¹ Akxhni putum tititlawkgolh tachixkuitat nak Jordán, wa puchina tiwnilh Josué: ² "Kalaksakti kalhkutuy tachixkuin, chatum chixku la akgatnu xlitalakgapasni. ³ Kakamxki uyma limapaksin: "katiya agkutuy chiwix la nak xpunan jordan, anta ninta yakholh xpalkachuwina Dios nak xha skakni tiyat, kakatapi, anta cho kakawli ninta nalagtankwikgoy katzisni". ⁴ Alistalna , Josué tikatasanilh cho kgalhkutuy tachixkuin wanty xtakalaksaknit chatum la akgatnu xlitalakgapasni. ⁵ Josué tikawnilh: "katitaxtutit nak xlakatin xpumakin xla talagkaxlhan xla puchina DIOS nak xpunan Jordán. Chatnu cho wixinin na kukay akgtum chiwix nak xpagxtun, chuna nantla tapulhkgan xli akgatnu xlitalakgapasni xtachixkuitan Israel. ⁶ Wa nalimaklakaskinatit la agtum talimasiy, aksni nakakalhsinkgoyan minkamankan, la mimacha kilhtamku: ''¿Tunta wamtun mimpalkata uyma chiwix? ⁷ Cho wix nakawaniya: 'Wa xkgalhtuchokgo Jordán titapaptzilh nak xlakatin xpumakin xla talagkaxlhan xla PUCHINA. Akxni titaxtulh nak Jordán, wa xkgalhtuxkgo Jordán titapitzilh. wancho uyma chiwix xlilkpastakakkan nawan xpalkatakan tachixkuitat xla Israel xhaxlipan". ⁸ Wa xkachikin Israel tlawkgolh nantla tikalimapaksilh Josué, wancho xlakan tiykgolh akgkutuy chiwix nak xpunan Jordán, wa nantla wanilh PUCHINA, Josué. Wa walikgolh chiwix chuna nantla kaputlhkgakanit ni aglit xlitalakgapasni xwi nak katxhkin xla Israel. Tilinkgolh cho chiwix anta ninta titilagtanwikgolh cho anta ti walikgolh. ⁹ Alistalna cho Josué walilh akgkutuy chiwix nak xpunan Jordán , anta ninta titaykgolh xtuwankan xpalkachuwina Dios tinta xlakgachipkgonit xpumakin xla talagkaxlhan. wa cho uyma xlilkapastakgkan chunku wi lawku. ¹⁰ Wa xpalkachuwina Dios ti tichaxkgolh xpumakin talagkaxlhan taykgolh nak xpunan Jordán akan pogtu wantu PUCHINA limapagsil Josué, tu kawanilh kachikin takagtzilh, chuna nantla Moisés tilimapagsil Josué. wa tachixkuitat lakapalakgolh cho titaxtukgolh. ¹¹ Akan pogtu tachixkuitat titaxtukgolh, wa xpumakin xla talagkaxtlhan xla PUCHINA wancho xpalkachuwina Dios titaxtukgolh nak xlakatin kachikin. ¹² wa xlitalakgapasni Rubén, cho xlitalakgapasni Gad, cho itat xlitalakgapasni Manasés titaxtukgolh makxtum nak xlakatin israel, xtakaxtaykgonit la agtum magtakgalhnanin, chuna nantla tikawanilh Moisés. ¹³ Awyu tipuxanmilh lakchixkuin xlinkgoy putum tu namaklakaskinkgoy nak xputalatlaw, titaxtukgolh nak xlakatin PUCHINA cho ankgolh talatlawnakgoy anta nak xakaxtum Jericó. ¹⁴ Akan tiyma kilhtamku wa PUCHINA tlanka xlakatsukut ti tlawka Josué nak xlakatinkan xlakgastapukan pogtu Israel. Wa Josué ti kaknekgolh, chuna lantla ti kaknekgolh Moisés xli pogtu xkilhtamku xlatamat. ¹⁵ Alistalna cho PUCHINA tixkgatlilh Josué: ¹⁶ " Kakalimapagsi xpalkachuwina Dios am kachaxkgolh wa xpumakin xla talagkaxtlhan cho katakutkgolh nak Jordán". ¹⁷ Wancho, Josué kalimapagsil xpalkachuwina Dios: "Kataxtutit nak jordán". ¹⁸ Akxni cho wa xpalkachuwina Dios ti xkukakgonit xpumakin xla talagkaxlhan xla PUCHINA takutkgolh nak xpunan Jordán, akan cho wa xtuwankan tokglhkgolh katiyatni xaskakni, wa xchuchut Jordán tzukupa tlawan lax xtlawma akgtati kilhtamkuta. ¹⁹ Wa tachixkuitat taxtukgolh nak Jordán nak xli akgkaw kilhtamku xlikgalhtum papa. Anta titawlakgolh nak Gilgal, anta xlipulhni chichini Jericó. ²⁰ Wa akgkutuy chiwix tu timaktukgolh nak Jordán, Josué walilh nak Gilgal. ²¹ Wa wanilh xkachikin Israel: " Akan wa minkilhtzukutkan na kakglhskinkgoy xtlatkan tu mimacha kilhtamku: '¿Tunta cho uyma chiwix? ²² Kakawani cho minkaman: "Unu wa Israel tixtunit nak Jordán nak xha kaskakni tiyat". ²³ Wa mi PUCHINA DIOS timaskakli chuchut minpalakata, kgalhkalhilh akan tixtukgo, chuna nantla wa PUCHINA mi DIOS ti tlawanilh pupuna spinini, wa limaskakalh kimpalakatakan kgalhkgalhilh akan pogtu titaxtutit, ²⁴ xpalakata ampi pogtu tachixkuitat ti wilhkgolh nak kakilhtamku kakatzikgolh am wa xmakan PUCHINA kgalhiy litliwkga, cho wixinin nakakniyatit PUCHINA DIOS titapagsiniyatit, xaxlipan.