¹ K'alal k'ax spisil into, te Jesuse bajt' ta bay jech' muk'ul ja' yu'un Galilea, te sbiilinoj Te muk'ul ja' yu'un Tiberias. ² Bayal ants-winiketik la sts'aklinik bael te Jesuse, skaj te bayal señailetik yak ta spasel melel yak ta skoltayel spisil te mach'atik ayik ta chamele. ³ Te Jesuse la sk'ejbabel tebuk sok la snajk'ansba sok te nopojeletik yu'une. ⁴ (Nopol ayixa te we' waj te mayuk slevaduraile ja' te sk'in yu'un te judioetike) ⁵ K'alal te Jesus la yil bael, bayal ants-winiketik yak ta tael ta stojol, jich la yalbey te Felipee: ¿Banti ya stak' xba jmantiktel kaxlan waj te ya jkabeytik swe'ik in to?" ⁶ (Jauk me to te Jesuse jich la yal yu'un jich ya yaybey a te yot'an te Felipee, yu'un snaojixaa te bek ya spas ta patil.) ⁷ Te Felipee jich la yal: " Te ayuk lajunwinik denario-tak'in ya jmantika te waje, manchuk me xujt'nax ya jkabeytik ma tik'uk ya swe'ikaa." ⁸ Ay tul ta slajcheyebal nopojeletik, Ja' te Andres sbiile, te ja yijtsin te simon Pedroe, jich la yalbey te Jesuse: " ⁹ Ay tul ch'in kerem le' in to te yich'oj joeb ta pejch' kaxlan waj sok cha' kojt' chay, jauk me to ¿ bin ut'il ya jtsakaja melel bayalike? ¹⁰ Te Jesus jich la yal: "albeyaik jai ants-winiketik into te yakuk snajk'an sbaik koel." ( Ayix bayal wamaletik le'a.) Jich la najk'ajik koel te ants-winiketik, ay niwan jo' mil winiketik le'a. ¹¹ Jich yu'un, te Jesus la stsak te jo' pejch' kaxlan waj te k'alal laj yot'an ta yalel wokol, la yak'bey te mach'atik nakatike, janix jich la spas sok te chayetike, chikan te jich yipal la sk'an swe'ik. ¹² K'alal noj xch'ujt'ik, te Jesuse la yalbey te nopojeletik yu'une: " Tsobaik te jayeb xan xejt'lekal jil, jich me mayuk bin ya xch'aya." ¹³ Jich la xch'uunik stsobel, lajcheyeb moch jil te xejt'lekal waj te la sweike, te joeb nax ta sbabialan. ¹⁴ Jich yu'un, te winiketik, k'alal la yilik jai sena into te la spas te Jesuse jich la yalik: " Ta mero smelelil janix a te chol k'op te yakotik ta smaliyel-a te ya xtal ta balumilale. ¹⁵ Te k' alal te Jesus la sna stojol te nopol yich'el tsakel yu'un sok te ya yich' ak'el ta ajwalil. Lok' bael stukel bajt' yan buelta ta ba ay te witse. ¹⁶ Te k'alal malix a te k'nale, te nopojeletike koik bael ta ba ay te muk'ul ja'e. ¹⁷ K'alal ochik bael ta jun barca, bajt'ik ta lum capernaum ¡ jk'ixa sok te Jesus ma to be k'oem ta ba ay te nopojeletik yu'une. ¹⁸ K'ax tulan le ik'e sok te muk'ul ja'e xtal-xbajt'nax. ¹⁹ Ayniwanix joeb o wakebuk kilometro sbaelikix a, la yilik te Jesus yak ta beel ta bay sba te muk'ul ja'e k'alal la yilik te yak oxtajel bael ta ba ay te barcae, xiwik yu'un. ²⁰ Jauk me to te jesus la yalbey: "¡ jo'on! ma' xiwex" ²¹ Jich la yik'ik moel sok yot'anik ta bay te barkae. ajk'tonax a bi k'otik ta bay te lum capernaum. ²² Ta yan k'alil, te tsobol ants-winiketik te jilik ta ba ay te jech' muk'ul ja'e, la yilik te junax a te barkae sok te la yilik te ma ba mobael stukel te Jesus sok te janax bajt'ik le'a te nopojeletike. ²³ Jauk me to, ay cha'-ox jkot' barkaetik te k'otik ta bay lum tiberias, nopol ta bay la sweik kaxlan waj, k'alal la yal wokol te kajwaltike. ²⁴ K'alal te tsobol ants-winiketik la snaik stojol te Jesus sok nix te nopojeletik yu'un te ma' ba le' ayikix a, ochik bael ta barkaetik sok bajt'ik ta bay lum capernaum ba sleik te Jesuse. ²⁵ k'alal la staik ta bay jech' muk'ul ja', jich la yalbeyik: " Rabi, ¿ bin ora julat le' in to ? ²⁶ Te Jesuse jich la yal: ta smelelil ya jkalbeyex, Te jaexe ma jauk aleokix, ja' ya aleonik yu'un te la aweik kaxlan waj sok te bit'il noj ach'atik yu'un. ²⁷ Ma jauk nax ya x-at'ejex yu'un te we'lil te ya xbolobe, jauk me ya x-at'ejex ta sleel te welil te ya yak' kaxinel ta sbajt'el k'inal te ja' ya yak'beyex te nich'anile; melel te jtatik Dios ja yak'ojix te sello ta stojole. -xi" ²⁸ te ants-winiketik jich la sjojk'ibeyik: "¿ bek ya skan jpasttik yu'un yakuk xju' jku'untik ta spasel te yat'el te Diose? ²⁹ Te Jesus jich la sut: " ja in to ja' yat'el te Diose: te jaexe ch'unaik me te mach'a tikun bil tel yu'une." ³⁰ Ja' jich la sutik: "¿ Bek señail ya apas jkiltik jiche, yu,un me jich ya stak' jkiltik sok jsitik ya jch'uuntikat a bi? ¿ Bek ya apas? ³¹ Te jme'-jtatik ta namey k'inal la swe'ik te mana k'alal ayik ta jocholil k'inal, melel jich ts'ibulbil jilel: ' Te Diose la yak'bey swe' waj te koem tel ta ch'ulchane" ³² Jich la yal te Jesuse : " jich jamal ya jkalbeyex awayik, Ma jauk te Moises te la yak te waj te koem tel ta ch'ulchane. ja' te jtat te mach'a ya yak te smelelil waj te koem tel ta ch'ulchane. ³³ Melel te waj yu'un te Diose, ja' te mach'a koem tel ta ch'ulchan sok te ja' yak' kuxinel ta spamal balumilal" ³⁴ Jich la yalik: " kajwal, spisiluk me ora awak'botik jai waj bi" ³⁵ La yal te Jesuse :" jo'on te waj te ya yak' Kuxinel; te mach'a ya xtal ta jtojole mayuk bin ora ya yay winal, sok te me la xch'uunone mayulk bin ora ya yay takin ti'il, ³⁶ Ya jkalbeyex ta smelelil, la awilonikix jauk me to ma ach'uunik. ³⁷ Spisil te beluk ya yak'bon te jtate ya me xtal ta jtojol, te mach'a ya xtal ta jtojole ma ba ya jbaj. ³⁸ Te jo'one koon tel ta bay ch'ulchan, ma yu'un ja'tal jpas te bek sk'an jkot'ane, ja tal jpas te beluk ya sk'an yot'an te mach'a la stikunon koel-tele. ³⁹ Jich yu'un te mach'a stikunojon tel koele, ja' sk'anjel yot'an te manchuk ya xch'ayik te mach'a yak'ojbonixe sok te jauk ya jch'a kuses ta slajibal k'aal. ⁴⁰ Ja in to ja' sk'anjel yot'an te jtate, te mach'a ya yil te nich'anil sok te ya xch'uune, ya me sta skuximel sbajt'el kinal sok ya me jcha jkuses ta slajibal k'aal." ⁴¹ Jich te judioetik kajik ta muken k'op te bistuuk te jesus la yal te " ja te waj te koem tel ta ch'ulchane" ⁴² La sjojkibel sbaik: ¿ jai Jesus in to, ma ba jauk xnich'an te Jose te jnaojbeytik sba sok nix te ya jnabeytik sba te sme'e? ¿ btil aya te jich ya yal te ' ja koem tel ta ch'ulchane"? ⁴³ Te Jesus la yal: " komanikix ta muken k'op. ⁴⁴ Mayuk mach'a ya stak' xtal ta jtojol te me ma jauk ya yik' tel te jtat te tikunbilon tel yu'unne sok ya me jcha'kuxes tel ta slajibal k'aal. ⁴⁵ Tsibubil jilel yu'un te chol k'opetik: " spisilik ya me yich'ix p'ijubtesel yu'un te Diose" spisil te mach'a ya yaybeyik stojo sk'op te jtate sok teme la snop le'a, ya me xtal ta jtojol. ⁴⁶ Mayuk mach'a yiloj te jtate, jo'onax jkiloj jtukel te bit'il le' talemonaa. ⁴⁷ Ta smelelil ya jkal, te mach'a ya xch'uune. ay me skuxinel sbajt'el kinal. ⁴⁸ Jo'on te waj yu'un te kuxinele. ⁴⁹ Te ame' tatik la sweik te mama ta bay jocholil k'inal, jauk me to lajik bael. ⁵⁰ Ja in to ja' waj te koem tel ta ch'ulchan, te mach'a ya swe'e, ma ba ya xlaj. ⁵¹ Jo'on te waj te kuxul te koem tel ta ch'ulchan. Te mach'a ya swe' jai waj in to, sbajt'el k'inal ya xkuxin. te waj te ya jkabeyex, ja' te jbak'etale, te ya jkak' ta swenta te ayuk kuxinel ta balumilal" ⁵² Te judiotik ilinik yu'un sok tu'an jajch'ik ta k'op yu'un, jich la yalik:" ¿ Bitil ya yak'botik jwe'tik te Sbak'etal jai winik in to ? ⁵³ Te Jesuse jich la yalbey yayik: " jamal ya jkalbeyex, te me ma ba la alajinik te sbak'etal te nich'anile sok te me ma ba la awuch'beyik te xch'ichele, te jaexe ma ba ya x kuximex. ⁵⁴ Te mach'a ya swe' te jbak'etale sok te ya yuch' te jch'ichele, ay me skuxinelik sbajt'el k'inal : sok ya me jcha'kuses ta slajibal k'aal. ⁵⁵ Melel te jbak'etale ja lekil we'lil stukel. sok te jch'ich'ele ja lekil uch'balil. ⁵⁶ Te mach'a ya swe'bon te jbak'etale sok te me la yuch'bon te ch'ich'ele, k'axelayix ta jtojol sok k'axel ayonix ta jkot'an uuk. ⁵⁷ Jich te bit'il te jtat te ya yak' kuxinel, te la stikunom tel koel sok te bit'il kuxulon ta swenta te jtate; janix me jich uuk te mach'a ya swe'bon te jbak'etale, janix me jich ya xkuxin ta jwenta. ⁵⁸ Ja in to ja waj te koem tel ta ch'ulchan, ma jichuc te bit'il la swe'ik te ja atatik ta namey sok te lajikix bael. Te mach'a ya slajin jai waj in to ya xkuxin sbajt'el k'inal" ⁵⁹ Jich la yal ta p'ijubteswanej te Jesus ta bay sinagoga te ay ta lum capernaum. ⁶⁰ Tsobol te nopojeletik te k'alal la yayik stojol in to, Jich la yalik: " chujk'ul ta snopel te sk'ope; ¿ Mach'a k'an k'otuk yot'an? ⁶¹ Te Jesus la sna' stojol te muken k'op ayik te nopojeletik yu'une, te Jesuse jich la sjok'ibey yaiy: '¿ yu'un bal amen ya xk'ot ta awot'anik spisil in to ? ⁶² ¿ jaxan te me la awilik ya xmo bael te nich'anil ta ba ay ta neelal to ? ⁶³ Ja' te Espiritu te mach'a ya yak kuxinel¡ mayuk bek ya xju' yu'un stukel te ⁶⁴ Jauk me to, ay chaoxtulex te ma ba ya ach'uunik" Melel te Jesus ta xjachibalto sna'ojixa te mach'atik ma xch'uunik sok te mach'a ya x-ak'ot ta k'abal yu'une. ⁶⁵ Jich la yal: "ja swentail te la jkalbeyex te mayuk mach'a ya xtal tu'uk ta jtojol jamax te me ja' la yak'tel te jtate. ⁶⁶ Ja' swentail in to te bayal nopojeletik ma ba la st'unik xan bael te Jesuse. ⁶⁷ Jich yu'un te Jesuse Jich la yalbey te lajchaytule: " ya bal sujt'ex bael uuk te ja'exe ? ⁶⁸ Te Simon Pedro jich la sut: " kajwal, ¿ Mach'a xan ya xbotik ta stojol? Melel ja'at nax awich'oj te k'op te ya yak' kuxinel sbajt'el kinal. ⁶⁹ Te jo'otike xch'uunej jkot'antik sok jnaojtik te ja'al te chultes-bilat yu'un te Diose" ⁷⁰ Te Jesus la yal: ¿ Bit'il aya te ay tul abat yu'un Pukuj ta awolilik axa jo'onix la jtsaex kaye"? ⁷¹ Ja' yak ta yalbel sk'op'al te Judas, Te snich'an Simon Iscariote, mele ja' tul ta slajchaytulul te ja' ya yak' ta k'abal te Jesuse.