¹ Depakujinae dajita jiwi nikawa Jordán. Diosos jumeitsitsi Josue jabawelia. ² Itapeta pirre najjua cabeta nayantsicabe beje mja tomarra pebijawa, cae wirria. ³ Rajjúre pa jiwasi: "Pirre najjüa cabeta nayantsi cabe beje iboto tutuajawata Jordán jawata, jota sacerdotewi jota nuka paira tseewa jawa, pajjamuta pa kapurrare, nurre jota, pamajjitsiename. ⁴ Bajarajua kujinae, Josué junata na jüa kobe a nija kobesito beje pa peqi jiwi jua itapeta Israel wirria cae wirri bekua. ⁵ Josué jumaitsi: "matajjainre peitabarata Dioso pija kamuji Jordán tuatuajabata, pajjamü pa yotabiename cae iboto pewütakara jawata, pina pawiria jiviyo ponapona Israel javata. ⁶ Pacüenia peitoropitsijawa, nejja depakujinae nejjunto yanijowabiena de pacujinae pamatacabi ponaenane: ¿Dejjüa itajjütaruta iboto jjamú nejja? ⁷ Nejjata jumaitsitsane: Jordán mene na tsana Diosos pija kajomi pitabarata Peliweisi pejjainae jawa. Depakujinae pona pekowii Jordán, jawata, Jordán mene natsana. Mapa iboto raja Israel iboto jjumata tsane tsabijawa kajena. ⁸ Israel tomarra itsi Josué peitarobijawa, nejjata Jordán tutuajawata iboto caeituata pacuenia petujanenu jumaitsi Josué jawabelia najjua kae kobe nayantsi najjua kabesito, weitsi pacuenia Dioso Jumaitsi Josué jawabelia. Wajara pa monae iboto capona jota pamajitsiename jotapa´buetsiename. ⁹ Nejjata Josué jeba bajjua kaekobe nayantsi najjua kabesito iboto jawa tutuajata Jordán jawabelia jota petajjuta sacerdotewi kaponapona Dioso pija kajamikaeliweisi pejjanaejjawa jota pa nukaename mapa iboto taentsi ajena pamatacabi. ¹⁰ Sacerdotewi kaponapona kajomi Jordán tutuajawata ná núwena jjua dajjita petujjanenu bpetsika nuka peitorobijawa Josué jawabelia jumaitsitsi nija tomarra apokajjupaebaja, pina Moisés dajjita peitorrobijawa Josué dajjita jume kowunuta, Hiwi najjatsia nikabaria. ¹¹ Depakujinae dajjita jivi werewereka panikabi waja, kajomi petujanenü piajawa sacerdotewi nikawa peitabarrata pija tomarata jawata. ¹² Rubén wiria, Gad wiria, Manases wiria tuotuojüta kopia tuta nawajabitsouta Israel tomara weintoponaya, Moisés baja pejumeitsi kuijinae. ¹³ Pebijiwi bitsouto baja (40 mil) penabenejja baja, petujjanenu jjenebaponaya baja penabenejja Jericó wuayapjojawata. ¹⁴ Bajara pa matakabi petujjanenu Josué nasoütajuta dajjita Israel itajjutua. Bajara pamonae yeiyatane, pajuenia baja Moisés yeiyatanetsi dajjita matakabi. ¹⁵ Bajara pakuijinae petujjanenu baru kuekuejei Josué: ¹⁶ "Itorobare sacerdotewi pe koponaewi kajoni liweisi pepitsa paenejja Jordán wekua. ¹⁷ Josué itoroba pieja sacerdotewi: "pawekua pitsa pare Jordán mene." ¹⁸ Sacerdotewi petujjanenu pieja kojoniliweise pekaponponaewi tuotuojüwerena Jordán wekua pitsapa, petseqi irata nubena, Jordán mene pekowu kuenia tsajuni pakuijirtabaja akueyabi matakabi ba itsitsarukae. ¹⁹ Jiwi baja wekua pitsapa Jordán mene najua kobe kuenia matakabi pejena juometota Gilgal jawata nakopaba, Jericó wétsina. ²⁰ Pe notsi ibotonu (12) piedras Jordán ra wekua, Josué Gilgaljawata kaituoteta. ²¹ Bajara ponu Israel tomara jei: "itsa panejji pakayanigoba itsa matakabi: ¿Dejume tsi pa ibotonu? ²² Panejji pajumeitsimutsane: "maa jotaje Israel nikaba Jordan ira." ²³ Petujjanenu nieja Dioso kato tsewiepa Jordán mene, jjamu nenikabi nejjalia, bajara pakuenia pelújjanene nieja Dioso itsi cañas menes (petsobia mene), nakato tsewiepa waja nikabi nejja, ²⁴ bajara jjuota, dajjito jiwirata penubenaewi yaputaejitsia petujjanenu peasoubeje kuenia pekobe, tisipaji pajjamu petujjanenu Dioso payeyatainame dajjita matokabi jebi.