1
Ya jpasat ta mantal ta stojol te Diose sok ta swenta te Cristo Jesús, te nopol ya slikbeyix smul te mach´atik kuxatik sok te mach´atik lajemik, ta swenta te ya xcha tal ta ajwalinele.
2
Chola me te sk´ope. teme ja yorailae sok te me ma jauke. Albeyame, koma, tak´uya sok lamaluk me awot´an ta bijteswanej.
3
Ya me sta yorail te anst-winike ma tsik´ yu´un te tulan bijtesele. Jich yu´un ya xjoytayot yu´un bijteswanejetik te ya x-ak´botik yilik te beluk ya smulan yot´anike. Janax te beluk ya sk´an yaiy stojol sok te xchijkine.
4
Ma sk´an xch´am yayik stojol te beluk smelelile, sok le ya sujt´ikba-el te banti yantik k´opetike.
5
Jaukmeto te Ja´ate ayuk me abijil yu´un ta spisil to. Ts´ikame te awokole, at´eliname xcholel te yach´il k´ope, k´otesame ta pasel te awat´el ak´botate.
6
Te jo´one chapalonix yu´un te ya xlajone. La staix yorail te ya xboone.
7
La kajyix lekil tsalaw, lajix kot´an ta alimal; sok stalel ay te xchujel kot´ane.
8
Te korona yu´un te beluk toje ja´ k´ejbilonix, te Kajwaltik te toj ya xchajp´anwan stukele ya yakbon korona te me sta skalele. Sok ma jaukon nax, sok te mach´a sk´ano yot´an te ya xchikna tele.
9
Antayame te ya xtalate la me ta ora.
10
Melel te Demas la yijteyonix. Ja´ bik´tajix yot´an yu´un te balumilale jich bajt´ ta Tesalónica. Crescente bajt´ta Galacia, sok te Tito bajt´ ta Dalmacia.
11
Janax te Lucas sjoinejon jilel. Le-a te Marco sok ik´a tel yu´un ya x-at´e ku´un leto.
12
Te Tíquico la jtikunba-el ta Éfeso.
13
Te najt´il jk´upak´e la kijtey ta Troas sok te Carpo, ich´bonte teme talate, sok te junetike janix jich te balbilke yu´un bayal sk´oplal ku´un.
14
Alejandro te ten tak´ine la yak´ ilel te ma la xch´un spasel te sk´anjel kot´ane. Te kajwaltike ya me yak´bey stoj stukel jich te bit´il la spas te yat´ele.
15
Janix jichatu-uk ya me sk´an ya atsatayaba melel k´axel skontroine te k´op ya jkaltike.
16
Te sbabial buelta la jtek´an ba ta k´ope , mayuk mach´a la skoltayon. la yijteyonik ta spisilik. Manchuk me ya yich´ kuenta te kajwaltik ta stojolik bi.
17
Jaukmeto te kajwaltike ay ta jtseel sok la yak´bon jkip jich ts´akal la cholbey sok ta spisil te yan lumetike la yayik stojol. La slok´esontel te bay ye tiawal choj.
18
Te kajwaltike yame skoltayon lok´el ta bay spisil te beluk ma lekuk ya xtal ta jwentae sok ya me skoltayon te ya x-ochon te bay ajwalinel ta ch´ulchan. Ak yich´ ich´el ta muk´ta ora to sok ta sbat´el k´inal. Jichuk.
19
Pajt beya yot´an te Prisca, Aquila, sok te mach´a ay ta snaj te Onesíforo.
20
Erasto ayin ta Corintio, juakmeto te Trófimo tsak bil ta chamel te k´alal la kijtey ta Mileto.
21
Pas atulan te ya xtalat te manchuk to ya xjul a te sike. Eubulo ya spatbat awot´an, sok te Pudente, Lino, Claudia sok te spisil te kermanotaktike. Te Kajwaltike ak me yak´bat yip te a espiritu.
22
Te yutsil yot´ane ayuk ta atojolik.