¹ Yana ca dxi que, ca discipulu zi guidale ca, ne beda guire ti queja xti ca Grecu-Judiu luguia ca Hebreu, ti purti ca guna que gapa xheela xtii cabe cadi cazaladxi cabe laaca ra riguiizicabe guendaro' guira dxi ² Ca chii ne chupa gulidxi ca xtale binni que ne ná ca: "cadi jneza di guzaanadu xtidxa Diuxhi para guzua'du guendaro lu mexha. ³ Nga runi laatu naquiiñe cuii tu, biche'ca, gadxhe hombre laadetu, hombre ni guyatu rini' cabe jneza de laaca, dxa tipa ca de Espiritu ne de guenda nuu xpiani, ni laadu zanda guzaanadu para guuya'ca ca ndi. ⁴ Ne laanu la? chi guini'ne nu Diuxhi casi ca maca cayuninu ne lu ca xiiña xtiidxa Diuxhi." ⁵ Guyu ladxi guira binni que ni guni'be que. Ngue runi gulii cabe Estevan, Tobi hombre dxa tipa de guenda runi cre' nde de Espiritu Santu, ne felipe ti Procoro, Nicanor, Timón, Parmenas, Nicolás, ti Proselito de Antioquia. ⁶ Ca ni ma runi cre' bedane' cabe ca hombre di ra nu ca discipulu, laaca guni' ne ca Diuxhi ne gulaqui na ca luguia' cabe ⁷ Ngue runi xtiidxa Diuxhi birooba; ne bidale ca dixcipulu xtale pe' ndani Jerusalen; Ne xtale de ca sacerdote biina ca guenda runi cre' xti Diuxhi. ⁸ Yana Esteban, dxa tipa de guenda nachaui ne guenda nandxo', cayuni xtale guenda ridxagaya, ne seña lade binni. ⁹ Huaxa biasa cadi binni ni naca ca de ndani yu'du huiini ni laa yu'du huiini xti ca ni gucua guenda rila', de ca Cireneo ne ca Alejandrinu, Cadxi de Cilicia ne Asia. Ca binni di' cuchaga cadinde didxa ca ne Esteban. ¹⁰ Huaxha laacabe que ñanda ñasa cabe lugui guenda nu' xpiani ne Espiritu ni Estab cani'ne que'. ¹¹ Oraque' laacabe naga'chi bicudxi cabe cadxi hombre para guini' ca: "Laadu binadiagadu Estevan guni' didxa para guca' lu Moises ne Diuxhi." ¹² Laacabe bica cabe guidxi que', ne ca binnigola ne ca escriba, ne laacabe bica' lu cabe Esteban, gunaaze cabe laa ne yene' cabe laa ra nu guendalisaa xti ca xhaique yudu. ¹³ Laacabe bedane cabe cadxi ni usiguii, ni guni' ca: "Hombre di cadi cuzaana de guini' para guca' lu ra nandxo' di ne ley. ¹⁴ Ti purti ma binadiaga du laabe de que Jesus di' suxhia rari' ne suchaa be Ca modo bisaana moises." ¹⁵ Guira' ca ni guri ra lu guendalisaa xti xhaique xti ca Judiu que gulaqui lú ca luguiabe ne biiya ca de que lú be naca ni casi lu ti angel.