¹ Ra que ru viya' ti iba' nacubi ne ti guidxilayu nacubi, ti purti nirudo' iba'a ne nirudo' guidxilu que gudidi, ne nisa do'o que ma que ñuu ru'. ² viya guidxi nandxo' xti Diuxi, ti Jerusalén nacubi, ni cayete de ibaa xti diuxi, zuchahui casi ti unna ni chi ichagana'. ³ binadiaga ti ridxi naroba dede ra ribii Diuxi canni: "¡laguya! ra chindeza Diuxi nuni lade ca binni guidxilayu ne labe zabeza nebe la'aca. lacabe zacacabe xquidxi be' ne laca Diuxi ziunecalabe ne zacabe Diuxi xtica. ⁴ La'abe zuchabe' ira niza ni Ganda luca' ne raca ma que siu di enda guti, enda gundu', ne enda runa'a ne yuba'. ira cani ma gudidi ma bisanani de aca ni. ⁵ Ni laa zuba lu ra ribi Diuxi gunni: "¡Laguya! mabine guira xixe nacubi." Labe na'abe: " lauca' ca didxa di purti lacani que ruziguidicani ne dxandi cani." ⁶ Labe' gudxibena': "¡Ca ndi la? ma uca cani'! naa nga Alfa ne Omega, ni ruzulu ne ni riluxe. Ni laa' cayati nisa, naa zudie laa ni guee ne qui zuquixedia gaxti ra rindani nisa de guendanabani'. ⁷ Ni laa quiiñe sanda icaa ca ndi, ne naa zaaca' Diuxi xtica ne laa zaaca xiñe'e. ⁸ peru ca ni ridxibi, ni la'a huaxie gueda runi cre' naapa, ni laa' ruche xtale,ca ni ruti, caani riune tuticasi, cani runi brujeria, cani rusisaca bido ne ca caani ruzi guií, luxcartu nga zaca ndani guigu cayaqui ne azufre. nganga iropa guenda guti.'' ⁹ tobi de lu gadxe angel veda ranua, ni la'a canaca' gadxe riga' dxatipa ra siluxe xcadxe endanana' ne nabe': "La ta' rari'. Na zulue latu ni rudxela, ne xhela dendxu que." ¹⁰ Ora que uyua'be naa lu Espiritu ne yene naa lu ti dani' naroba ne naso' ne biluibena' guidxi nandxo, Jerusalén, zedayete de iba'a xti Diuxi. ¹¹ Jerusalén napa enda nandxo xti Diuxi ne ca bianni xti la'a nacani casi ti guie iza sicarú, casi ti guie naxiña nayaguie. ¹² Napani ti linda' naroba ne naso ne napani chi'i ne chupa puerta yo'o, ne chi'i ne chupa' angel ra puerta yo'o que. Ra puerta yo'o que ca ra que ca lá ca xiñi ca chi'i ne chupa ni zaa de Israel. ¹³ Neza ra rindani ubidxa nu chona' puerta yo'o, ne za'a guete nu chona puerta yo'o, ladu guia' nu chona puerta yo'o, ne ladu riazi ubidxa nu chona puerta yo'o. ¹⁴ Ca linda' xti ca guidxi napani chii ne chupa' guie nua'ni, ne luni nu'u chii ne chupa lá xtu chii ne chupa apostol xti dendxu que'. ¹⁵ Ni gunine naa canaca ti nda' yaga ni rugubia uyaneni guie guchi risaca para cubiabe guidxi que, ca puerta yo'o que, ne ca linda' que ¹⁶ Guidxi que urini lu ti layu napa tapa uria; siuula ni que biaca de xhilaga ni. Labe gulubiabe guidxi que ne tinda yaga xtibe ni rugubia' neebe, chii ne chupa bixiapa de ziula ni (siuula, xilaga' ne naso'o ni la? nguecani'). ¹⁷ La be laca gulubiabe ca linda' xti, ti gayua chupa late gande ne tapa de nanande bia' riguu bia' hombre (saquecarugu bia' ca angel). ¹⁸ Linda' ni cayacaque de guie naxiña ne guidxi de guie naguchi nirisaca,nayani casi ti espeju. ¹⁹ Ca guie nua' xti ca linda' ca zuchahui cani' ne de ira lu'u de guie zicaru'. Nirudo' ca ti guie jaspe, iropa ca' ti guie safiro, guiona ca ágata, idapa ca esmeralda, ²⁰ de lu gayu ti ónice, lu xhopa ca sardio, lu gadxe ti crisólito, lu xhono ti berilio, lu ga'a que ti topacio, lu chii que crisopraso, lu chii ne tobi ca jacinto, lu chiine chupa ti amatista ²¹ ca chii ne chupa puerta yo'o naca cani de guie ni risaca, ira xixeni guya' cani de tobi si guie risaca. ca neza xti guidxi que nacacani casi ti guie naguchi ni risaca ni naya', casi ti ni sanda guyu ni nuu xti ladu. ²² Na que ñuyadia yudu ndani guidxique' ti purti Diuxi ni nandxo, ne dendxu que naca' ca yudu' xticabe' ²³ Ca guidxi ca cadi caquiñe di cabe' de bianni xti ubidxa o helabeu' para uzani ra nuuni ti purti enda nandxo xti Diuxi ma bizani ranuni, ne Dendxu que nga ti bianni. ²⁴ ca guidxi zazaca lu bianni xti guidxi ca. ca xaique xti guidxilayu zedane guenda ruzaani xti ca ra nuuni. ²⁵ ca puerta xtibe que zadegudini guidubi dxi ne racala que riabadi huaxini. ²⁶ Laacabe' zedanecabe enda hruzaani ne guenda rudxibaluná xti ca guidxiro'o ranuni, ²⁷ ne que ziudi gaxti ni nabidi ndanini'. ninca cani guni ni que iquiñe o ni cadi cabeezabe de laa, peru ca ngasi ni lá cá lu guichi de guendanabani xti dendxu.