cabe?. ²⁵ Ti purti naa que gapa dia' gana que guizaalaadxi tu, biche ca', ni naga'chi di', ti cadi gaca tu ni nuu xpiani laaca lu xquendabiani. Ni naga'chi di' nga deque bizaaca ti guenda riguidxi ladxido' tindaa de israel, dede dxi chu' ca ni cadi judiu. ²⁶ Saca interu Israel zalá, casi ca maca gucua: "DEDE ZION ZEEDA TI NI GULÁ, LAABE SABEEBE GUENDA QUE RUNI CRE' DE JACOB. ²⁷ NE NDI NGA GUENDA RUTAGU DIDXA XTINE NE LAACABE, ORA NAA GAXHA CA GUENDA RUCHE' XT CABE." ²⁸ Ti neeza la? pur xtidxa Diuxhi, laacabe nacacabe ni ruca lu laanu guuni laatu. Peru pur xti neza la?, pur guenda ribíi xti Diuxhi, laacabe naca cabe ni nadxi Diuxhi pur ca bixhoze goola cabe. ²⁹ Pue ca ni ruzigade Diuxhi ne guenda ribidxi xti Diuxhi que rixhia ca'. ³⁰ Pue saca casi ca laatu dxique' guca tu ni que ruzuuba didxa xti Diuxhi, peru yana ma gucua tu guenda ría' pur guenda que runa xtitu. ³¹ Sacaca yana ca Judiu di' laaca ma guca ca ni que ruzuuba didxa. Ni beda gudii ndi la? guca ni pur guenda ría' ni bilui' be laatu, laatu yana laaca ricaa tu guenda ría'. ³² Pue Diuxhi bizeguyo' guira' lu guenda que ruzuuba didxa, ti ma ganda gului' be guenda ria' de guira. ³³ ¡Oh, guete xti ca ni rizaca xti guenda nu xpiani, ne guenda runibia' xti Diuxhi! pabia' guete nga ca juiciu xtibe, ne ca neza xtibe jmá zitu de guidxela cabe! ³⁴ ¿Purti tu laa ma binibia' guendabiani xti xhaiquenu? ¿o tu laa ma guca ni rudi conseju laabe? ³⁵ ¿ O TU LAA BIDII XHIIXHA DIUXHI NIRU, PARA GUDXIGUETABENI LAA?" ³⁶ Ti purti de laabe, ne pur laabe, ne para laabe nga naca guira xhixhe. Para laabe gaca guira guenda rusisaca de guira dxi. Saca gacani.