¹ Pur ndinga, xiñee, ma suhua' chahui guenda nachahui xti ne Cristu Jesús. ² Ne guira ca ni' binadiagu de naa lade guira ca'ni biya, bisananeni ca binni ni' nachahui, ni laca zanda gusidica xcadxi binni. ³ Gudidi guenda naganna ne naa, casi ti huachu xti Cristu Jesús. ⁴ Nin ti huachu que riquiñe pa rendabe ca asuntu xti guenda' nabanni di, para que labe ganda gunibe ni racaladxi xhaique roo xti be. ⁵ Sacaca ora, pa tobi ridindebe casi ti ni ruxhoñe, labe que zandadi' icabe la'pa pa labe cadi tindebe modo na ca regla. ⁶ Naquiñe pe ni runni dxiña ra ñaa nirudo' guica tinda de ca ni ma bidxiba. ⁷ Gunda iquene xhide nga cayabe li', ti Diuxi gudi lí guienu' de guiranni. ⁸ Biete naladxi de Cristu Jesús, de ca ni zaa de David, ni laa biasa de lade guetu. ndinga modo naa gudxe latu de ca evangeliu, ⁹ Pur ndinga ni naa cayaca naya ne gundibicabe naa ne cadena casi ti gubana'. Peru xtidxa Diuxi cadi libi di ni ne cadena. ¹⁰ Pur ndinga, naa rapa huantar guira ca ndi pur ca ni ma guli Diuxi laca, ti laca ganda guila ca pur Cristu Jesús, ne guenda nachahui ni que saluxhe. ¹¹ Sanda gunni creetu didxa di:" pa gutinu ne labe la', lanu laca zabaninenu Labe. ¹² Pá lannu gapanu huantar la', laca lannu suni mandar ne labe. Pa lannu guininu que runni bianu labe la', labe laca sanibe que runni biabe lannu. ¹³ Pá lannu que gunni creenu labe la', labe zuni crebe rube lannu, purti labe que zandadi guinnibe de que querunni biabe labe." ¹⁴ Biya bisiete naladxi lacabe de ca ndi. Ne biza'niru didxa lucabe neza lu Diuxi cadi tindec didxa di' cabe. Pur ti pa gunnitu' ni laa que zacane di ni laatu gaxti. Pur ndinga nu ni cayacadee ca ni cuca' diaga ca ni'. ¹⁵ Bini ni ma jneza ti zaca ganda guidxiñalu nezalu Diuxi casi tobi ni ma gudidi casi ti ni bini dxiña sin guitui lu'. Ni siguzá jneza ca didxa ni dxandii. ¹⁶ Biya cadi guinilu didxa nayudxu, ni rine ma ne jma lu guenda ruche. ¹⁷ Ca didxa xticabe ca zarecheni casi ti gangrena. ne ladeca nu Himeneo ne Fileto. ¹⁸ Ca hombre di bixhele de ca didxa ni dxandii. Lacabe na cabe de que ora chiguiasa guetu ma guca ni. Laca'be cucuizacabe guenda runni cree xti cadxi binni. ¹⁹ Huaxhape ora, xtidxa xti Diuxi suhuadxichi riana ni'. Sacari nga gucua ni:"Ne Señor runnibia ca ni naca' xtibe," ne "Guira ca ni guinni laa Señor la naquiñe guiduba de guira xhixhe guenda ruche". ²⁰ Ndani lidxi ti ricu la? nu rii' de guiba ni rizaca. Peru saca ca nu rii de llaga ne de beñee. Cadxi para jneza ne xcadxi para cadi jneza. ²¹ Pa tobi gucha ladi ne ni cadi jneza que la?, la naca ti rii ni jneza runni. La ribaqui cabe la xti ladu, ni riquiñe ti maestru, ne jma bisuhuachahui para xtale ni chigunni. ²² Bidxoñe de ca ni rica ique ca badu nguiu. Yenanda ni jneza, guenda runni cree, guenda ranaxhi ne guenda ratadxi ladxido, ne ca ni ruca riidxi Señor ne ladxido nayaa. ²³ Peru cadi gulabidio ora guinabadidxa guidxa cabe. Ti lí nannu ca ndi rutinde. ²⁴ Ne ni runni xhiña Señor cadi naquiñe tinde cabe. Ni gunni be nga gacabe nachahui nezalu guiranni, ganna gusidi ne cueza. ²⁵ Laabe naquiñe gusidibe ne guenda nado' cani gucalu lae. Diuxi sanda ca gudi lacabe gusushibi cabe pur guenda biani ni rini ni dxandi. ²⁶ Ti lacabe ganda chu' xpiani cabe xti tiru, guirecabe de lu naa binnidxaba, ti lacabe bieguyo cabe pur laa ne bini cabe ni na.