¹ , Alistalh Josué kamamakxtumilh xliputumkan xtalilakgapasni xalak Israel nak Siquem chu katasanilh lakgolún xalak Israel, xmapekgsinanin, chu akgastayawaná, na chuna xlakgskunikan , paks talakatsuwikgolh xlhakatin Dios. ² Josué kawanilh xputumkan tachixcuwitat: ''wa uma tu Puchina Dios xalak Israel, wan : wa xalakgmakgán latamani makgasa kilhtamaku latamakgolh tlakg pekganacha anta ni hui xkgalhtuchokgo Eufrates, Taré , wa xtlati Abraham chu xtlati Nacor , wa xlakan lakgatakilhputakgoy tamakanitlaw. ³ Wampi akit kitiya mintlati antani xlamacha pekganacha nak Eufrates chu kliyalh xakatiyathna Canaán, kmaxkilh lhuwa xkamanán xpalakata xkgawasa Isaac. ⁴ Wa chu Isaac kit kmaxkilh Jacob chu Esaú. Wa Esaú kmaxkilh tiyat kakiwin xla Seir laki pi xla nawán, wampi wa Jacob chu xkamanán ankgolh tani wilacha Egipto. ⁵ AKIT kmalakgachalh Moisés chu Aarón, chu ka akgastayaw amakgolh egipcios kgampalhuwa liakgastakyaw. Alistalh chu , ktamakaxtun wix. ⁶ AKIT klimilh xalakmakan latamani xkilhtin Egipto, chu titamilh nak pupunu. Wa egipcios kaliakstalakgolh xputlawkan chu ti xkgetawilakgoy kawayu xlimakgat lata wi Pupunú Xaspinini. ⁷ Akxni xalakgmakgan minatlatnakán lakgkilhankgolh Puchiná, Wa wililh xakasisni milakstipankan wixinan chu egipcios. Wa ti limilh pupunú laki pi nakamakgtsiy chu nakamamuxtiy. Wixinan ukxilhtit tu Akit ktlawa nak Egipto. Akalistalh wixinan latapatit nak xakaskagkni tiyat makgas kilhtamakú. ⁸ AKIT kalimin nak xtiyath xala amorreos, wanti xwilakgolh xakilhtutu Jordan. Wa xlakan kgatalatlawakgon chu kamakamaxkin nak mimakankan . Wixinan akgchipatit xtiyathkan, chu AKIT kamalakgsputu kmilakatinkan. ⁹ Alistalh Balac xkgawasa Zipor, puxku xalak Moab, ti takichá chu talatlhawa Israel . WA malakacalh chu kilhkanilh Balaam, xkgawasa Beor, laki chu nakamapatiniyan . ¹⁰ Wampi AKIT ni kaxmanilh Balaam. xlikana, WA kasikulhnalin. Chuná chu kalakmaxtun nak xmakan. ¹¹ Wixinan pitit xkalhni Jordán chu chipitit nak Jericó. Wa mapekgsinanín xalak Jericó katalatlhawakgon, xlipaks amorreos, ferezeos, cananeos, hititas, gergeseos, heveos chu jebuseos. AKIT kamaxkin tatlajan xkgospun xlakan chu kawilih pi natapekgsinikoy ¹² AKIT malakachalh lhuwa kgalat milakatinkan , wanti kalhenikahl amakgol xchatikan puxkunannin xalak amorreos ,laki pi natsalakgoy. chu xla uma nichuna lhahl xpalakata spada chu xlitalakna. ¹³ AKIT kamaxkin tiyat hua tu ni wixinan liskujtit chu kachikinin wantu ni wixinan lakaxwilinitantit, chu lanchiyú anta wilatit. Wixinan wapatit xtawakat kiwin , wantu ni chanitantit . ¹⁴ Chu lanchu kapekuanitit PUCHINA chu kalaktakilhputatit kakajnitit wan tu xlikana; kamatampuxtutit tamakanitlaw wantu xlakgachixkuwimakgolh xamakgán minatlatnakan pekganachá Eufrates chu Egipto, chu kalakgatakilhputatit PUCHINA. ¹⁵ Palpi nilakgatiyatit nak xlakatin milakastapukan kaknaniyatit PUCHINA , kalaksaktit wixinan uma kilhtamaku , xa tiku nalakgskunaniyatit , wa amá tamakanitlaw wantu lakgatakilhputakgolh xamakgán minatlaknakan pekganacha Eufrates, chi wa xtamakanitlaukan amorreos, nak katiyayna tani huilatit , "Wampi akit chu kinkamán naklakachixkuwiyaw PUCHINA. ¹⁶ Wa chu tachixkuwitat kgalhtinalh chuné wa: Akinan niukxní ktimakgaxtakgwi wa PUCHINA lakimpi nak lakgachixkuwiyaw tamakanitlaw. ¹⁷ wa PUCHINA Dios wa ti kinkalimin chu kinatlanakan xalakgmakgán nak xtiyat Egipto, xatachín xakuilanaw, wa tlawalh laktlanka likakni wa tu man kilakgastapukan kliukxilhwi, wa ti kinkamagtakgalhni nak tiji chu laktlanka kachikinín taní ktitaxtú. ¹⁸ Wa PUCHINA tamakaxtu kilakatinkan putum tachixkuwitat, wa ama amorreos ti xlamakgolh uma katiyatna . Na chuna chu akinan nak lakgatakilhputayaw PUCHINA, sampi Wa xla kintlatikan Dios. ¹⁹ Wampi Josué kawanilh: wixinan ni lay lakgachixkuwiyatit Puchina' sampi Wa Dios xasantujlani, Wa xla Dios sitsiy., Wa xla ni katikatapatin min talakgachixcuwimakgankan chu mintalakgalhinkan. ²⁰ Pala wixinan na makgxtakgatit min Puchinacan chu na kakninaniyatit tamakanitlaw, Wa xla na sitsiy chu nakaakgastakyawayan. Wa nakamasputuyan maski ey xkatlawaninitan tu tlan. ²¹ Wampi tachixkuwitat wanilh Josué: Ni; akinán nakakninaniyaw Puchiná Dios 22 ²² Wa chu, Josué kawanilh tachixkuwitat: Wixinan man kalamalakapastaknitit pi xman laksaknitantit , ama Puchina , pi wa nalakgtakilhputayatit. " Xlakan wankgolh: "Katsiyaw tuku kmalaknunitaw." v 23 Josue kawanilh: "lanchiyú kamapanuntit amá tamakanitlaw wantù katawilán chu kataspitit xliputúm mi nakukán mi Puchina, Dios xalak Israel. ²⁴ Tachixkuwitat wanilh Josué: "Akinán nakakninaniyaw wa Puchiná kiDioskan. Akinán nakgaxmataw xtachiwín." ²⁵ Josué katatlawalh talagkaxlhan xliputúm kachikín amá kilhtamaku. Wa wililh kpulataman akgatunu limapakgsin nak Siquem. ²⁶ Josué tsokgli umá tachiwín nak likgalhtawakga xla xlimapakgsin Dios. Wa tiyalh akgtum lanka chiwix chu antá wililh, xtampín lanka kiwi tu xya xpaxtun pulakgachixkuwin xla Puchina ²⁷ Josue kawanilh xli putum tachixkuwitat: "kauxilhtit, umá chiwix nanilakapastakaw kin palakatakan.Kgaxpatnitantit paks xtachiwin Puchina wa tu kinkawanin akinán.Chuna chu nakamalakapastakniyan para xamakgtúm na pantsankgayatit min Puchinakan." ²⁸ wa chu Josué makgat kamalakgachalh tachixkuwitat, chatunu,chatunu nak xtiyatkan wantu xmapakgsikoy. ²⁹ Alistalh, Josué xkgawasa Nun, xlakskujni Puchiná, nilh, xkgalhi akgtumciento akgkaw kata. ³⁰ Xlakán maknukolh nak xkilhpan xpulataman, nak Timnat Sera, wa tu wi nak kasipijni xtiyat Efrain, xpekgextu sipij Gaas. ³¹ Israel lakgtakilhputalh Puchiná xlimakgwa xlama Josué; chu lakgolotsin wanti tlakg makgas latamakolh; wa umakgolh xman ukxilhkgolh xlipaks tuku tlawalh Puchiná xpalakata Israel. ³² Tachixkuwitat xalak Israel liminkgolh xlukut José wantu xwi nak Egipto, maknukgolh nak Siquem, nak xa aktsu tiyat wa nikuma xtamawanit Jacob, xkamakgtamawanit xkaman Hamor, xtlati Siquem . Wa xokgolh akgtum ciento tumin xa plata, chu litaxtulh xtiyatkan xkaman José. ³³ Eleazar xkgawasa Aarón na nilh .Wua xlakán maknukgolh nak Guibeá, Xkachikin Finees xkgawasa, wa tu xmaxkikanit. Wa tu xwi nak kasipijni xtiyat Efraín.