¹ Peru binnibia ndi: ca ultimo dxi seda guenda naná. ² Pur binni ni nadxi laca laa, ni nadxi bidxichi, ni nudxiba lu naca laca laaca, ni raca cree, ne ni que runna Diuxi, ni que rusuba xtida bixhose, ni que iquiñe, ne ca ni cadi naya ladxido. ³ Lacabe que sanaxhicabe guiriti, ni que runi luu, ni rini de li ni cadi dxandii, nin que zanda gucuezu laca la, ni ridinde, ni que ranaxhi ni dxandii. ⁴ Lacabe saguitecabe lii, ni que runna, ni rudxiba laca laa, ni rana xhi ni nu ndani guidxi layu ne cadi ni nadxi Diuxi. ⁵ Lacabe napa cabe xhimodo guia'be, peru lacabe que sulabi di cabe ni. Biduba de ca binni di'. ⁶ Pue cadxi de lacabe' naca cabe hombre ni richu ra lidxi binni ne rundasica ca guna nahuati. Ndinga ca guna ni nu ca lu guenda ruchee ne riuladxica ca ni xti guidxilayú. ⁷ Cá guna di' gatiga racaladxica guisidica, peru lacabe que sanda di gueda cabe ra nu guenda bianii ni rini ni dxandi. ⁸ Ne zaca'ca Janes ne Jambre ne Jambre biasa cabe luguia Moisés. Ne sicarí ca ni rusidi peru cadi dxandi laca siasaca luguia ni dxandii. Lacabe binni ne guenda biani ni ma gucade' ne cadi di runni cree di cabe. ⁹ Peru lacabe que sindadi cabe situ. Pur ti ca guenda que iquiñe xticabe di sahuini ca ni lu guiracabe, saca casi ca guenda que iquiñe xti guiropa hombre di'. ¹⁰ Peru li yenanda lu' ca ni biside, guenda nachahui, ni nana na guini ni cayabi cabe laa, guenda runi cree, ni cadidi guenda nagana, guenda ranaxhi, ne ribeza. ¹¹ Ne guzabinanda' cabe na, guenda naná, ne ni guca ndani Antiopia, ne Iconio ne Listra. Gupa' huantar ora zabinanda cabe naa, ne jma bire de lucaní, ti Diuxi jma bilaa naa. ¹² Guiraa ni napa gana guibani sin guenda ruche lu Cristu Jesús la? sinanda cabe laa. ¹³ Binni ni que iquiñé ne ni ruisigui ca sacaca jma que iquiñe. Lacabe rine cabe cadxi lu guenda' ruche. Ne laca laaca rine ca laaca lu guenda' ruche. ¹⁴ Ne laga li laa', bini ca ni jma bisidilu ne ni de dxandi ma bini' creelu. Li runni bialu ni de laa ma bisidilu. ¹⁵ Lii nannu de que dede dxi lii nahuini lu jma runnibialu ca didxa nandxo di'. Lacani sanda guni cani lii tobi hombre nu xpiani para gula lu ne guenda runni cree ni naca ni ne Cristu Jesús. ¹⁶ Guira ca didxa ni bica'cabe di sedani de Diuxi. Ne racane ni lu guenda runni cree xtiu, ne lu guenda ni risidi, ne lu guenda runichahui ni cadi jneza, ne ni zisidi ni jneza. ¹⁷ Ndinga para que hombre xti Diuxi ganda guni jneza, ne ma napabe guira ni chiquiñebe ti gunni nebe ni jneza.