¹ Ta patilal te k'alal pastaj spisil ito te Jesuse bajt' Ta lum Galilea jauk meto ma sk'an xbajt' ta Judea yu'un yak ta maliel yu'un te Judioetik yu'un ya ska'an smilik. ² Jauk me to te k'in yu'un te Judioetik, te ja' te Taberna'culoetik, nopolix yorail. ³ Jich nixu'uk te sbankintak jich albot yu'un : "lok'am bael le'ito ba'an ta lum yu'un Judea , Yu'un jich te napojeletik awu'une jichnix ya stak' yilik te beluk ya xu awun spasel. ⁴ Mayuk mach'a muken ya pa te ma ya sk'an yak' sba nael stojol ta jamalale. te me la pa spisil ito, ak'aba ta ilel ta stojel te balumilale. ⁵ Yu'un te sbaniltake ma ba xch'unejiku'uk ⁶ Jauk meto , te Jeus jich la yalbey: " Ma to xk'ot te jkoraile, yan te jaexe chikan beluk sk'alel lek awinik atukelik. ⁷ Te Balumilale ma stak' amen ya yilex te jaexe, yan te jo'one amen ya yilon, yu'un ja ya jkal te beluk smelile, te beluk ya spasike amen." ⁸ ba'anik te banti k'in: te jo'one ma ba ya xbo'on yu'un te jk'alelale ma to xk'ot." ⁹ Te k'alal la yaltilabey spisil ito, jil ta banti lum Galilea. ¹⁰ Te K'alal bajt'ikix ta k'in te sbankiltake, bajt ta patilaluk te Jesuse , ma la yak ' sba ta ilel muken ain lea. ¹¹ Te Judioetike yakalik ta ste'el ta banti k'in jich la yalik; ¿Banti ay te winike xi'ik?" ¹² Hay bayal ants-winiketik te yakalik ta ya'anel. Ay cha'oxtul te yaklik ta yalel: " Ja'i winik lek yot'an" ay yantik Jich yakalik ta yalel: "jo'oj, ja ya yikbael ta ch'ayel te ants-winiketike. ¹³ Ja'uk meto, muken yakalik ta ya'anel yu'un ya xi'ojik te judioetike. ¹⁴ Te k'alal olil ayixa te k'ine, te Jesuse mo bael ta templo jach' t p'ijubteswanej. ¹⁵ Te juioetike chajpna la yayik stojol te k'ope: " ¿Bit'il ay te bayal ya snai winik to ? Malel mayuk ba pijubtesbil. ¹⁶ Te Jeuse jich la yal : " Te bil ya jkak'bexe awile ma juk jku'un, ja yu'un te mach'a la stikunontele. ¹⁷ Te me ay mach'a ya sk'an spasbey te skanjel yot'an te Diose. Ja ya sna stojol te p'ijuteswaneje te yuk'on ta yak'el janix ba yu'un te Dios o jo'onax ya jchol jk'oplal jtukel. ¹⁸ Te mach'a janx y xchol sk'oplale janax ya sle te yakuk yich' ich'el ta muk', jauk meto te me ay mach'a stikunojtelel, ja smelil stukel , sok mayuk bi amen ta yot'am stukel. ¹⁹ ¿ yu'un bal ma jauk la yalbatik mantalil te Moises/ Jauk meto, ni tuluk ja ch'unejik. ¿Bistuk te ya k'an amilonik? ²⁰ Te ants-winiketik jich la yalik: " ¡ay pukuj ta wot'an! ¿mach'a te ya sk'an smilatel?" ²¹ Te Jesus jich la yal: " Junax te jkat'el la jpas, te ja'atike yanax la awayik yu'un ²² Te Mises ak'botik te circunsiciòn ( ma jauk yu'un te Moises, ja yu'un te sme stat te namey) ; juch te ja'atike ya waykeybik circunsiciòn tul winik ta sk'alalel iich' lewa., ²³ Te me ay tuluk winik te ya yich' circuncisiòn ta sk'alel ich' lewa, te ma ya xk'axintabeyik smantal te Moises, ¿bistuk te ilinemex ta jtojol yu'un te la pajtax tul winik ta skalelal iich' lewa? ²⁴ Ma me jawaluk k'opetik awalik yu'un te mach'a ma nabesbae, tojok ma awayik chajbanwanej." ²⁶ Ilawilik, Jamal ya xk'opoj stukel, mayuk bi ya yalbeyik. ¿yu'un la bal la xch'u'nik te ajwaliletik te ja te Cristo? Yu'un te jo'otike jnaojtik te banti talem te winik to . Yan te k'alal ya xtal te Cristo,, mayuk mach'a ya sna te banti ya xtal." ²⁸ Te k'alal yak ta p'ijubteswanej ta templo te Jesuse tulan k'opoj jich la yal:" te ja'atike ya anabonbaik sok ya anaik te banti talemon. Jauk meto ma jauk sk'anjel jkotan jtukel te talemon, te mach'a la stikunontele ja smelil, te ma ba ya anabesbaik. ²⁹ Te jo'one ya jnabey sba yu'un ja taleman ta swenta sok ja stinkunojtel." ³⁰ Yot'an ya sk'an stsakik, jauk meto mayuk ni tuluk ya xyal sk'ab yu'un mato xk'ot yorail. ³¹ Al bayal ta tul ants-winiketikete la xchu'nike, jich ya yalik: "Te K'alal xtal te Cristo, ¿k'axemtoxan ba señailetik ya spastaj xan te bit'il yak ta spasel inwinik ito? ³² Te fariseoetike la yayik stojol te ay mach'atik yakalik ta muken k'op yu'un te beluk la spas te Jesuse, sok te wolwanej yu'un te sacerdote'etik sok te Fariseoetik la stikunikbael kananetik yu'un ya xchukik. ³³ Te Jesuse jich la yal: " Te jo'one ma ta jalix k'aal te ya joinexe, jich me ya xbo'on ta stojol te mach'a la stikunontele." ³⁴ Ya leonik ts'iin jauk meto ma ba ya ataokik; te banti ya xbo'one ma stak ya xtalatik la." ³⁵ Te judioetike ya xjech sjokobey sbaik: ¿Banti ya xbajt' te winik to te ma xu ya jtalik ta le'el ? ¿ yu'un la ba ya sba sjoin te griegoetik te chikanax banti ayik sok yu'u la ba xa xb sp'ijubtes? ³⁶ Beluk ya sk'an yak' botik jnatik stojol te beluk la yale: 'Ya leonik ma ba ya taonik; te banti ya xbo'one ma sta ya xba'atik lea'?" ³⁷ Te k'alal jun xanix k'aal ya sk'an laja te muk'ul k'ine, te Jesuse, la stejk'an ba moel, jicch tulan la yal: "teme ay mach'a ya yaiy takin ti'il aka taluk ta jtojol aka yuch' ja'. ³⁸ Te mach'a ya xch'unone, jich te bitil ts'ibubil ta sjun Dios, Ya x-okintel lokel kuxl ja ta yot'an." ³⁹ Te Jesus la yal yu'un te Espiritu, te janax ya yichik ak'beyel te mach'atik la xch'u'unike, yu'un mato yichoj ak'el te espiritu yu'un te Jesus ma to xk'ot ta utsilal. ⁴⁰ Ay cha-oxtul, te k'alal la yayik stojol ito, jich la yalik: " Ta smelelil jai winik to ja te alwanej." ⁴¹ Te yantike jich yakalik ta yalel: " Jai to Jaix te Cisto." Jauk meto ay yantik te yklik ta yalel: ¿Te Cristoe ya xtal ta Galilea? ⁴² ¿yu'un bal ma yaloj te sjun te dios te Cristo ya xtal ta tsumbal te David ta lum Belèn, te banti talem te David/" ⁴³ La yal sba te ants-winiketiketa swenta te Jesuse. ⁴⁴ Ay mach'atik ya sk'an stsakik, mayuk mach'a a ya xyal sk'ab. ⁴⁵ Te kananetike sujt'ikbael ta stojol te wolwanej yu'un te sacerdote'etik sok te fariseoetik: te jich albotik: "¿bistuk ma la wik'iktel?" ⁴⁶ Te Kananetike jich la yalik: "Mayuk mach'a ya xk'opoj jich te bit'il ya xk'opoje." ⁴⁷ Jich la yichik albeyel te fariseoetik: "La wichik yolayeluk te jaexe? ⁴⁸ ¿Yu'un bal ay tuluk ajwalil o fariseo te la xchunixe? ⁴⁹ Te ants-winiketik te ma snabesba te mantaliletik, ch'ayel ya xbajt'ik. ⁵⁰ Te Nicodemo (ja tul fariseo, te sujt'okix yilela te Jesuse) jich albot: ⁵¹ ¿Yu 'un bal ya stak' te manatiletik jku'untik te ya slikbey smul tul winik te me ma neeluk ya jkaytik stojol sok te me mato njnaojtik te beluk spasoje? ⁵² Jich la yalik: "¿Talemat bal ta lum Galilea uk? Lea sok ilawil te ni tuluk alwanej talem ta lum Galilea." ⁵³ Jich juju-tul bajt'ik ta snaike.