¹ oraque biiya' ti angel zedayete de guiba'. Napabe guiiba' ruxhelene xti' guelacahui guiza' guete' ni que riluxe ne naazebe ti doo guiba' lu nabe. ² Angel que gunazebe maningola que, beenda' ro'que, ni naca binnidxaba' ne bindiibibe laa bia' ti guixhiapa. ³ bisababe binnidxaba' que ndaani' dxa guelacahui que riluxeque, ne biceegube raque. Zaque gucani ti ma que guibiguetaru' gusiguiibe ne quitebe ca guidxique de ra tidi bia' ti guixhiapa iza. Ra ma gudi'di' ti guixhiapa iza ca la, zundaacabe laabe. ⁴ Ora que biiya' xtale bangu' nandxo'. lu cani zuba ca ni gudxibe zanda guini' tunga bi'ni' xneza ne tunga co'. Zaqueca biiya' ca ni guxhacabe yanni runi ca diidxa' ni biseenda Diuxi ne runi ca diidxa' xti' Diuxi. Laacabe que nusisacadicabe mani ngola que ne que ninadicabe nicacabe duuba' xtime lucuacabe ninca lu nacabe. Laacabe biguetacabe lu guendanabani ne gucacabe xa ique ne Cristu bia' ti guixhiapa iza. ^{5 6} Ca xcaadxi gue'tu' que ñeedadicabe ra nuu guendanabani de ra que nidi'di' ti guixhiapa iza que. Ndi' nga nirudo' ra chiguiasacabe lade gue'tu'. Chu ndaaya' ne gaca nandxo' cani guibani lu nirudo' guendariasa lade ca gue'tuca. .Guendaguti ma que zandadi' guni laacabe gaxti'. Laacabe zacacabe sacerdote xti diuxi ne xti'' cristu ne zapabe guenda raca xa ique xtibe bia' ti guixhiapa iza. ^{7 8} Ora gueedaguiluxe ti guixhiapa iza que la?, zaree binnidxaba'de ra dagu yoo. Laabe ziebe zichitebe ne zigusiguiibe guirá'guidxi nuu ndaani' guidxilayú. - Gog Magog- ti gueedanebe laaca lu guendaridinde chichuu. Laacabe zacacabe xtale casi yuxi nisado'. ⁹ Guyecabe guidxilayú ne guluule'cabe ca layú xti'ca xpinni Diuxi, ra nuu guidxi ni nadxii Diuxi. Biete huaxa bele de guibá' ne bixuuxe laacabe. ¹⁰ Binnidxaba' ni gudxite laacabe que la?, guluu bi cabe laa ndaani' bele, ra bilaacabe mani ngola que ne dxa profeta ni cadi dxandi' que. Raque ziuucabe zadi'dicabe yuuba' naro' dxi ne gueela' guiraxixe dxi ne ma que ziuudi'dxi guireecabe raque. ¹¹ Oraque biiya'ti bangu' nandxo'ne ni zuba luni. Guidxilayú ne guiba' bixaleca de raqué, xisi raque gaxtidi' ra nireecani. Biyya'ca ni ma guti- cani naca tuuxa ne ca ni naca gaxti- zuhuacaabe ra nuu bangu' nandxo'que, ¹² ne bixale ca gui'chi' que. Raque bixale xti'guichi' -gui'chi' guendanabani. Ca ni ma gutique biiyacabe xi bi'nica xneza ne ca guendaruchee xtica' ni gucuá lu ca gui'chi' que. ¹³ niza'doca bixhi gueta cani guti ndani. Enda guti ne gabia bidxi gueta cani nu ndani ni neca ni ma guti que bizu huacabe ne biyacabe xi ira bi'nni cabe. ¹⁴ genda guti ne gabia gulacani ndani guigu de bele. ndinga iropa genda guti- gigu de gui. ¹⁵ ne palaa tobi queni dxela lu guichi de enda nabani, laabe zalabe ndani gigu de bele.