¹ Ora que biiya ti mani sedare ndaani nisa do'. Napame chii cachu ne gadxe iqueme. lu ca xcachume nuu chii la'pa' ne lu ca iqueme ca cadxi lá ni naca didxaguidxa para Diuxi. ² Mani ni biiya di' nacame casi ti beedxe'. Ñeeme naca casi ñee ti oso ne ruaame casi ruaa ti lion. Dragon que biddi xtipa xti laame, ne xpangu ra runi mandar, ne naro'ba endaruni mandar xti' para gacame xaique ni guni mandar. ³ Tobi de ca ique mani qué rului' biiticabe laa. Peru ra biruugume para ñatime qué bianda ní ne guidubi naca guidxilayú bidxagayaa ne yenandacabe mani qué. ⁴ Ne saqueca laacabe bisizacacabe dragón qué, purti laame bidiime xtipa xtime mani qué.Ne zaqueca laacabe bisizacacabe mani que, ne sini' cabe: "¿Tu naca casi mani di'?" ne ¿Tu laa sanda tindene laame?". ⁵ Ne mani que bidii cabe guini'me diidxa para gucháme xquendanaro'me ne cuu dí me. Ne bidii cabe gunime mandar pur chona iza aronda'. ⁶ Lu ca iza di', mani qué bixale ruaa para guini'me ne cuu dí me Diuxi, cuguu dí me lá be, ra naca lidxi be ne ca ni nacalidxi iba'. ⁷ Mani que bidii cabe lugar giasame ne tindeneme ca ni runi cre ne quiñeme laaca. Zaqueca, hucuaame lugar guni mandarme cada guidxi huiini, binni, ira xixe diidxa, ne ca guidxi ro'. ⁸ Ira ni nacalidxi ndaani guidxilayú susizaca laame, ira ni ca'ru icá lá, de dxi guya' guidxilayú, lu libru xti guendanabáni,ni naca xti dendxu huiini qué, ni gudixe cabe para gati'. ⁹ Pa tuuxa napa diaga, lagudii gucaa diaga. ¹⁰ Pa tuuxa chine cabe laa para idaguyoo, zie para idaguyoo. Pa tuuxa nexe gati' ne espada la? ne ti espada laabe sati be. Rari caca ridxi para qué iluxe enda ribesa ne guenda runi cre xti ca ni ma bia ladxido'. ¹¹ Oraque biiya xti mani' seda ree layú. Napame chupa cachu casi ti dendxu ne rinime casi ti dragón. ¹² Mani di' laca runime mandar purti niru mani que bidii lame gunime mandar neza lú ne bi'nime que guidxilayú ne ca ni nacalidxi ndaani ni, gusizacaca niru mani qué- ni ma bianda ra biruugu para ñati qué. ¹³ Mani qué cayúnime naro'ba enda ridxagayaa, zaqueca cuzabame guí de iba' ndaani guidxilayu neza lú ca binni. ¹⁴ Pur ca señal ni bidii cabe zanda gúnime, laame gudxiteme ca ni nabani ndaani guidxilayú, ra cayabime laaca gúni ca ti estatua xti mani' ni biruugu ne espada qué, peru mani qué nabaniru me. ¹⁵ Ne mani di' bidii cabe gudiime bi de guendanabani xa estatua xti mani qué ti ma ganda guini' estatua qué ne guni de que gati' ira' ca ni que na gusizaca mani qué. ¹⁶ Zaqueca bicaame guira xixé ca ni gaxti naca, ca ni napa ti guenda, ca ni napa bidxichi, ne ca ni que gapa bidxichi, ca ni cadi ca yaga ne ca ni daguyoo, para icá ca marca lu ndiga ná ca' o lucua ca'. ¹⁷ Ne guiruti sanda zi' o gutoo pa cadi napa marca xti mani qué, nga nga, numeru ni rului tu lá me. ¹⁸ Ndi caní ne enda nuu xpiaani. Pa nuu tu laa naya'ni xpiaani ne riene, lagudii laabe cuu bia' be numeru xti mani ca'. Purti numeru di la? xti binni ní. Numeru xti me nga 666.