¹ Tobi de ca gadxe angel ni gunaaze ca gadxe xhiga que' beeda ne gudxi naa: "Gudaa ne naa chi guluee lii guendariabaná xti xha narooba gunna sacasí que' ni suuba lu xtale nisa, ² Laabe nga ni ca rey xti guidxilayu' guyú nee ca ne biini ca ni que iquiiñe. Ne vinu xtibe de guenda que iquiiñe xti ca ni nabani ndani guidxilayu guxhudxi ca'." ³ Oraque' ti angel guyua' naa lu Espiritu lu ti layu' gaxti hrindani ne naa biiya ti gunna suuba lu ti mani nashiñaa'yaase naase de lá didxaguidxa. mani' que napa gadxhe ique ne chii cachu. ⁴ Gunna que nacu laari nagú ne nashiñaa'yaase, ne nuzuchahui ne oro, guie' sicaru ne lúbichu'. Laa naase lu ná ti xhiga naguchi hruzaani dxa tipa de ni guiruti racaladxi ne ni namucu de ca guenda que iquiiñe ra riu ne xtobi. ⁵ Lucuabe cá ti lá ni napa ti ni riní naga'chi: "BABILONIA NI NARÓBA, JÑAA GUIRA GUNA SACASI NE DE GUIRA COSA NADXABA NDANI GUIDXILAYU'." ⁶ Naa biiya gunna que naxhudxi ne hrini xti ca ni ma bini cre' ne de hrini xti ca ni guti ca pur Jesus. Ora naa biiya laabe, naa iza' cadxagaya. ⁷ Peru Angel que gudxi naa: "xhi jñe cadxagayaalu? naa chi guziene lii xhinga hrini guna di' ne de maní ni nua' laabe di', maní ni napa gadxe ique ne chii cachu di'. ⁸ Maní ni lii biiyalu nuu que, ma cadi nuu di me yana, peru ma yaca quiibame dede jmá xhaguete, de ra xhaguete ne nacahui ni que riluxhe. oraca zieme neza ra chiginitilú me. Ca ni nabani ndani guidxilayu, ca ni lá ca caaru di' guica lu gui'chi liibi lisa' xti guenda nabani dede dxi guya' guidxilayu'- laacabe sadxagaya cabe ora gúya cabe maní ni guyú que, ma que guíni yana, peru ma gueeda. ⁹ Ndi cucaaridxi ndi ti guendabiani ni nuu xpiani. Ca gadxe ique que' naca cani gadxe dani, ni suuba gunna que' lú ca. ¹⁰ Laacabe nga gadxe Rey. Gaayu reyma ma biaba ca', tobi ca nuu ru' ne xtobi ca caaru di' gueeda; dxi laabe gueeda be, laabe sanda guiuube caadxi si. ¹¹ Mani ni guyuu, peru yana ma que guiini di que', nacabe ngueca ne ra xhono rey que'; Peru laabe nacabe tobi de ca gadxe rey que ne laabe zeebe lu guenda rinitilú. ¹² Ca chii cachu ni lii biiyalu que la? naca cani chii rey ni caaru guicaca ra guni mandar ca, peru laaca sacáca ti guenda casi rey pur ti xhigaba si cue' mani que'. ¹³ Laacabe tobi si xpiani cabe, ne rudi cabe xtipa, ne guenda runi mandar xti cabe maní que'. ¹⁴ Laacabe suni cabe ti guendaridxelaza lugia dendxu que'. Peru dendxu que saguiñe laacabe ti purti laabe nga xhaique xti ca xhaique ne Rey xti ca rey - ne nuu nee laabe ca ni gucua ridxi, ca ni bibii, ne ca ni que nuche'." ¹⁵ Angel que gudxi naa: "Ca nisa ni biiya lu que', ra suuba xha gunna sacasi que la?, naca ni guidxi, xtale binni, Guidxiro' ne didxa. ¹⁶ Ca chii cachu ni lii biiya lu que la? -Laacabe ne mani' que sacananaladxi cabe gunna sacasi que'. Laaca sabaana ca guira ni napa be ne susaana ca laabe xhie ladi be, laaca susuxhe ca xpelabe, ne laaca suzaaqui ca laabe guidubi naca be lu gui'. ¹⁷ Pue Diuxhi gula'qui ni ndani ladxido' cabe gudii cabe xtipa xti cabe mani' que dede dxi xtidxa diuxhi guizaaca, ne ra guni cabe ndi la? cayuni cabe ni racaladxi Diuxhi. ¹⁸ Gunna ni biiya lu que la? nacani Guidxi naroobani runi mandar luguia ca rey xti guidxilayu'.