¹ Yanna la?, naa cucaa lu guichi' para latu, ca ni nadxie', guiropa guichi' ti gucha' xquendabiani tu, ² ti ganda guietenaladxitu de ca diidxa ni guni ca ni rinni xhi chigaca ne ni bisaana Diuxi guninu, pur ca apóstol. ³ Nirú lagana, zeda ni quite latu dxi ma yaca gueda Señor. Laacabe zaguitecabe ne zunicabe ni rului' ladxi cabe. ⁴ Laacabe zani' cabe: "¿cadi naa be zedabe xti tiru la? dede dxi ca bixhozedu gutica, ca ndi zaquesi nucani, dede dxi guyaa guira ndi" ⁵ Lapecabe rusianda cabe de que iba' ne guidxilayú ma ca' nucani pur ti zaca bisenda Diuxi gacani, ⁶ ne pur ndi la?, ca binni ni bibani dxique la?, guticabe raa bila'huacabe. ⁷ Huaxa yanna la? iba' ne guidxilayú di la? ma nexhe guinitiluni ne guii. Ne ma nexhe dxi guinitulucabe ne cuidxi Diuxi cuenta laacabe. ⁸ Ndi la? que chigusiandatu tu ndi, ni nadxie' ca, que ti dxi xti Señor la? nacani casi ca ixhiapa' de izaa ne ti ixhiapa' de iza la? nacani ti dxi. ⁹ Huaxa Señor que nanénedibe guni be ni ma gunibe zunibe, casi nu tudxi ni rini de que nanénebe. Sínuque cabezabe pur latu. Labe que racaladxidibe guiniti nin tobi de latu, nga runi cabezabe guiraxixé cuisa' de lu guenda ruche' xtica. ¹⁰ Huaxa, dxi gueda Señor la? zedabe casi redaa ti gubana. Zaca ridxi ro' iba' ca'. Zacagui guirá xixé ni nu iba' ne ni nu ndani guidxilayú ne ira ni nu ndani ni la? sagüini cani. ¹¹ Dede guira'ca ndi zacaguicani ne zacadecani, ¿Xi tipu de binni napa xidé gacatu? la guibani ne guenda nandxo' ne la guni xhiña ne xpia'. ¹² La cueza dxi Diuxi gueda. Dxi ca la? iba' zacade pur guii ne cani nu luni la? zanisa ca' pur ti guiza' nanda zaca. ¹³ Peru casica labe gunibe, lanu zapanu ti iba ne ti guidxilayú nacubi, ra ziu' ni jneeza. ¹⁴ Nga runi, ni nadxie' ca, laca cabezatu ca ndi la?, laguni ni jma jneeza ti zaca ganda guidxelabe latu sin ti guenda ruche' ti zaca laca guidxiñatu labe ne ti guendaratadxi ladxido'. ¹⁵ Zaqueca, la guica guendaribeza xti Señor ti ganda guilanu, casi ca biichi nu ni nadxii nu' Pablo bica ra nuutu, ne xtale guenda biani ni gucuabe de Diuxi. ¹⁶ Pablo ri'ni' de ca ndi lu guira xixé ca gui'chi' ni bica', nu cani nagana de guienecabe. Hombre ca' cani dagu xpiani ne cadi zuhua' chahuica ruchatu ca diidxa di, casica runi tu xtudxi diidxa, laca para gacadetu. ¹⁷ Pur ndila, ni nadxie' ca', casica ma nanatu ca ndi la, la gapa laca latu ti cadi chu tu quite latu ne gunititu guenda ruzuba didxa. ¹⁸ La guiniisi lu guenda nandxo' ne lu guendabiani xti Señor ne ni bilá lanu Jesucristo. Guirá xixé guenda nandxo' gaca para labee, dede nagasi ne que ziu' dxi guiluxe. ¡Amén!