¹ Akgxni wakg xa napuxkún xa lakg Amorreos xapaxtutu kgalhtuchokgo Jordán anta niku takgnú chichiní chu wakg xa napuxkún Cananeos tiku xtawilanalh nakg xkilhapan pupunú Mediterráneo takgaxmatli xlakata PUCHINA xmaskakanit chuchut xa la kgaltuchokgo Jordán chuna kachikín xla Israel ta patakutli xa kilhtutu, xnakugkan talitzamalh tajikua chu yaj xtalachipaputún, xpalakata kachikin Israel. ² Amá kiltamakú PUCHINA wanilh Josué: "katlawa lichúkun xla chiwix chu kakachukúni xtiyat liwa wakg xa lakgchixkuwin xla Israel". ³ Chuna Josué tlawalh lichúkun xla chiwix chu kachukunilh xtiyat liwa wakg xa lakgchixkuwin xla Israel anta nakg sípi Aralot. ⁴ Wa jae xpalakata Josué kachukúnilh xtiyat liwa: wakg lakchixkuwin ti xtataxtunit nakj Ejipto, tanikgolh nakj kamuntzayan akxni tataxtulh nakg Egipto. ⁵ mazky wakg lakchixkuwin ti taxtokgolh nakj Egipto xkachukukanit xtiyat liwa, ni chatum aktzu kgawasa ti xlakgawanit nakj kamuntzayan xkachukukanit xtiyat liwa. ⁶ Kachikin Israel tla´walh nakj xakaskakni tiyat tipuxám kata lata wakg tachixkuwitat, wakg tropas ti taxtulh nakj Egipto tánilh,xawa ni takgaxmatnilh xtachuwin PUCHINA. PUCHINA litallalh pi ni xama kamak´xilhní tiyat neje tikamalakjnúnilh nakamaxki xa makgan xlitalakgapasni, tiyat niku lananán tachanan chu talipaw takgalhin. ⁷ Wa xkamanán ka wililh PUCHINA nakj xlakgxokgo, neje Josué kachukúnilh xtiyat liwa,xawa ni xkachukukanit xtiyat liwa nakj tíji. ⁸ akxni wakg kachukúka xtiyat liwa, tamakgxtakgkgolh anta nakj xakgstitlápan antá niku wakg ta paksli. ⁹ chu wa PUCHINA wánilh Josué: "Jaé chichiní AKIT jmakganunít tasipánit xla Egipto neje wixin xlitanátit".chuná lilakgapaskan amá tiyat Gilgal lata lachí. ¹⁰ Xkachikin Israel tawlakgolh anta nakj Gilgal.tatlawalh paxkua xli akgkutati chichiní amá papa, xlismalankgan, akxni xtawilanalh anta xakaxtum Jericó. ¹¹ amá chichiní akxni lalh Paxkua, ama chichiní, wakgólh tuku antá lananán nakj tiyat, kaxtilanchu neje ni kgalhí lixkútan, chu xaskawawa talhtsi. ¹² Amá maná (liwat xalakj akgapún) sputli ama kiltamakú, akgxni táwalh tuku lananán katiyatni. Yajtu ánalh maná tu xtalakgchan tachixkúwit xla Israel, wata amá kata wakgolh tuku xlananán nakj katiyatni Canaán. ¹³ akgxni Josué lakatsu xwí nakg Jericó, xlá lákalh talhmán chu lakawánalh, chu akxílhli chatúm chixkú tiku xyá antá xlakatín; chu xlikánat xchipanit nakj xmakán. Josué lákgalh chu wánilh: "¿Kin ka tapakgsiníya o tapakgsiníya kintaratlawnakán? " ¹⁴ Xlá kgálhtilh:" ni ti kjtapakgsiní. AKIT xapuxku makgtakgalhná xla PUCHINA.wa xpalakata kjminít."chuná Josué lakgachixkúwilh takilhputánilh antá nakj tiyat wílilh xakxekga chu wánilh: ¿wi tuku kimatlawiputúna?, kit mi skújni ¹⁵ Wa xapuxku makgtakgalhná xla PUCHINA wánilh Josué:"Katatúxtu min tatúnu xla min tantún,xawa anta niku yat, xa sikulnálan."Chuná titláwalh Josué.