¹ Ne ora yene cabe ladu de dxandi' gunadu de que guidxi' nu galahuí nisa'dó que lanii Malta. ² Ca binni de ra que bidii cabe ladu cadi si guendanachahuí ni maca rudi cabe, laca bicaguí cabe ti beele ne bichagalú cabe ladu, runi cayaba nisaguie' ne naanda ³ Ne ora Pablo bitopa tudxi' yaga' ne guluni lu belee que, ti beenda' biree yande runi guendananda que?, ne birendame lu naabe. ⁴ Ne ora ca binni de ra que biiyaca mani que laa? nanda lu nabee, guniliiza' cabe: "Hombre di de zandaca' binni ruti labe ni bilaa de ndani nisa'dó, ne neca pe bilabe lu nisa'dó que ñanadi sin nusaba ná Diuxi labeee." ⁵ Ne ora labe binibi dxa'chabe mani que luu belee que ñaca nadi. ⁶ Laca'be gulezaa cabe nicaguime o ñabame ne ñaticamee. Peru gudidisí de bindachi cabe lame xhadxi' ne biiya cabe que ñaca di gaxti ne lame, bichaa cabe ni ca iqué cabe ne guni cabe nacabe ti diuxi. ⁷ Yana ndani ti guidxi gaxha de ra que laa? nuu layú xti xhaique guidxi ni nu galahui nisa'dó, tobi hombre laa Publio. Labe bichagalube laduu ne biidibe ladu ni guiquiñedu pur chona gubidxa'. ⁸ Bixhose Publio guca guará de xhindxa' ne yuuba ndáni. Ne guyé Pablo ra nube, guni ne Diuxi, ne gulaquí ná luguiabe, ne bisianda labe. ⁹ Gudidisi ndi, ne ca xcadxi' binni guará ndani guidxi nu galahui nisa'dó que laa? laca bedabe ne laca bianda cabe. ¹⁰ Ca binni que laca bidxibaluna cabe ladu xtale. Ne ora cuguchahuidu ca xtidu para chuudu luu nisa'dó, bidicabe ladu ni caquiñeduu ¹¹ Gudiidi si chona beu la?, gudxiba du ndani ti barcu xti ca de Alejandría ni bitiidi beeu nanda ndani guidxi nuu galahui nisa'dó que, cue barcu que ca' de que lá chupa biichi cuachi. ¹² Gudidi zii de gundetedu ca xtidu ndani guidxi xti Siracusa, bianadu ra que chona dxi. ¹³ Ne biredu de raque ne yendadu ndani guidxi xti Regio. Gudidi zii ti dxi ti bii nisa bindubi ne lu chupa dxi yendadu ndani guidxi xti Puteoli. ¹⁴ Ra que bidxeladu tudxi bichidu ne gudxicabe ladu pa siguiana nedu laca'be pur gadxe dxi. Ne sicaríca yendadu Roma. ¹⁵ De ra que ca bichidu, gudidi zii de binadiaga cabe de ladu, beda cabe ra nudu de guidxi situ casi luguia' xti Apio ne xti chona taverna. Ne ora Pablo biiya ca bichi que la?, labe bidibe xquixhepe Diuxi ne gucuhua guendanadxiba lu. ¹⁶ Ne ora guyu'du ndani guidxi Roma, bidicabe lugar Pablo guibani xtubi ne chu ti dxu gapa labe. ¹⁷ Ne gudidi zii chona dxi biguini de que Pablo gulidxibe ca hombre que ni nacaca xhaique lade ca Judiu. Ne ora bixhiña cabe, labe gudxibe laca "Bicheca, neca caru gune ni nadxaba para gucalua guidxi di ne zaa xtica bixhoze golanu, bisenda cabe naa casi binni chiguidaguyoo ndani Jerusalen lu ná ca Romanu. ¹⁸ Gudidi zii de gule cabe naa didxa, laca'be gucaladxi cabe nundá cabe naa, pur ti gaxti donda luguiaya para que ñuti cabe naa ¹⁹ Peru ora ca Judiu guní ca' de ca ni nuu cabe guni cabe la?, gupa xhidé gunaba Cesar guni ne na' ni na ley, neca que gapa xhi pur cua xqueja binni xquidxe. Runi ni gunaba, ora que, na gunaba guya latu ne guinienia latu . ²⁰ Nacani runi ni Israel cayuni cree de que naa libe ne ca guiba dii. ²¹ Ngue runi lacabe gudxicabe laca: "Laduu que guacadidu guichi ni bicacabe xti Judea ni cani de li, ne nin tobi de ca bichilu beda cabe ne guni cabe o gudxi cabe xhixha nadxaba de lii. ²² Peru napadu gana gucadiagadu de li ni cani ique lu de ca binni di, pur ti runibia cabe ni pur laadu ne cucalu cabe ni guirá ladu. ²³ Gulii cabe ti dxi para que labe guininebe laca, ne beda rú ma binni ra labe nabeza'be que?. Ne labe gunibe de ndi, ne gunibe de nda runi mandar xti Diuxi. Ne labe gucaladxibe ni guitebe xpiani ca ne ni nandaca Jesús, guiropa cabe, dede ley xti Moises ne de ra ne profeta, dede siado' de ra bedanda huadxi. ²⁴ Tudxi binni bini cree ca didxa gunibe di, ne xtudxi que ñuni cree di cabe ni labe gunibe. ²⁵ Que ñanda nutagu liza'tu didxa, ne seecabe biluxhe gunisi Pablo ca didxa di: "Espiritu Santo guni neza' pur Isaias hombre ni rini xhi chigaca, ca bixhose gola tu . ²⁶ Ne labe gunibe: "GUYE RA NU CA BINNI DI NE GUNI "CUCAA DIAGASITU PUR CUCAA DIAGASITU, PERO QUE SIENEDITU; NE ORA GUYA TU QUE ZUNIBIATU ²⁷ LADXIDO CA BINNI DI MA NAGUIDXINI, MA BICADIAGATU NE GUENDANAGANA, LACA'BE MA BITEGULU CABE, PARA QUE GUIENE CABE NI LACA'BE GUYACABE, NE GUNADIAGATU NE DIAGATU, NE GUIENETU NELADXIDOTO NE GUIBIGUETATU XTI TIRU NE NAA SUZIANDA LATU" ²⁸ Peru laa gana?, de que guendarila xti Diuxi di ma yendani ra nu ca Gentil, ne laca sunadiagaca. ²⁹ Ne ora labe gunibe ca didxa di, ca Judiu seeca, laca'be cayapa cabe ti guendaridinde liza' narooba. ³⁰ Pablo bibani be chupa iza' ndani yoo caguixhebe, ne labe gucuabe guira ni seeda ra nube. ³¹ Labe canayui'be de guenda runi mandar xti Diuxi ne cusidibe de Señor Jesucristu ne guendanadxibalú. Ne guiruti tu cucueza' labe.