1
Xaique ca sacerdote guni': ñee dxandi' nga ca ni cani'cabe ca la?
2
Bicabica Esteban laabe sicari': bicheca' he bixhoze ca, lagucaadiaga naa, Diuxi ni nandxo' la? laabe nga bireebe lú bixhozenu Abraham dxi nuu ndaani' guidxi Mesopotamia, ra laabe ca'ru' chindezadibe ndaani' guidxi Harán,
3
Ne gudxi Diuxi laabe: BISAANA GUIDXIDI' NE CA BINNILIDXILU' NE GUYÉ NDAANI' GUIDXI NI CHIGULUE' LII.
4
Raque bireebe ndaani' guidxi xti' ca Caldeu ne yendezabe ndaani' guidxi Harán, dede raque, ra ma gudi'disi guti bixhozebe la? beedane Diuxi laabe ndaani' guidxiri', ra laatu nabezatu nagasidi'.
5
Gaxtidi' que lica nusananebe laa, nin ti ndaa huaxa ra nuzuhuaa ñee. Peru labe bidibe xtidxa be, ZUDIBE LAA GUIDXI DI GACAXTI PARA LABE NE CA XHIIÑI BE NI ZEDA DE LABE, neca Abraham caru gapa xhiiñi.
6
Diuxi guni'ne laabe sicari': CHINDEZA CA XIIÑIBE XIDXIHUIINI'; NDAANI' TI GUIDXI ZITU, NE CA BINNI NABEZA NDAANI' GUIDXIQUE LA? ZUXHII LAACABE NE ZUNINÁ LAACABE TAPA GAYUAA IZA'.
7
NE NAA ZABAQUE DONDA IQUE GUIDXI NI CHIGUXHII LAACABECA, ná Diuxi. NE TIDISI GUIRÁ NDI' LA? ZAREECABE NE SUSISACACABE NAA RARI'.
8
Ne laabe bidiibe xtiidxabe Abraham guiruugu' ti ndaa de laacabe, ne zaca Abraham beedagaca bixhoze Isaac ne bigabe ti ndaa de laa gudi'di'si xhono gubidxa ra laa ma guule, Isaac la? beedagaca bixhoze Jacob, ne Jacob beedagaca bixhoze chii ne chupa badunguiiu ni beedagaca ca bixhozegolanu.
9
Ne ca xhaique que guyu ti guenda ridxichi ladxidocabe ne Jose, ne bitó ca labe gudxi Egipto ne Diuxi guyune laabe,
10
ne bilá labe lu guirá guendanana' xtibe, ne bidí bela ti guenda nachaui ne ti guenda nu xpiani ra lu Faraón, xhaique guidxi Egipto. Faraón ora que biní labe xhaique guidxi Egipto ne guidubi lidxí.
11
Ya nala beda ti gubiña guidubi naca Egipto ne Canaán ne ti guenda nanaa ne ca bixhozenu que nidxela ca guenda roo.
12
Peru ora Jacob guyudiaga de que ndani guidxi Egipto nu trigo, labe bizendabe ca bixhoze golanu nirudoo.
13
ra guiropa tiru Jose bilui be laca labe ca bichibe; ne bini lidxi Jose guca bia Faraón laca.
14
Jose bizendabe ca bichibe guibiguetaca ti chitidxica Jacob bixhosecabe ti gueeda Egipto, ne guirá ca binii lidxibe, chona late gande nu chi ne gallu bizacabe.
15
Nga runi Jacob bietebe egipto; ne deraque gutibe labe ne ca bixhoze golanu.
16
Yenecabe laca Siquem ne yeigachicabe ndani ba' ni guzi Abraham lu ca xhiñii Hamor ndani Siquem.
17
Laga seda guidxiña dxi gaca ni na Diuxi bisanane Abraham, guidxi que caroba ne ca dale ndani Egipto,
18
dede ra biasa xti xhaique ni guni mandar Egipto, ti xhaique ni que runubia gasti de Jose.
19
Laca xhaique queca laa gudxite xquidxinu ne binina cani sedadu de laca ne izaa' de nana, ti gulu cabe ca xcuidi xticabe lu guenda na xhoo, laga cabezabe pa guibanica.
20
Ca dxi que Moises gule ; iza' de zicaru labe nezalu Diuxi ne biyana cabe labe chonna beu ra lidxí bixhozebe.
21
Ora ma gulecabe labe xhiñi Faraón ucua labe ne bisinisi labe casi ñaca xhiñi labe.
22
Moises bisinisi cabe labe ne bisidicabe labe de guirá ni runi ca Egipcios; ne nandxo xtidxa ne guirá ni bíni.
23
Perura labe ma yaca' gapabe chupa late gande iza', veda ndani ladxidobe chiganabe ca bichibe, ca xhinii Israel.
24
Viyabe ti Israelita cayuni nacabe la', bila' Moises labe ne biquidxe ni biini Egipcio que' ne biti be la.
25
Eabe guni iquebe que cabichibe ñeneca de que ne na be Diuxi chi gula laca, peru lacabe que ñenedicabe.
26
Xti dxi que labe guyebe ra nu cadxi Israelita laga nucabe cadinde didxa ca bela; labe gucaladxibe cuaqui dxibe laca; labe gunibe: 'señores latu bichitu' ¿xhi jñe cayuni natu laca latu?
27
Peru ni binina laca bichi laa, bilana labe ne guni,' ¿TU LA BIINI LII XHAIQUE NE NI GUYA PA' XNEZA CAYUNINU'?
28
ÑU LADXILU ÑUTILU NA LA'?, CASI BITILU EGIPCIO QUE NEGUE?'
29
Moises bicadiaga sindi la? bixhoñe; labe gucabe casi ni canaza si ndani gudxi Madián, ra beda acabe bixhoze de chupa badu xtibe.
30
Ra ma gudidi chupa late gande' iza, ti angel bire' lube ndani layu nda' xti dani Sinaí, lu ti yaga ni cayaqui.
31
Ora Moises biyabe bele que, bidxagaya be ne ni biya be,. ne laga labe zidxiñabe ti guyabe, beda ridxi xti xhaique xtinu ne guni.
32
NANGA DIUXI XTI CA BIXHOZO, DIUXI XTI ABRAHAM, ISAAC NE JACOB'. Moises gucaditi ne que niná ñuyadxi.
33
Xhaique xtinu gudxi labe: 'GUXHA CA XQUELAGUIDILU TI PURTI LI RA ZUHUALUCA LA TI LAYU IZA NANDXOO.
34
DXANDI DXANDIPE NA MA BIYA GUENDA NANA' XTI XQUIDXE NI CADIDI NDANI EGIPTO. NA JMA GUYUADIAGA GUENDA RUNA NANA' XTI CABE NE NA JMA BIETE TI JMA GULAYA LACABE ; YANALA GUDA'; NA CHIGUSENDA' LI EGIPTO.'
35
Ndinga Moises, ni latu bidxitu ora latu gudxi tu labe: '¿TU BIINI LI XHAIQUE NE NI GUYA XNEZA XTIDU? Labe nga nacabe ni Diuxi bizenda zaqueca ni guni mandar ne ni rula. diuxi bisenda labe pur naa' ti angel ni bihuini si lu yaga ni cayaqui.
36
Moises bilui lacabe xhimodo ire cabe Egipto, ne ora gudidi si de gunibe guenda ridxagaya ne ni binibe Egipto ne ndani Nisado Xhiña,ne ndani layu dede chupa late gande izaa.
37
Laca Moises nga ni guni ne gudxi guidxi Israel: 'DIUXI ZANDIZA TI PROFETA PARA LATU, LADE CA BICHITU TU, TI PROFETA CASI NA'.
38
Dinga hombre ni nu ra cayuicabe didxa ndani layu nda' ne angel ni guni ne labe ndani dani Sinaí. Dinga hombre ni guyuneca ca bixhoze golanu; dinga hombre ni gucua ca didxa nabani ti ganda gudibe cani lanu.
39
Dinga ti hombre ca ni boxhozegola nu ni que nina ca ñunaca; lacabe bixhele cabe la de laca lacabe. ne ndani ladxido cabe bibigueta cabe Egipto.
40
Ne dxique la gudxicabe Aaron: 'BINI BIDOO' PARA LADU TI JMA CHINE LADU,LADU CHUDU. NE DE MOISES LA, NI LA GULE LADU DE NDANI GUIDXI EGIPTO, QUEGANA DIDU' XHI GUCA DE LABE.'
41
Dxi que, laca be bini cabe ti yuse, ne beda' neca be ni chi gudicabe vido que, ne bieche cabe ne ni bini cabe ne naa cabe.
42
Peru Diuxi bixale de lacabe ne bidi gusisaca ca bele gui ca' guiba'; zaca casi cani lu guichi xti ca profeta: ÑE BIDI XHA TU NA MANI GUIXHI NI MA GUTY NE SACRIFICIU PUR CHUPA LATE GANDE IZA LU CA LAYU NDAA' YOO XTI ISRAEL?
43
LA TU GUCUATU YU'DU DE LARI XTI MOLOC NE BELEGUI XTI DIUXI RENFAN, NECA BIDO NI LACA LATU BIZATU PARA GUSISACATU, NE NA SINIA LATU JMA CHERICA DE BABILONIA.'
44
Ca bixhosegolanu gupacabe yudu de lari ni bisihuini dxandi nga Diuxi lu yude',casi ca Diuxini bisenda ora la gunine Moises, ni labe na'quiñe ñunibe casi ca runi xhaique xtii be ni labe biiya be.
45
Dinga yudu de lari ni ca bixhose golanu, ne laca bedanecabe ni ndani guidxi ne Josué, ndi guca dxi lacabe gucuacabe ti gunicabe ni naa'cabe guidxi ca' ni Diuxi guladxi neza lu ca bixhose golanu. nga nacani dede ca dxi xti David,
46
ni bidxela guenda nachahui neza lu Diuxi; ne labe gunababe guidxela ti ra' guiana Diuxi xti Jacob.
47
Peru Salomón biza' ti yoo' xti Diuxi.
48
Huaxhape Diuxi ni nandxoo que ribeza dibe ndani yoo' ni binicabe ne nacabe; Ndi casi na profeta que':
49
DE GUIBA NGA ZUBA NE DE GUIDXILAYU NGA RIGUIDXEÑE. XHIDE NGA YOO NI ZANDA LATU GUZATU PARA NA'? na xhaique: PARA NGA NU RA GUIZILADXE ?
50
CADI NAYA NGA BINI GUIRA' CA NDI?'
51
Latu ni runitu ni na tu' ne ni caru chutu seña xti Diuxi ndani ladxidoto' ne diagatu' latu querinatu gunitu ni na espiritu santu; latu runitu casi biini ca bixhoze golatu.
52
¿Guna de ca Profeta que nizaa' nanda ca bixhoze gola tu? Lacabe biti cabe ca Profeta cani bihuini dxi caru gueda ni runi xneza; ne yana latu ma bidxi dechetu' ne laca Latu bititu Labe.
53
Latu cani gucuatu ca ley ni ca angel gulaquica , peru latu que ñapaditu cani.
54
Yana ora ca, cani nacaca' xhaique de ndani yudu' bicadiagaca ca didxa di, laca bidxichica stale, ne cuxhidxi layaca' luguia Esteban.
55
Peru labe dxa tipabe de Espiritu santu, biya dxi' dxichibe guiba' ne biyabe guenda nandxoo xti Diuxi; ne labe biyabe Jesus zuhua ladu derechu naa' Diuxi.
56
Esteban guni: "Laguya, na cayuya guiba'ca zudxele, ne xhiñi binii guidxilayu' zuhua ladu derechu xti Diuxi."
57
Peru cani naca xhaique ndani yu'du bicaca' ridxi nadipa ne bitagudiagaca' ne bidagucabe guira cabe luguiabe'.
58
Ne lacabe gulecabe labe zitu de ndani guidxique ne bicha cabe guie' labe; ne ca ni viya' gulaquica lari ni rirendaca xha ñe' ti badu ngui la' Saulo.
59
Laga lacabe cuchacabe guie Esteban, labe bicarube ridxi xhaique xtinu ne rabibela' :"señor Jesus, ucua espiritu stine.
60
"Labe bizuxhibibe ne bicabe ridxi nadipa:" xhaique cadi icadiou guenda ruche sticabe di luguia cabe."ora labe gunibe ndi, gusibe.